ЯҢАЛЫКЛАР

«Халык инспекторы» кушымтасын 8 ноябрьдән бирле һәркем күчереп алырга мөмкин, һәм ул 14 мең җайланмада урнаштырылган инде. Шуларның 9 меңе – iOS операцион системасындагы җайланмалар, 5 меңе – Androidтагы җайланмалар. Бүген бу хакта барлык муниципаль районнар белән видеоконференцэлемтә режимында Татарстан Республикасы Хөкүмәте йортында уздырылган киңәшмәдә Татарстан Республикасы вице-премьеры – мәгълүматлаштыру һәм элемтә министры Роман Шәйхетдинов хәбәр итте. Киңәшмәне Татарстан Республикасы Президенты Рөстәм Миңнеханов уздырды.

Татарстан Республикасы Президенты Рөстәм Миңнеханов Россия Федерациясе Президенты Владимир Путинның РФ Федераль Җыенына юлламасы положениеләренең берсе булган офшор амнистиясен үтәүне гарантияләү турында тәкъдим-инициатива белән чыкты. Чынлыкта, ил Президенты инде 3 нче тапкыр бу мәсьәләне шундый югары даирәдә күтәрә, Татарстан исә бу юлы РФ Хөкүмәтеннән дә алда булып чыкты... Шул рәвешле, Татарстан Россиядә офшор амнистиясе лидерына әйләнә. Бу бик вакытлы, акыллы һәм кискен адым.

РФ Хөкүмәте Хезмәт министрлыгына һәм башка ведомстволарга 2015 елның 12 февраленә кадәр ана капиталын автомобиль сатып алуга сарыф итү мөмкинлеген карарга йөкләде, дип хәбәр итә РИА «Новости» РФ Министрлар Кабинеты сайтына сылтама белән.

Татарстанда “Кыш бабайга открытка” республика конкурсы дәвам итә. 21 декабрьгә кадәр Яңа ел бүләкләре белән Кыш бабайдан котлау открыткасына заказ бирү белән бергә республика конкурсында катнашырга да мөмкин, дип хәбәр итә “Татарстан почтасы”. “Кыш бабай котлавы” хезмәтенең срогы озынайтылу уңаеннан “Кыш бабайга открытка” конкурсының да көннәре арта. Конкурста җиңүчеләр бушлай Кыш бабай открыткасы һәм Яңа ел бүләге алачак.