ЯҢАЛЫКЛАР

Республика көнендә Буада масштаблы капиталь ремонттан соң Килдураз авылында Республика балалар шифаханәсе ачылды. Яңартудан соң бинада дәресләр өчен уңайлы  сыйныф, реабилитация кабинетлары, уңайлы ял итү зоналары барлыкка килде. Ел дәвамында биредә 850 бала профилактик дәвалану уза алачак, бер сменада 50 бала.

«Россия Федерациясендә дәүләт контроле (күзәтчелеге) һәм муниципаль контроль турында» 31.07.2020елның   248-ФЗ номерлы Федераль закон нигезендә Татарстан Росреестры тарафыннан җир законнарының мәҗбүри таләпләрен бозуны профилактикалауга юнәлдерелгән чаралар үткәрелә. Әлеге чаралар контроль (күзәтчелек) чаралары белән беррәттән өстенлекле булып тора һәм контрольдә тотылган затларга мәҗбүри таләпләрне һәм аларны үтәү ысулларын аңлату максатыннан үткәрелә.

Татарстан Росреестры белем бирү учреждениеләрен бер тәүлектән дә кимрәк кадастр исәбенә куйды

Хөрмәтле Буа районы халкы! Чын күңелемнән Сезне Республика көне һәм шәһәр көне белән котлыйм!

Республика көне бай тарихлы һәм данлы традицияле республикада яшәвебез өчен йөрәкләребезне горурлык хисләре белән тулыландыра. Без яшебез, милләтебез белән төрле, безнең һөнәребез һәм тормышка карашларыбыз төрле, әмма безнең республикабызны көчле, тотрыклы һәм чәчәк атучы итеп күрү теләгебез бер, шуның белән без - бердәм. Безнең районның һәр кешесе әлеге  Татарстаныбыз  үсешенә үз өлешен кертә. Шул ук вакытта безнең куркынычсызлык сагында торган һәм  көчле илебез мәнфәгатьләрен  махсус хәрби операция зонасында яклаган егетләребезне дә билгеләп үтү мөһим.

28 августта Буа шәһәренең  Ял үзәгендә булачак пляж төзелеше проекты буенча иҗтимагый фикер алышулар узды. Әлеге чарага иҗтимагый киңлекләрнең архитектурасы өлкәсендә белгеч Эдуард Губеев килде. Ул Татарстанны төзекләндерүгә зур өлеш кертте. Һәм бу көнне буалыларны пляж төзелеше проекты белән таныштырды.

Буа халкы әлеге фикер алышуда актив катнашты. Һәр кешегә кәгазьдә үз теләкләрен язарга мөмкинлек бирелде. Шулай ук кайбер нюанслар һәм теләкләр ачыктан-ачык тикшерелде. Эдуард Губеев халыкка әлеге объектны төзегәндә теләкләр исәпкә алыначак, дип вәгъдә итте.

Булачак пляж якынча 500-1000 кешегә исәпләнгән.

Билгеләп үтик, шәһәр һәм район халкы әлеге пляж төзелешен түземсезлек белән көтә.

Яңа уку елы алдыннан Татарстанда тулай тораклар кадастр исәбенә куелды. Казанда Четаев урамы, 8 адресы буенча КНИТУ-КАИ студентлары яшәячәк. Байлар Сабасында -аграр көллият укучылары.

30 августта Буа районында Республика көненә һәм шәһәр көненә багышланган бәйрәм программасы тәкъдим ителәчәк. Төп мәйданчыклар Буа Үзәк паркы һәм В.Трусенев исемендәге стадион булачак. Нигездә, чаралар кичкә планлаштырылган. Программаның нечкәлекләре белән үзенең телеграм-каналында район башлыгы уртаклашты. Ранис Камартдинов беренче тапкыр масштаблы «Түгәрәкләр ярминкәсе» уздырачагын билгеләп үтте.

Сез үз җир кишәрлегегездә кибет төзи аласыз, әмма шул ук вакытта җирне гамәлдәге законнар нигезендә рөхсәт ителгән файдалануны үзгәртергә кирәк. Әгәр сезнең җир кишәрлеге торак пунктлар җирләренә карый һәм рөхсәт ителгән файдалану төре индивидуаль торак төзелеше булса, шулай ук, әгәр Җирдән файдалану һәм төзелеш кагыйдәләре нигезендә сезнең участок мондый объектларны урнаштырырга рөхсәт ителгән зонага керсә, Җирдән файдалану һәм төзелеш кагыйдәләреннән  өземтә алу өчен муниципаль берәмлекләрнең Башкарма комитетына гариза белән мөрәҗәгать итәргә кирәк. Җирдән файдалану һәм төзелеш кагыйдәләре турында мәгълүмат муниципаль берәмлек Башкарма комитетының рәсми сайтында урнаштырыла. Өземтәне алганнан соң, җир кишәрлегеннән рөхсәт ителгән файдалану төренә үзгәрешләр кертү турында язу кертү өчен, КФҮ аша Росреестрның  идарәсенә алынган өземтәне теркәп гариза белән мөрәҗәгать итәргә кирәк.

2023 елның 21 августыннан 1 сентябренә кадәр Идел буе төбәкара табигатьне саклау прокуратурасы тарафыннан Россия Федерациясе Идел бассейнының 17 күзәтү астындагы субъекты территориясендә су саклау зоналарын, яр буйларын, су объектлары акваторияләрен саклау һәм файдалану турындагы законнарны үтәү мәсьәләләре буенча «кайнар линия» үткәрү оештырылды.

2023 елның 21 августында "Буа шикәре" ҖЧҖндә дәүләт теркәве өчен «Известь дефекаты» агрохимикаты проект-техник документациясе материаллары буенча җәмәгать тыңлаулары һәм фикер алышулар узды.

Тыңлауларда муниципаль район хакимияте, Буа муниципаль районы авыл хуҗалыгы һәм азык-төлек идарәсе вәкилләре, «Буа шикәре» ҖЧҖ вәкилләре катнашты.