ЯҢАЛЫКЛАР
Бүген Буа муниципаль районы җитәкчесе Ранис Камартдинов шәһәр һәм район предприятиеләре, оешмалары җитәкчеләрен беренче гомумшәһәр планеркасына җыйды. «Эшлекле дүшәмбе»дә район һәм шәһәр тормышының актуаль мәсьәләләре буенча фикер алыштылар, алдагы көннәргә бурычларны билгеләделәр.
«Эшлекле дүшәмбе»не традицияне дәвам итеп бүләкләү тантанасыннан башладылар. Үз хезмәтләрен нәтиҗәле башкаручыларны барлаганнан соң, Россия Эчке эшләр министрлыгының Буа муниципаль районы буенча бүлеге начальнигы Ринат Хәсәновның Буа районындагы һәм Буа шәһәрендәге оператив хәлләр турындагы чыгышы тыңланды. Район башлыгының беренче урынбасары Илдар Еремеев үзара салым акчаларын җыю буенча эшне оештыру турында мәгълүмат бирде. Буа шәһәре Башкарма комитеты җитәкчесе Олег Панцырев шәһәрнең Яңа ел бизәлешенә йомгак ясады һәм инде киләсе 2021 елга шәһәрне бәйрәмчә бизәү планнары белән уртаклашты.
«Демография» милли проектының «Өлкән буын» проектын тормышка ашыру кысаларында Буа муниципаль районында Буа үзәк хастаханәсе, авыл җирлегендә яшәүче 65 яшьтән өлкәнрәк гражданнарны хастаханәгә автотранспорт белән китерү буенча эшне дәвам итә. Бу эшнең максаты - планлы дәвалау-диагностика чараларын, диспансеризацияне һәм профилактик медицина тикшерүләрен тормышка ашыру.
Өлкәннәрне «Гармония» халыкка социаль хезмәт күрсәтү комплекслы үзәге хезмәткәрләре хастаханәгә «социаль такси»LADA KUB моделе автомобилендә план-график нигезендә озата бара.
2019 елда барлыгы 1 345 өлкән яшьтәге гражданга әлеге хезмәт күрсәтелгән. Ә 2020 елда бу саннарны арттыру максаты, 65 яшьтән өлкәнрәк булган 3 732 кешене Буа үзәк хастаханәсенә озату планлаштырылган.
2019 елда Росреестрның Татарстан Республикасы буенча идарәсе дәүләт инспекторлары тарафыннан җир законнарын үтәү буенча 9 меңнән артык тикшерү уздырылган, аның нәтиҗәләре буенча җир законнарын бозуның 8 мең ярым очрагы ачыкланган. Шул ук вакытта ачыклану күрсәткече элеккечә югары дәрәҗәдә кала бирә. Шулай ук җир законнарын бозу очракларын бетерү күрсәткече дә югары дәрәҗәдә саклана -98% тан артык.
2020 елның 1 гыйнварыннан:
- хисап бирү бурычы гамәлдән чыгарылды;
- еллык бухгалтер хисабы салым органнарына электрон документ рәвешендә электрон документ аша гына тапшырыла.
Электрон документ әйләнеше операторлары Исемлеге Сезнең Инспекциянең мәгълүмат стендында урнаштырылган.
Әгәр сез кече эшмәкәрлек субъекты (исемлек буенча уртача саны 100 кешедән артмаган һәм керем 800 млн сумнан да артмаган) икән, бухгалтерлык хисабы Сезнең тарафтан тапшырыла:
2020 елда-электрон документ рәвешендә-электрон документ әйләнеше операторы аша яисә кәгазь документ рәвешендә;
2021 елдан - электрон документ әйләнеше операторы аша гына .
2019 елда Татарстанда үткәрелгән эш нәтиҗәләре буенча, ике дәүләт телендә рәсмиләштерелгән урам күрсәткечләренең өлеше 100% тәшкил итте. Бу хакта Татарстан Республикасы Министрлар Кабинеты каршындагы Татарстан Республикасы телләре турындагы законнарны гамәлгә ашыру советы утырышында Төзелеш, архитектура һәм торак-коммуналь хуҗалыгы министры урынбасары Владимир Кудряшов хәбәр итте. Киңәшмәне республика Хөкүмәте башлыгы Алексей Песошин уздырды.
"2019 ел нәтиҗәләре буенча, муниципаль берәмлекләр тәкъдим иткән мәгълүмат нигезендә, ике дәүләт телендә рәсмиләштерелгән урам күрсәткечләренең өлеше 100% тәшкил итте. Ел дәвамында дүрт район — Чистай, Менделеевск, Ютазы, Актаныш районнары буенча динамиканың югары дәрәҗәдә булуын билгеләп үтәсем килә. Ел нәтиҗәләре буенча алар барысы да йөз процент күрсәткечләргә иреште», — дип искәртте «Татар-информ» матбугат агентлыгы Владимир Кудряшов чыгышын.
Буа муниципаль районының Авыл хуҗалыгы һәм азык-төлек идарәсендә Идел алды зонасы семинар-киңәшмәсе узды, анда «Татарстанның элиталы орлыклары» ассоциациясе генераль директоры Ю.В. Еров Ю. җитәкчелегендә җиде районның орлыкчылык хуҗалыклары катнашты. Семинарның темасы «2020 елда оригиналь элиталы орлыкларны җитештерү һәм сату үзенчәлекләре». Бу чарада орлыкчылык хуҗалыкларының авыл хуҗалыгы формированиеләре белән үзара хезмәттәшлеге мәсьәләләре буенча фикер алыштылар.
ТАССР төзелүнең 100 еллыгын бәйрәм итү алдыннан Боерган урта мәктәбенең 6 сыйныф укучылары авыл китапханәсенә ил, республика, авылның тарихи үткәне белән танышу өчен “Боерган авылы документларда һәм фотосурәтләрдә " дип исемләнгән тарихи сәгатькә килделәр. Китапханәче балаларга 1920-2020 еллар аралыгында кече Ватаныбызда булган вакыйгалар турында сөйләде. Укучылар диварга эленгән тарихи фотосурәтләрне җентекләп, зур кызыксыну белән карады. Сөйләшелгән истәлекләрне хәтердә калдырып, яшь буынга әлеге тема буенча бай эчтәлекле презентация дә тәкъдим ителде.
Бүген Татарстан Республикасы Урман хуҗалыгы министры Равил Кузюров эш визиты белән Буа муниципаль районында булды. Аның сәфәренең төп максаты-2019 елда министрлык карамагындагы учреждениеләр эшчәнлеге йомгаклары буенча киңәшмә үткәрү һәм 2020 елга бурычлар кую, шулай ук 2019 ел өчен күмәк шартнамәләрнең үтәлешен карау һәм 2020 елга шартнамәләр төзү яки озайту иде.
Киңәшмә башланыр алдыннан Равил Кузюров Буа муниципаль районы җитәкчесе Ранис Камартдинов белән очрашты. Очрашу кысаларында алар урман хуҗалыгын үстерү, урманнарны яңадан торгызу һәм урман үрчетү буенча эшләр башкару мәсьәләләре турында фикер алыштылар.
Буа шәһәре Лицей - интернатының (сәләтле балалар мәктәбе) 10 сыйныф укучылары Н.Игошина һәм Р. Гафарова инглиз теле буенча Бөтенроссия диктанты җиңүчеләре булдылар. Укытучылары Э.Ф. Әбҗәлилова. Укычыларны һәм укытучыларын котлыйбыз һәм киләчәктә дә уңышлар телибез.
Татарстан Республикасы Хезмәт, мәшгульлек һәм социаль яклау министрлыгы «Хезмәт өчен түләүнең минималь күләме турында «Федераль законның 1 статьясына үзгәреш кертү хакында» 463-ФЗ номерлы Федераль закон нигезендә, 2020 елның 1 гыйнварыннан Россия Федерациясе территориясендә хезмәт өчен түләүнең минималь күләме аена 12 130 сум тәшкил итә дип хәбәр итә.
Россия Федерациясе Хезмәт Кодексының 129, 133 статьялары нигезендә айлык хезмәт хакының (өстәмәләр, өстәлмәләр, премияләр һ.б.), бу чорда тулысынча эш вакыты нормасын эшләгән һәм хезмәт нормаларын (хезмәт вазыйфаларын) үтәгән хезмәткәргә исәпләнгән гомуми суммасы билгеләнгән минималь хезмәт хакыннан ким була алмый.