ЯҢАЛЫКЛАР

4
май, 2015 ел
дүшәмбе
Буа фермеры Руслан Мифтахетдинов җиләк-җимеш үстерәчәк
Татаротан Республикасы фермерлары Президентның Җиләк үзәннәре программасын тормышка ашыруга керешәләр. Алга таба авыл хуҗалыгы җитештерүчеләре ел саен 700 тонна җиләк үстерергә тиешләр -  бу хакта Татарстанның фермерлар һәм крестьян хуҗалыклары ассоциациясе рәисе  Камияр Байтимеров хәбәр итте.
Буа – Яльчек автомобиль юлында ДТП булды
“ВАЗ-2110” автомобиленә идарә иткән 48 яшьлек ир-ат Буа-Яльчек автоюлында һәлакәткә очрады –  идарәне югалтып юл читенә төште.  Миның нәтиҗәсендә ул баш сөяге-ми җәрәхәте, баш сөяге фимозы алды, шулай ук сул як кабыргасы сынды. Ир-ат дәваханәгә озатылды. Башка зыян күрүчеләр юк.
Буаның Космовский урамындагы “Сезам” кибетен бастылар
Район эчке эшләр бүлеге начальнигы Айрат Ханбиков сүзләренә караганда бүген иртән караклар тәрәзәдәге тимер рәшәткәне каерып ачып, тәрәзәне ватып кергәннәр. Хәзерге көндә тикшерү эшләре бара. Кибеткә китергән зыян күләме һәм җинаятьчеләрнең шәхесе ачыклана.
Буа үзәгендә сугышчан пушка урнаштырыла
Шәһәрнең үзәк мәйданында “Т-80” танкы, десантның хәрби машинасы белән янәшә  152 миллиметрлы  “Д-20” гаубицасы да урын алачак. Кичә аны Свердловск өлкәсенең Белоярск районындагы хәрби частьтән алып кайттылар. Анда шәхсән үзе барган район хәрби комиссары Радик Төхфәтуллин әйтүенчә, ветераннарыбызга хөрмәт билгесе булган гаубица шушы көннәрдә постаментка урнаштырылачак.
Татарстан Эчке эшләр министрлыгы мәдәни үзәге артистлары Буада концерт куйды
Буа дәүләт драма театрында Татарстан Эчке эшләр министрлыгының мәдәни үзәгенең  “Яхшы кәеф” вокаль ансамбле җирле полицейскийлар алдында чыгыш ясады. Концерт Җиңүнең 70  еллыгына багышланды. Ансамбльнең җитәкчесе, эчке эшләр майоры Эльвира Лазарева, министрлыкның башка вәкилләре җирле коллегаларын бәйрәмнәр белән котладылар.
Буада, шәһәр үзәгендә Жиңү Парадына репетиция ясыйлар
Шәһәр мәктәпләре укучылары: кадет, полиция, яшь коткаручы сыйныфларында укучылар, ветеринария техникумының “Форпост“ отрядында, медицина училищесында белем алучылар соңгы берничә көндә “үзәк”кә Җиңү парады репетициясенә җыелалар. Алар  рәтләргә тезелеп, бердәм марш атлау күнекмәләрен өйрәнәләр. Соңгы ике көндә ул тулы составта һәм парад  киемнәре белән үтәчәк.  
30
апрель, 2015 ел
пәнҗешәмбе
“Тоннель” операциясе кысаларында Буаның Ефремов урамында транспорт йөртүчеләр рәттән туктатылды
  Бер сәгать эчендә барлыгы 20дән күбрәк автомобиль туктатылды.
Буада былтыр 7 җитешерүдә бәхетсезлек очрагы булды. Предприятиеләрдә аларны читләштерү өчен нәрсә эшләнә?
“Байрак”ның 27 апрель санында районда техник куркынычсызлык кагыйдәләрен һәм хезмәтне саклау таләпләрен үтәмәү аркасында килеп чыккан бәхетсезлек очракларының сәбәпләрен читләштерүдә ниләр эшләнгән – шул хакта язарга вәгъдә иттек.
Буа үзәгендәге һәйкәлдә Мәңгелек ут кабынды
Бөек Ватан сугышында һәлак булганнар истәлегенә  һәйкәлдә Мәңгелек утны кабыздылар. Һәйкәлне яңадан торгызу эшендә башлап йөргән район ветераннар Советы рәисе Николай Дементьев әйтүенчә, ул һәрвакыт янып торачак. Мемориал яктыртылачак та – анда язылган ветераннарыбызның исемнәрен төнлә дә укып булачак. Бүген һәйкәл тирәсе “кырмыска оясы”н хәтерләтә – асфальтлыйлар, чистарталар, буйыйлар. Кыскасы, эш ахырына якынлашып килә. Бөйк Җиңү көне дә көннән-көн якынлаша – аңа кадәр 9 көн калды
Татарча камил сөйләшүче 5 номерлы мәктәп укучылары видеокамера белән бүләкләнде
26 апрельдә Казанның Бауман урамында узган “Мин татарча сөйләшәм” акциясенең уньеллы тантанасында Буаның 5 номерлы мәктәбенең 3-9 сыйныфлар укучылары видеокамера белән бүләкләнделәр.
ЯҢАЛЫКЛАРГА ЯЗЫЛУ
Район турында
Гражданнар мөрәҗәгате
Социаль эшкуарларга һәм социаль юнәлешле коммерциягә карамаган оешмаларга ярдәм
«Матбугат хезмәте»
Телефон: 8 (84374) 3-10-93, 3-11-93
Факс: 8 (84374) 3-10-93, 3-11-93
E-Mail: bua@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International