ЯҢАЛЫКЛАР

11
июнь, 2015 ел
пәнҗешәмбе
Буада республика театрлары Сабан туе гөрли
Бүген “Буа-Алан”га Татарстанның барлык театрлары коллективлары Сабантуйга җыелды. Идел аръягында беренче тапкыр  үткәрелүче гаҗәп тамаша бу. Мәйдан түрендә көрәш батырына әзерләнгән  төп приз – Татарстан Президенты Рөстәм Миңнехановтан автомобиль. Сабантуйны Кәрим Тинчурин исемендәге татар дәүләт драма һәм комедия театры директоры Фәнис Мөсәгыйтов ачты. Тамашага Тататарстанның халык артисты Салават та килде. Сабантуйның мизгелләрен түбәндәге фоторепортажда күрерсез.
Буада мәктәп яны лагерьларында ял итүче балалар Россия көнен билгеләп үттеләр
Кичә район мәктәп яны лагерьларында ял итүче балалар Россия көнен билгеләп үттеләр. Алар туган як турында җырлар җырладылар, шигырьләр сөйләделәр. Рәсем ясау конкурсы да бик кызыклы узды. 
Иске Суыксу егете Рамазан Җамалетдинов “Казан” бию ансамблендә бииячәк
Егет быел Ульяновск сәнгать училищесының хореграфия төркеме белән Казанга күрсәтмә чыгышларга баргач әлеге ансамбльгә чакыру алды. Рамазан бию белән 7 яшьтән шөгыльләнә.
Салкынча һава торышы кайчанга кадәр торачак?
Салкынча һава безгә Мәскәү өлкәсеннән килде, дип хәбәр итте синоптиклар.   Сабантуй бәйрәмнәре алдыннан, яңгырлардан соң термометр шкаласының төрекөмеш баганасы  төшә башлаган иде, бүген ул плюс 18 градус күрсәтте.
10
июнь, 2015 ел
чәршәмбе
Аксу авылында юл сала башладылар
Авыл җирлеге башлыгы Шәүкәт Гатауллин әйтүенчә, Үзәк, Колхоз, Мәктәп  урамнарындагы юллар өлешчә ясалачак. Хәзерге көндә юл өслеген алып тигезлиләр, аннан сары балчык җәячәкләр, соңыннан аны  комлы-ташлы катнашма белән түшәячәкләр. Өстәмә рәвештә авылдагы ике күпер дә төзекләндерелә. Әлеге эшләргә 10 миллион сумга якын акча тотылачак. Юл төзүчеләр юлларны шушы ай ахырына төгәлләргә вәгъдә итәләр.
«Наратлык» сәламәтләндерү лагеренда сезон ачылды
Анда беренче сменага 180 бала килде.
Лагерь начальнигы Светлана Победимская әйтүенчә, әлеге балаларның әти-әниләре барысы да бюджет өлкәсендә эшләүчеләр. Балалар, елдагыча отрядларга бүленеп күңелле ял итәләр, автобус белән шәһәргә “Арктика” боз сараена, Дельфин” йөзү бассейнына йөриләр. “Наратлык”ның үзендә дә быел спорт базасы баетылган, мәйданчыклар төзекләндерелгән.
“Росгосстрах” алга таба ОСАГО килешүе төземәячәк
Россия  Банкы үз боерыгы белән “Росгосстрах” җәмгыятенең транспорт чаралары хуҗаларының гражданлык җаваплылыгын мәҗбүри иминиятләштерүне гамәлгә ашыруга лицензиясенә чикләүләр кертте.
9
июнь, 2015 ел
сишәмбе
Буада рус теленнән БДИдә 100 балл җыючы бар!
Ул шәһәрнең 2 номерлы лицее чыгарылышы Анастасия Майорова. Кыз бу фәнне “су кебек эчүен” олимпиадаларда җиңүләр яулап, күп мәртәбәләр раслады инде.
Республика театрлары Сабан туе быел Буада, “Буа-Алан”да узачак
11 июньдә 13 сәгатьтә “Буа-Алан”га  республиканың театрлар коллективлары “десанты” төшәчәк. Быел бездә беренче тапкыр ХI республика театрлар Сабан туе узачак.
“Ашыгыч ярдәм” экипажы спортчыларга һәм юлчыларга барды
Район үзәк дәваханәсенең “Ашыгыч ярдәм” бүлекчәсе биргән мәгълүматларга караганда, Сабантуй көннәрендә гадәттән тыш хәлләр булмады, күбрәк спорт уеннарында катнашып кулын, аягын авырттырган кешеләргә урында гына медицина ярдәме күрсәтелде. Иң тынычсыз төн 8 июньгә – дүшәмбегә каршы төн булды. Апас районы территориясендә булган автомбиль һәлакәтендә каза күргән апаслы 1979 һәм 1982 елгы ирле-хатынлы юлчыларны район үзәк дәваханәсенең районара реанимация бүлегенә китерделәр. Алар әлегә бик авыр хәлдә, ә ике яшьлек балалары Апас дәваханәсендә калдырылган.
ЯҢАЛЫКЛАРГА ЯЗЫЛУ
Район турында
Гражданнар мөрәҗәгате
Социаль эшкуарларга һәм социаль юнәлешле коммерциягә карамаган оешмаларга ярдәм
«Матбугат хезмәте»
Телефон: 8 (84374) 3-10-93, 3-11-93
Факс: 8 (84374) 3-10-93, 3-11-93
E-Mail: bua@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International