Муниципаль районнар Буа муниципаль районы

ЯҢАЛЫКЛАР

декабрь, 2014 ел

чәршәмбе

Россиялеләр Бөек Җиңү көненә марка һәм конверт ясыйлар

Бөек Җиңүнең 70 еллыгына багышланган марка һәм конверт өчен иң яхшы рәсемгә Бөтенроссия конкурсы старт алды. Аны “Россия почтасы” “Марка” нәшрият үзәге белән берлектә үткәрә.

Ел да сагынып киләбез

Үткән якшәмбе көнне Казанда “Пирамида” мәдәни-күңел ачу комплексында “Буа якташлыгы” җәмгыятенең чираттагы тантанасы узды. 23нче мәртәбә үткәрелүче әлеге чара күптән инде Казанда яшәүче буалыларның көтеп алынган бәйрәменә әверелде. Бу көнне дә алар башкаланың меңнән күбрәк кеше сыйдырышлы иң зур залын шыгрым тутырдылар.

Татарстанның 7 меңнән артык укучысы Республика Яңа ел чыршысына әзерләнә

21 декабрь көнне 13 сәгатьтә Казанның “Татнефть-Арена” боз сараенда Республика Яңа ел чыршы бәйрәме узачак.

декабрь, 2014 ел

сишәмбе

Буада семинар-киңәшмә үткәрелде

Бүген Ял үзәгендә эш һәм шөгыль турындагы законнарның үзгәрүе, аларны белгечләр эшендә куллану тәртибе буенча семинар-киңәшмә үткәрелде.

Кырлайдагы Кыш бабай нәрсә белән шаккатырыр?

Казан арты Кырлай авылында татар Кыш бабае якынлашып килүче Яңа ел алдыннан олысын-кечесен бәйрәмгә чакыра.

Татарстанның Арча районы Яңа Кырлай авылы татар шагыйре Габдулла Тукай исеме белән бөтен дөньяга билгеле дисәң, һич күпертү булмас. Җир өстен ак кар келәме каплагач, биредәге Тукай музеенда бәйрәмчә рух хөкем сөрә башлый: инде алтынчы ел Яңа ел алдыннан татар Кыш бабае бөтен Россиядән кунаклар кабул итә.

Буада мини-футбол һәм КЭС-Баскет буенча ярышлары узды

Буада “Яшьлек” һәм “Батыр” спорт мәктәпләрендә мини-футбол һәм КЭС-Баскет буенча ярышларның зона этабы узды. Анда Татарстан Республикасының Мәгариф һәм Фән министрлыгы вәкиле Жанна Соркина да катнашты. Мини-футболда Буа ветеринария техникумы командасы икенче, Буа медицина училищесы дүртенче урынга чыкты. Ә КЭС-Баскет ярышында шәһәрнең 1 номерлы мәктәпнең егетләре, 5 номерлының кызлары лидер булдылар.

декабрь, 2014 ел

дүшәмбе

2018 елда хезмәтләрнең 70 процентка якыны интернет аша башкарылырга тиеш

Халык арасында электрон хезмәтләрне популярлаштыру – Татарстан җитәкчелеге алдында торган иң мөһим бурычларның берсе. Әлеге эшне уңышлы тормышка ашыру өчен республика үз алдына шактый зур максатлар куя: 2018 елда Татарстанда барлык төр хезмәтләрнең 70 процентка якыны интернет аша башкарылырга тиеш.

Алтын куллар бәйгесе

Р. З. Сәгъдиев исемендәге мәктәптә технология буенча олимпиадасының гамәли өлеше узды. Анда район мәктәпләренең 7-11 сыйныф укучылары катнашты. Кызлар, егетләр үзләре ясаган кул эшләре белән килгәнннәр иде.

Казанда Буа якташлыгы җәмгыятенең очрашуы узды

Кичә Казанда Буа якташлыгы җәмгыятенең очрашуы узды. Анда читтә яшәүче райондашлар да килгән иде. Алар күрештеләр, сөйләштеләр, фикер алыштылар. Муниципаль район башлыгы Азат Айзетуллов буалыларга изге теләкләрен җиткерде. Соңыннан җырлы-биюле тамаша узды.

Үзәк паркында чыршы куела

Шәһәрнең үзәк паркында чыршы куела. Бу эшне МППЖКХ (инженерлык челтәрләре) хезмәткәрләре башкара. Аны тиздән бизәп бетереп кабызачаклар.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ