ЯҢАЛЫКЛАР

Яңа Чәчкап авылында яшәүче Ирек Тимергалиев бакчачы. Үз кишәрлегендә ни генә үстерми! Бу вакытка кыярлары тозлауга әзер инде, җиләкне чиләк белән җыя. Бакчачы җиләк-җимеш агачларын да үзе ялгый. Мәсәлән, бер алмагачка берничә сорт ялгап, алмалар ала башлады. Ирек Тимергалиевның мул уңыш серләре турында «Байрак» («Знамя», «Ялав») газетасында укыгыз.

Буа муниципаль районындагы «Гармония» халыкка социаль хезмәт күрсәтү комплекслы үзәге дәүләт автоном социаль хезмәт күрсәтү учреждениесенең гаилә һәм балаларга социаль ярдәм күрсәтү бүлекчәсе белгече «Наркотикларсыз тормыш» наркотикларга каршы акция кысаларында, «Йөклелек һәм тәмәке тарту ярашмый» исемле профилактик әңгәмә үткәрде.

Әңгәмә барышында тәмәке тартуның зыяны: нигә туктарга кирәк? начар гадәт җимешкә ничек тәэсир итә? тәмәке тартуны ташларга кирәк? -кебек сораулар каралды.

Казан — Буа — Ульяновск автомобиль юлының 109+300 дән 130+400 км участогында саклагыч катламнар урнаштыру эшләре бара. Трассаның 101 нче чакрымында Зөя аша күперне ремонтлау башланды, ә 108 км озынлыктагы транспорт чишелешен капиталь ремонтлау буенча эшләр тәмамланып килә.

Татарстан Республикасы Авыл хуҗалыгы һәм азык-төлек министрлыгы хәбәр итүенчә, «Россия экспорт үзәге» АҖ чит ил базарларына агросәнәгать комплексы продукциясен чыгаручы Россия экспортерларына субсидияләр бирүгә заявкалар кабул итә.

Экспортерлар чыгымнарының 90 %ына кадәр компенсация алачаклар. Оешмага субсидия аны бирү турында килешү төзүгә гариза бирелгән көнгә кадәр 12 ай эчендә тотылган чыгымнар өлешен компенсацияләү максатларында бирелергә мөмкин. Шул ук вакытта агросәнәгать комплексы продукциясен сатудан экспорт кереме күләме сорала торган субсидия күләменнән 5 тапкырдан да ким булмаска тиеш.

«ҺӨНӘРИ КЕРЕМГӘ САЛЫМ» РЕЖИМЫ ТУРЫНДА

"Һөнәри керемгә салым” махсус салым режимы үзмәшгуль гражданнар өчен административ йөкләнешне киметүгә юнәлдерелгән.

Салым режимы шәхси эшмәкәр сыйфатында теркәү, хисап бирү, кассаларны куллану зарурлыгын күздә тота.

Салым һәм иминият взносларын түләү физик затның керемнәренә пропорциональ рәвештә башкарыла.

2018 елның 27 ноябрендәге 422-ФЗ номерлы Федераль закон белән түбәндәге ставкалар каралган: физик затлардан алынган керемнәрнең 4% ы һәм юридик затлардан һәм шәхси эшмәкәрләрдән алынган керемнәрнең 6% ы.

Үзмәшгульләр шулай ук 10 мең сум күләмендә салым тотып калынган акчага да ия, аны салымны киметү өчен кулланырга мөмкин.

«МИНЕМ САЛЫМ» МОБИЛЬ КУШЫМТАСЫ

Салым салуның әлеге режимы кысаларында үзмәшгуль гражданнар һәм салым органнары арасында үзара бәйләнеш «Минем салым» мобиль кушымтасын куллану юлы белән ерактан бара.

Россия Федерациясе Конституциясенә әйләнә-тирә мохитне саклау турындагы төзәтмә кешенең табигатькә йогынтысын киметергә ярдәм итәчәк. «Татар-информ» мәгълүмат агентлыгы белән КФУ Экология һәм табигатьтән файдалану институтының метеорология, климатология һәм атмосфера экологиясе кафедрасы мөдире Юрий Переведенцев уртаклашты.

Татарстанда кайбер коронавирус чикләүләрен йомшарттылар, Министрлар Кабинеты тиешле карарны бастырды. Бүгенге көннән дәүләт хакимияте һәм җирле үзидарә органнары тарафыннан профилактика чараларын үтәгәндә чаралар оештыру рөхсәт ителә. Башка чаралар: ял, мәдәни, спорт, күңел ачу чаралары - тыю астында кала

2020 елның җәендә яңа коронавирус инфекциясе пандемиясенә бәйле чикләү чаралары балалар ялының күнегелгән расписаниесен үзгәртте. Белгечләр чикләүләрне бетерүнең өченче этабында балалар сәламәтләндерү лагерьларын һәм шифаханәләрен ачарга киңәш итә. Беренче сменалар 1 июльдә башланырга мөмкин.

Кама аръягы агломерациясенең коммерцияле булмаган оешмалары, дәүләтнеке булмаган мәдәният һәм өстәмә белем бирү учреждениеләре чикле чаралар нәтиҗәсендә зыян күргән Чаллы Сәүдә-сәнәгать палатасына, аларга ориентлашкан ярдәм һәм мөмкин булган эш перспективалары турында белү өчен җыелдылар.

Катнашучыларны Сәүдә-сәнәгать палатасы гендиректоры Фәрит Бәшәров сәламләде, шуннан соң модераторлык инициативасын «Горизонт» коммерцияле булмаган оешмасының муниципальара ресурс үзәге җитәкчесе Ирина Комадорова алды.

- Без, ниһаять, хөкүмәт карарын көтеп җиткердек. 8 июньдә коммерцияле булмаган оешмаларның федераль реестры басылды, алар хәзер ярдәм чараларына исәп тота ала. Тасвирламалар кушымтада күрсәтелгән.

Яр Чаллыдан әлеге реестрга 30 оешма керде. Автошәһәрдә барлыгы 400 дән артык коммерцияле булмаган оешма теркәлгән.

Санитар-эпидемиологик хәлне һәм яңа коронавирус йогышы таралу үзенчәлекләрен исәпкә алып, 2020 елның 15 июненнән республика матди ярдәм үзәгенең Буа муниципаль районындагы 15 нче бүлегендә гражданнарны шәхси кабул итү алдан язылу буенча гына кабул ителә. Язылу (84374) 31689, (84374) 31703, (84374) 35529, (84374)32809 телеыоннары аша башкарыла. Бинага бары тик индивидуаль саклау чараларын ( саклагыч битлек, перчаткалар булуы зарур) кулланып кына керү рөхсәт ителә.