ЯҢАЛЫКЛАР
Буа муниципаль районында шәһәрнең хезмәт коллективлары белән очрашулар дәвам итә. Бүген Буа шәһәренең Ял итү үзәгендә район башлыгы вазифаларын башкаручы Ранис Камартдинов катнашында социаль яклау учреждениеләре һәм финанс учреждениеләре хезмәткәрләре белән очрашу узды.
Очрашу барышында катнашучылар үзара салым буенча җыелган акчага шәһәрне төзекләндерү буенча алып барыла торган эшләр белән таныштылар. Үз чиратында, катнашучылар Ранис Рафис улына үзләрен кызыксындырган сорауларын бирә алдылар. Ул буалыларның туган шәһәрнең тышкы күренешен яхшырту буенча башкарылган эшкә ярдәм итәчәгенә, аны төзекләндерүгә үз өлешләрен кертәчәгенә ышаныч белдерде.
Бөтендөнья сыйфат көне (World Quality Day) - һәр елны ноябрьнең икенче пәнҗешәмбесендә дөньяның күп кенә илләрендә (беренче тапкыр 1989 елда билгеләп үтелде) сыйфат буенча алдынгы халыкара оешмалар: сыйфат буенча Европа оешмасы, Япон галимнәр һәм инженерлар берлеге, сыйфатны тикшереп тору буенча Америка җәмгыяте һәм Латин Америкасы оешмасының (БМО ярдәмендә) инициативасы буенча үткәрелә торган чара.
2019 елда Бөтендөнья сыйфат атнасы 11-17 ноябрьгә, сыйфат көне 14 ноябрьгә туры килә.
11 ноябрьдә "Буа шикәре" хезмәт коллективы белән очрашу узды, анда Буа районы Башлыгы вазыйфаларын башкаручы Ранис Камартдинов катнашты. Очрашу Буа шәһәрендә үзара салым акчаларын кертү һәм куллану мәсьәләләренә багышланган иде. Чара барышында катнашучылар халыкның тормыш сыйфатын яхшыртуга юнәлдерелгән, районда алып барылган эш белән таныштылар, киләсе елга бурычлар турында сөйләделәр. Чарада катнашучыларга район җитәкчелегенә үзләрен кызыксындырган, төрле өлкәләргә кагылышлы сораулар бирү мөмкинлеге туды. Барлык сорауларга да тулы аңлатмалар һәм җаваплар бирелде.
Очрашу ахырында Ранис Рафис улы оешма хезмәткәрләренә эшләре өчен рәхмәт белдерде һәм хәл ителә торган мәсьәләләрдән читтә калмаска, гражданлык активлыгы күрсәтергә чакырды.
Татарстан Республикасы Авыл хуҗалыгы һәм азык-төлек министрлыгы авыл хуҗалыгы җитештерүчеләренә 1 ноябрьдән аграрчылар өчен ташламалы лизинг механизмын гамәлгә ашыруның Росагролизинг тарафыннан үзгәртелүе турында хәбәр итә: Паркны яңартуның 2.0 программасы ОТП 2020 программасына кертелә.
Иске Мәртле авылында уникаль сөт-товар фермасы бар. Хуҗасы-Адав-Толымбай авылында туып-үскән, хәзерге вакытта Казанда яшәүче Илгиз Әхмәтҗанов.
Кичә Буа муниципаль районы Башлыгы вазыйфаларын башкаручы Ранис Камартдинов һәм район авыл хуҗалыгы һәм азык-төлек идарәсе начальнигы Ранис Габитов аның коллективы белән очрашты.
Илгиз Гаделҗан улының "акыллы ферма" сында 810 баш мөгезле эре терлек бар, узган елның шул ук чоры белән чагыштырганда 182 башка күбрәк. Ел башыннан бирле 411 бозау алынды.
Бөтен эш ферма мөдире контролендә - аның смартфонында көн буена программалаштырылган эш графигы. Өйдән чыкмыйча гына, ул технологик процессларны төзәтә ала.
Шимбә көнне Татарстан Республикасы Хөкүмәте Йортында узган республика киңәшмәсендә Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Җәббаров авыл хуҗалыгы техникасын кышкы саклауга кую һәм аларны 2020 елгы кыр эшләренә эзерләү өчен ремонт эшләре башкаруның барышы турында сөйләде.
Бүген Буа шәһәренең Мәдәни үсеш үзәгендә район башлыгы вазифаларын башкаручы Ранис Камартдинов рәислегендә предприятие, оешма, учреждение һәм авыл җирлекләре башлыклары катнашында традицион киңәшмә узды.
Бүген Буа районының Югары Лашчы авылында һәм Кайрево авылында үзара салым акчаларын кертү һәм куллану мәсьәләсе буенча гражданнар җыеннары узды, анда Буа районы Башлыгы вазыйфаларын башкаручы Ранис Камартдинов катнашты.
Традиция буенча, җыеннар халыкның актив катнашында узды. Авыл халкы үзара салым программасын хуплады һәм 2020 елда үзара салым кертү өчен тавыш бирде.
Ранис Рафис улы очрашуда катнашучыларга алдагы планнар турында сөйләде, авыл халкының фикерләре белән кызыксынды, авыл халкын борчыган сорауларга җавап бирде.
10 ноябрь-Эчке эшләр органнары хезмәткәрләре көне. Бу уңайдан полиция хезмәткәрләрен Буа муниципаль районы Башлыгы вазыйфаларын башкаручы Ранис Камартдинов котлый
Россия Федерациясе Эчке эшләр органнары хезмәткәрләре көне уңаеннан тантаналы чара бүген шәһәрнең мәдәни үсеше үзәгендә узды. Район халкын иминлек сагында торучы Эчке эшләр бүлеге ветераннарын һәм полиция хезмәткәрләрен котларга Буа муниципаль районы башлыгының беренче урынбасары Илдар Еремеев, Башкарма комитет җитәкчесенең социаль мәсьәләләр буенча урынбасары Лилия Садретдинова һәм район эчке эшләр бүлеге начальнигы Ренат Хәсәнов килделәр. Хезмәт бурычын үтәгәндә батырлык, ныклык һәм җаваплылык өчен рәхмәт сүзләре әйтелде.