ЯҢАЛЫКЛАР
20 майда Буа районының «Гармония» комплекслы социаль хезмәт күрсәтү үзәгенең гаиләгә һәм балаларга социаль ярдәм күрсәтү бүлеге белгечләре С.В. Шакирова һәм Р.Р. Сибишева Бөтендөнья Гаилә көненә багышланган «Минем гаилә» асфальтта рәсем бәйгесен үткәрделәр. Чарада Ырынгы урта гомуми белем бирү мәктәбе укучылары катнашты. Чараның максаты - балаларда әхлакый сыйфатлар тәрбияләү.
Матур кояшлы көндә балалар рәхәтләнеп асфальтта үз уйларын гәүдәләндерделәр, һәркем үз йорты, гаиләсе, әти-әниләре турында уйлады. Барысы да бик тырыштылар! Вакыт бик тиз үтте, бәйге тәмамланды, ә бәхетле балалар асфальтта ачык төсле рәсемнәр калдырды.
Оештыручылар фикеренчә, мондый чаралар гаиләгә мәхәббәт һәм ярату формалаштыра, сәнгати зәвыкны үстерә, ял итү эшчәнлегенә кызыксыну тәрбияли.
Бердәм дәүләт күчемсез милек реестрының (ЕГРН) соратып торучы белешмәләрен хәзер Росреестр яки КФҮ порталы аша гына түгел, ә РФ дәүләт хезмәтләре порталы (gosuslugi.ru) аша да алырга мөмкин. Яңа электрон сервис Минцифр һәм Росреестр белән берлектә эшли башлады.
Хәзер Дәүләт хезмәтләрендә Бердәм дәүләт күчемсез милек рестрынан ( ЕГРН) иң ихтыяҗлы өземтәләрне алырга мөмкин:
Татарстанда якындагы тәүлекләрдә һава шартларының начарлануы көтелә. Төбәктә яшенле яңгырлар яву сәбәпле, шторм кисәтү игълан ителде.
Фаразларга караганда, 20 май кичендә 21 май кичендә республика территориясендә яшенле яңгырлар көтелә. Синоптиклар шулай ук боз яву мөмкинлеген әйтә. Җил тизлеге секундына 15-20 метрга кадәр җитәчәк, урыны белән көчәйгәндә 24 метрга кадәр җитәргә мөмкин.
Шул ук вакытта көндез температура шактый югары булачак: 22дән 27 градуска кадәр. Төнлә минималь температура плюс белән 12-17 градус, дип хәбәр итә ТР Гидрометеорология үзәге.
25 майга кадәр «iВолга-2021» Идел буе федераль округы Яшьләр форумына заявкалар кабул ителә башлады. Быел яңартылган Форум офлайн-форматка кайта. Ул Самара өлкәсендә 23 июльдән 31 июльгә кадәр Мастрюков күлләрендә узачак. Катнашырга 18 яшьтән 35 яшькә кадәрге Россия Федерациясе гражданнары чакырыла. Форум 2 000 кешене кабул итәргә планлаштыра.
“Демография” илкүләм проектының “Өлкән буын” федераль проекты кысаларында Буа районының “Гармония” халыкка социаль хезмәт күрсәтү комплекслы үзәге белгечләре өлкәннәр һәм инвалидлар интернат йорты белгечләре өчен “Тернәкләндерү һәм тәрбия мәктәбе” программасы буенча чираттагы дәрес үткәрделәр. Чараның максаты - аз хәрәкәтле гражданнарны тәрбияләүче хезмәткәрләрне укыту, тәрбиягә алынганнарны карау күнекмәләре, аларга хезмәт күрсәтү, шулай ук тернәкләндерүнең техник чараларын дөрес файдалану өчен укыту.
Практик өлештә белгечләр авыр авыруны тернәкләндерү чаралары ярдәмендә транспортировкалауны һәм яңадан җайга салуны күрсәттеләр, теоретик өлештә дәваланучыларны профилактикалау, яткан авыруны ашатканда позицияләү турында сөйләделәр.
Дәресләрдә Буа картлар һәм инвалидлар интернат йорты хезмәткәрләре катнашты: 10 няня, 2 тәрбияче һәм 2 тернәкләндерү белгече.
Алынган белемнәр һәм күнекмәләр белгечләргә даими чит тәрбиягә мохтаҗлар өчен тулырак һәм лаеклы тормыш шартлары тудырырга мөмкинлек бирәчәк.
Бүген Буа драма театры залында районның бәхетле гаилә парлары җыелды. Халыкара гаилә көненә багышланган бәйрәмдә быел 45, 50, 55 һәм 60 ел бергә гомер иткән парларны хөрмәтләделәр.
Тантаналы чарада район башлыгы урынбасары Илдар Еремеев катнашты. Ул бәйрәм белән котлады, нык сәламәтлек, озын һәм бәхетле гомер теләде һәм гаилә парларына йөрәк формасындагы статуэткалар тапшырды.
Гаилә тормышы юбилярлары сәхнәнгә тормыштагы кебек нык адымнар белән кулга-кул тотынышып күтәрелделәр. Кулны- кулга куеп матур тормыш кичерү дә бәхетнең иң зур сере икәнне алар тагын бер кат раслады.
Район үзешчәннәре, шулай ук район балалар сәнгать мәктәпләрендә тәрбияләнүчеләр башкаруында җырлар концерт кунаклары өчен зур бүләк булды.
"Поляр кино көне" Бөтенроссия акциясе кысаларында "Ял үәге" “Ике океан" фильмын күрсәтүне оештыра. Барлык кино сөючеләрне 21 май көнне 20.00 сәгатьтә шикәр заводы паркында көтәбез. Керү ирекле.
Узган ял көннәрендә Буа җиңел атлетлары уку урыннары буенча югары уку йортлары Спартакиадаларында уңышлы чыгыш ясадылар.Павел Тимряков Татарстан Республикасы Спартакиадасының 400 һәм 800 метр дистанцияләрендә ышанычлы лидер булды, Николай Николаев Ульяновск өлкәсе Спартакиадасының 3000 метр дистанциясендә пьедесталның иң югары баскычын яулады, шәхси рекордын шактый яхшыртты. Хәзер безнең егет-кызларга Россия югары уку йортлары спартакиадасында очрашырга туры киләчәк.
Аларга алдагы стартларда уңышлар телибез. Без сезгә ышанабыз!!!
2021 елның 7-13 июнендә Казанда төрки халыкларның XV «Нәүрүз» Халыкара театр фестивале узачак. Буа драма театры Тимур Куловның «Шобага» ( «Жребий»),спектаклен 9 июньдә 18:30 сәгатьтә К. Тинчурин исемендәге театр сәхнәсендә (Горький ур., 13) тәкъдим итә.
Бу спектакль-татар авыл халкының мәхәббәт, вакыт агышы, талант, бурыч һәм тормыш, үлем һәм үлемсезлек турында сөйләгән хикәяләреннән мозаика. Спектакль авыл хатын-кызлары белән реаль интервьюларга һәм халык җырлары, биюләре һәм йолалары кебек аутентик детальләргә нигезләнгән. Спектакль беркемне дә битараф калдырмаячак, чөнки бу татар халкының тарихы, мәдәнияте, көнкүреше һәм язмышы гына түгел, ә элек-электән килгән тарих, бу тарихны онытмаска кирәк, бу-тормыш тарихы.
Хөрмәтле буалылар һәм шәһәр кунаклары! Сезне бүген, 2021 елның 19 маенда 18: 00 сәгатьтә Буа шәһәренең Яшьләр паркына Мәдәни үсеш үзәгенең иҗат коллективларының һәм клуб формированиеләренең хисап концертына чакырабыз.
Үзегез килегез һәм дусларыгызны чакырыгыз! Күңелле булачак!