ЯҢАЛЫКЛАР

Бүген термометр баганалары -33 кә кадәр, ә урыны белән тагын да түбәнрәк. Шуңа бәйле рәвештә иске календарь буенча яңа елны бәйрәм итүне булдырмау турында Карар кабул ителде, ул 13 гыйнварга шәһәрнең Яшьләр паркында планлаштырылган иде.

Хөрмәтле район газетасы «Байрак» («Знамя», «Ялав») хезмәткәрләре!

Сезне һөнәри бәйрәмегез-Россия матбугаты көне белән котлыйм! Безнең илдә беренче басма газетаның чыгуы яңа эшкә һәм бүген дә кирәкле яңа һөнәргә башлангыч бирде. Хәзерге кеше тормышын объектив, һәрьяклы һәм оператив мәгълүматлардан башка күз алдына да китереп булмый. Мәгълүмат иҗтимагый фикер формалаштыра. Заман белән бергә атлап, массакүләм мәгълүмат чаралары форматларны үзгәртә, цифрлы киңлеккә чыга. Әмма журналистиканың асылы үзгәрешсез кала-вакыйгалар һәм кешеләр турында сөйләү, актуаль темаларны күтәрү, җәмгыять белән хакимият арасында диалог урнаштыру. Сезнең мәкаләләр һәм репортажлар Буа халкына үзләрен борчыган сорауларга җаваплар алырга, районда һәм аннан читтә барган вакыйгаларны белергә ярдәм итә.

Сезгә традицияләрне саклап калуыгызны һәм актуальлегегезне югалтмавыгызны телим. Яңа уңышлар, кызыклы материаллар, иҗади илһам һәм иң изге теләкләр!

Буа муниципаль районы башлыгы Р. Р. Камартдинов

Пенсияләрне арттыру һәм түләү 

Узган ел дәвамында республиканың 1 млн. 136 мең кешесенә барлык пенсияләр тулысынча һәм законда билгеләнгән срокларда түләнгән. 2020 нче елда Татарстан Республикасында Пенсия фондының территориаль органнары пенсия билгеләү турында 42 меңнән артык карар чыгарды.

Пенсияләрне арттыру буенча чаралар дәвам итте. Гыйнвар аенда эшләмәүче пенсионерларның иминият пенсияләре 6,6% ка индексацияләнгән, бу 2019 ел нәтиҗәләре буенча инфляция дәрәҗәсеннән ике тапкыр артыграк.

1 апрельдән Россия Федерациясендә пенсионерның яшәү минимумы үсеше темпларын исәпкә алып, 2019 ел өчен социаль пенсияләрне 6,1% ка индексацияләү үткәрелгән.

Август аенда 270,9 мең эшләүче пенсионерның Россия Пенсия фонды бюджетына кергән иминият взнослары суммасы турындагы белешмәләр нигезендә иминият пенсияләренә бернинди төзәтмәләр кертелмәгән.

Индексацияләрне исәпкә алып, Татарстанда пенсиянең уртача күләме 15 497 сум тәшкил иткән.

2021 елның 12-15 гыйнварында Буа дәүләт драма театрында "Буа Раштуа" мини-фесты узачак:

12 гыйнвар 
15.00 –«Кем ул?» притчасы («Свидетельские показания») Д.Данилов, режиссер Регина Саттарова 
19.00 – «Виктория»  өлкәннәр өчен әкият Т.Хәкимов, режиссеры Оксана Половинкина 
 

Хөрмәтле прокуратура хезмәткәрләре һәм ветераннары, һөнәри бәйрәмегез – Прокуратура хезмәткәрләре көне белән ихлас котлауларымны кабул итегез! Прокуратура халыкны ышандырган һәм үз мәнфәгатьләрен яклаучы институт булып кала. Һәм бу, минемчә, эшнең төп күрсәткече. Гаделлеккә һәм дөреслеккә, закон каршында тигезлеккә, дәүләт көченә ышаныч күбесенчә сезгә бәйле. Сез күп еллар дәвамында законлылыкны һәм хокук тәртибен ныгыту, гражданнарның хокукларын һәм ирекләрен яклау, хокук саклау органнары гамәлләрен координацияләү буенча гади булмаган эш алып барасыз. Буалылар исеменнән һәм шәхсән үз исемемнән барлык хезмәткәрләргә, озак еллар законга хезмәт иткән өчен прокуратура ветераннарына аерым рәхмәт сүзләрен җиткерәм. Хокук тәртибен яклаучылар киләчәктә дә гражданнарның хокукларын һәм законлы мәнфәгатьләрен яклау буенча һөнәри бурычларын намус белән үтәрләр, кешеләр хакына эшләр дип ышанам. Бәйрәм белән котлыйм һәм сезгә сәламәтлек, иминлек һәм яңа елда бары изге теләкләр генә телим.

Авыл мәктәпләренең башлангыч сыйныфларында дәресләр -23 градустан, ә шәһәр мәктәпләрендә 1-4 сыйныф укучылары өчен-25 градустан түбән булганда ук уздырылмаска мөмкин. Дәресләр 5-9 нчы сыйныф укучылары өчен авыл мәктәпләрендә -25 градуслы, ә шәһәр мәктәпләрендә дәресләрне -27 градуслы вакытта гамәлдән чыгарырга тәкъдим ителә. Моннан тыш, дәресләр авыл мәктәпләренең 10 һәм 11 сыйныфларында-30 градус салкын, ә шәһәр мәктәпләрендә -32 градус салкында үткәрелмәскә мөмкин . Шулай ук балаларны мәктәп автобуслары белән йөртүне һәм балаларны муниципаль берәмлекләрдән читкә чыгаруны туктатырга киңәш ителә.

12 гыйнварда 19: 00 сәгатьтә Буа дәүләт драма театры сәхнәсендә "Виктория" спектакле,16+, Тәврис Хәкимов.
Бу спектакль - үлемне җиңү мөмкинлеге булган бөек көч  итеп мәхәббәтне тасвирлаучы спектакль. Бу тарихта дәрт тә, югалтулар белән үрелеп барган язмышлар да. Спектакль тамашачыны Максим белән Викториянең дулкынландыргыч мәхәббәт тарихында  яшәтәчәк. Мөнәсәбәтләрнең мөһим булуын, үз-үзеңне аңларга, чит кешеләрнең тәҗрибәсен тыңларга һәм башка күп нәрсәләрне аңларга  ярдәм итәчәк.

2021 елда балаларны беренче сыйныфка кабул итү яңа кагыйдәләр буенча, "Төп гомуми һәм урта гомуми белем бирү программалары буенча белем алуга кабул итү тәртибен раслау турында" 458 номерлы Мәгариф министрлыгы боерыгы нигезендә узачак.

Документта нинди яңалыклар бар?
Әгәр дә элек күп еллар рәттән булачак беренче сыйныф укучыларының ата-аналарыннан гаризалар бирү 1 февральдән дә соңга калмыйча башланган булса (ә кайбер төбәкләрдә алданрак та ачыла алган), хәзер гаризаларны кабул итү 1 апрельдә генә башланачак. Өстәвенә, мәктәп өчен беркетелгән территориядә яшәүче гаиләләр өчен дә, балалары беренче сыйныфка кергәндә өстенлеккә ия булган гаиләләр өчен дә - старт вакыты бер - 1 апрельдә булачак. Ә бу категорияләрдән ата-аналардан гаризалар кабул итү 30 июньдә тәмамланачак.
 

Хөрмәтле буалылар! Бүген барлык өч мәйданчыкта - Үзәк һәм Яшьләр паркларында көндәлек музыкаль-уен программасы, ә шулай ук шикәр заводы паркында һава шартларының начарлануына бәйле рәвештә УЗДЫРЫЛМАЯЧАК.

Казаннан Буага яки Буадан Казанга – 200 сум!. "Көнчыгыш" автовокзалы ҖЧҖ Буа шәһәре өчен акция игълан итте: әлеге маршрут буенча йөрү бәясе 200 сум тәшкил итә.

Апас-Казан-150 сум ₽. Моннан тыш, 11 яшькә кадәрге балаларга юл бәясе бәянең 50%ын тәшкил итәчәк.
Көнчыгыш автовокзалы Казан-Буа-Казан регуляр рейсларын уңайлы автобусларда башкара: Казан-1 һәм Казан-2 тимер юл вокзалларыннан автобуслар көн саен китә.

Китү вакыты: ЖД-1 : 6.45, 8.15, 11.15, ЖД-2 : 7.30, 9.00, 12.00
Буада пассажирларны автовокзалдан һәм якындагы тукталышлардан алалар.

Китү вакыты: 13.00, 14.00, 15.00 сәгать.

Оешма сервис хезмәтләренең югары сыйфатын гарантияли. Маршрутта югары комфортлы яңа автобусларда тәҗрибәле шоферлар хезмәт күрсәтә.
Билетларны броньлау түбәндәге  телефоннар аша башкарыла:
+7(903) 306-48-12
+7(927) 030-43-43