ЯҢАЛЫКЛАР

1 сентябрь-көтеп алынган бәйрәм! Шәһәр һәм районның барлык мәктәпләрендә бүген тантаналы линейкалар узды. Районда кабат белем алырга 4672 укучы китте, шуларның 525е-беренче сыйныф укучылары.

Буада Казан федераль университетының Халыкара мөнәсәбәтләр институты директоры, Татарстан Республикасы Президенты каршындагы Геральдика советы рәисе, Россия тарих җәмгыятенең Казандагы бүлеге рәисе Рамил Хәйретдинов һәм А.Х. Халиков исемендәге археология институты директоры,  археология һәм этнология кафедрасы мөдире, «Казан (Идел буе) федераль университеты " ЮҺБ ФДБМУнең халыкара мөнәсәбәтләр, тарих һәм көнчыгышны өйрәнү институтының  тарих фәннәре һәм Бөтендөнья мәдәни мирас югары мәктәбе директоры Айрат Ситдыйков булып киттеләр.

Буалылар - "Энергетика лидерлары" бөтенроссия конкурсы җиңүчеләре. Кичә Чиләбенең «Трактор» боз аренасында «Энергетика лидерлары» конкурсында җиңүчеләрне бүләкләү тантанасы узды. Барлык катнашучыларга мөрәҗәгать белән ике меңгә якын кеше-РФ энергетика министры Александр Новак, Чиләбе өлкәсе башлыгы Алексей Текслер һәм «Россети» ГАҖ башлыгы Павел Ливинский мөрәҗәгать итте. Җиңүчеләр арасында "Сетевая компания" ААҖ филиалы Буа электр челтәрләре хезмәткәрләре - Буа электр челтәрләре начальнигы Виктор Быченков һәм подстанцияләр хезмәте начальнигы Илнур Ильясов бар. Җиңүләре белән котлыйбыз һәм киләчәктә дә уңышлар телибез!

Татарстан  Республикасында  бүгенге  көнгә   65%,  ягъни    930 мең  га ашлык  мәйданда  ашлык җыелган. Бер гектардан  уртача  30,4 центнер ашлык  чыга.  Иртәгә  яңа  уңыштан   амбарларга    салынган ашлык  3  млн.  тоннага  җитәчәк. Мондый  саннарны  бүген  Татарстан  Республикасы Хөкүмәте Йортында  узган киңәшмәдә  Татарстан  Республикасы  Премьер  министры  урынбасары – Татарстан Республикасы  авыл  хуҗалыгы  һәм азык-төлек  министры Марат  Әхмәтов  китерде.  

Татарстан Президенты Рөстәм Миңнеханов татарстанлыларны Республика көне белән котлады, дип хәбәр итә ТР Президентының матбугат хезмәте.

29 августта ЭПУ "Буа газы" нда нефть һәм газ сәнәгате хезмәткәрләре көненә багышланган тантаналы чара узды. Тармак хезмәткәрләрен һәм ветераннарын котларга Буа районы башкарма комитеты җитәкчесе Ранис Камартдинов килгән иде.

ЮХИДИ яңа интерактив сервисны тест режимында эшләтеп җибәрде, анда автомат режимда эшләүче, фото - һәм кино төшерү функцияләре булган, юл хәрәкәте кагыйдәләрен бозуны теркәү өчен видеоязмалар булган махсус техник чараларның урнашу урыннары турында мәгълүмат тупланган.

5 сентябрьдә Татарстан Республикасы (Татарстан) буенча Роспотребнадзор идарәсенең Буа, Чүпрәле, Тәтеш, Апас районнарында территориаль бүлегендә 14:00 сәгатьтән 15:30 сәгатькә кадәр Роспотребнадзорның Татарстан Республикасы буенча идарәсе җитәкчесе урынбасары Л. Г. Авдонина Буа һәм Буа районнары халкын видеоконференцэлемтә режимында кабул итәчәк.  Белешмәләр өчен Телефон: (84374) 352 89.

Кичә Килдураз авылында капиталь ремонттан соң авыл мәдәният йортын ачу тантанасы булды. Авыл халкын Буа муниципаль районы башкарма комитеты җитәкчесе Ранис Камартдинов, «Татаркино» дәүләт бюджет мәдәният учреждениесе директоры Миләүшә Айтуганова, Килдураз авыл җирлеге башлыгы Зөлфәт Әхәтов зур вакыйга белән котладылар.

Хөрмәтле буалылар һәм районыбыз кунаклары!

30 август – Татарстан Республикасы көне! Әлеге бәйрәм – күпмилләтле Татарстан халкының бердәмлеге, тынычлык һәм татулык символы. Республикабыз үзенчәлекле мәдәниятен кадерләп саклап һәм арттырып, Россиянең иң матур регионнарының берсенә  әверелеп кенә калмады, бүген Татарстан – көчле, бай, динамик рәвештә үсүче, инвестицияләр җәлеп итүчәнлеген һәм халыкара танылганлыгын ышанычлы арттыручы, дөньякүләм масштабтагы иң эре һәм престижлы  чараларны үткәрергә сәләтле регион. Монда халыкның лаеклы яшәү рәвешен тәэмин итү, нәтиҗәле, конкурентлыкка сәләтле икътисад булдыру, социаль, белем бирү һәм мәдәният өлкәләрен камилләштерүгә юнәлтелгән программаларны реализацияләү буенча мәсьәләләр уңышлы хәл ителә. Татарстан Республикасының социаль-сәяси тотрыклылыгы, омтылышы, көче муниципаль районнар, шәһәрләр һәм һәр татарстанлы ирешкәннән туплана. Республиканың төп байлыгы – аның ярдәмчел, талантлы, эш сөючән яшәүчеләре. Республика көнен районыбыз юбилейлы елларга якынлашып каршылый. Буа шәһәре быел үзенең 239, район 89 еллыгын билгеләп үтә. Икътисади үсеш планнарын, перспективалы программаларны һәм проектларны тормышка ашырып, уртак көч белән туган районыбызны уңайлы, төзек итәргә, шул ук вакытта тарихи традицияләрне һәм аның рухи матурлыгын сакларга тырышабыз.

Кадерле буалылар!

Бүгенге бәйрәм көне данлы үткән, чәчәк атучы бүгенге көн һәм якты киләчәк өчен горурлануга матур сәбәп булсын, ә республикабыз ныгысын һәм чәчәк атсын, яшәүчеләренең муллыгы көннән-көн артсын. Сезгә нык сәламәтлек һәм зур бәхетләр телим

Буа муниципаль районы башлыгы М. Ә. Җаббаров