Муниципаль районнар Буа муниципаль районы

ЯҢАЛЫКЛАР

июнь, 2015 ел

сишәмбе

Иске Суыксудан Илсур Хөсәенов – Буа Сабан туе батыры

Быел район Сабан туеның баш батыры булып бик күп көрәшчеләр тәрбияләгән Иске Суыксу авылыннан Илсур Хөсәенов калды.

июнь, 2015 ел

дүшәмбе

“Буа-Алан”да Сабантуй төгәлләнде. Котлаулардан, театрлаштырылган тамашадан соң беренче булып кыр батырларын, авыл уңганнарын бүләкләделәр. Аларны халкыбызның милли уеннарында, спортта көчлеләр, җитезләр алыштырды. Бу көнне 500гә якын кеше ГТО нормаларын да тапшырды. “Спортлы Татарстан” мәйданчыгыннан кеше өзелмәде, чират та хасил булды. Барысы да Дипломнар, истәлек бүләкләре алдылар. ГТО нормаларын тапшыручыларның иң өлкәненә 70, иң яшенә 11 яшь иде. Иң соңыннан пъедесталга татарча көрәш батырлары күтәрелде. Өлкәннәр арасында Иске Суыксу авылында яшәүче, 111 номерлы янгын частенда хезмәт куючы Илсур Хөсәенов батыр калды. Ул бу исемгә өченче елгы Сабантуйда да лаек булган иде. Җилкәсенә тәкә салдылар, традицияне дәвам итеп, Янтуганда туып-үскән бертуган Фәттаховлар аңа төсле телевизор бүләк иттеләр. Батыр асты – Түбән Наратбаштан Данир Сабиров. Яшьләр арасында абсолют җиңүне Буа егете, бүген Тәтеш педагогия училищесында укучы Раил Сафиуллин яулады. Ул шулай ук тәкә һәм акчалата премия белән бүләкләнде.

Исәк авылы Сабан туенда да яңгыр килде яуды, килде яуды

Авылдашларын, кунакларны Казанда “ Буа якташлыгы” җәмгыяте президенты Ирек Закиров, ветеринария техникумы директоры Вәгыйзь Сөнгатов һәм башкалар тәбрикләделәр.

Яңа Тинчәледә бозлы яңгыр астында Сабантуй гөрләде

Авылдашлары - Республиканың финанс министры Радик Гайзатуллинның кайтып житкәнен генә көтеп торган диярсең, ул барысын да Сабантуе белән котлаганнан соң, чиләкләп коя да башлады. Шуннан соң халык көтеп алган Салават та сәхнәгә менеп, бер куплет җыр сузган иде, тик ишелеп төшкән бозлы яңгыр мәйданнан халыкны таратты.

июнь, 2015 ел

шимбә

Яраткан маэмайларыгызны түләүсез стерильләштерегез

Быел Бөек Ватан сугышы ветераннары, инвалидлары, тыл хезмәтчәннәре, инвалидлар һәм пенсионерлар үзләре асраган этләрен түләүсез стерильләштерә алалар.

июнь, 2015 ел

җомга

Буалы Мөстәкыйм Хәйбуллов Сабантуйга кыңгыраулы акбүздә барачак

Мөстәкыйм абый Хәйбулловның чиккән сөлгеләр, кыңгыраулар белән бизәлгән тарантаслы атлары күп еллар инде Сабантуйның бер яме ул. Милли бәйрәмгә бизәлгән атларда бару әтисеннән килгән гадәт. Сабантуй алдыннан Мөстәкыйм абыйның планнарын белешеп кайттык.

Кечкенә Камил җырлы

Камил Вәлиев Буа егетләре арасында быелгы "Созвездие-Йолдызлык" фестивальендә катнашучылардан иң кечкенәсе. Аңа алты яшь.

Географиядән һәм рус әдәбиятыннан БДИ нәтиҗәләре билгеле

Чыгарылышлар имтиханнар башланганның беренче көнендә – 25 майда сайлау буенча предметлар – географиядән һәм рус әдәбиятыннан тапшырган бердәм дәүләт имтиханнары нәтиҗәләре билгеле булды.

Буа Сабан туенда “Президент белән бергә” республика иҗтимагый хәрәкәте “Спортлы Татарстан” мәйданчыгы оештыра

“Президент белән бергә” республика хәрәкәте активистлары Сабантуйда катнашырга әзерләнәләр. Татарстанның барлык районнарында, шул исәптән Буада да, Хәрәкәтнең җирле бүлекчәләре үз “Спортлы Татарстан” мәйданчыкларын булдырачаклар. Аларда теләгән һәркем ГТО нормаларын тапшыруда көчен сыный алачак. Иң активларга грамоталар һәм истәлекле бүләкләр тапшырылачак. Исегезгә төшерәбез: “Буа-Алан”да Сабан туе 7 июнь көнне 10 сәгатьтә башлана.

Буача Free market оештырыла

6 июньдә Буа шәһәрендәге “Буа” сәүдә үзәгендә 10 сәгатьтә элеккеге “Домотех” павильонында “Аграр яшьләр берләшмәсе” региональ иҗтимагый оешмасының Буа бүлекчәсе Free market, ягъни кулланырга яраклы иске әйберләрне китереп, аларга икенче тормыш бирүне оештыра.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ