ЯҢАЛЫКЛАР
Бүген Буа районының авыл хуҗалыгы продукциясе Казан шәһәрендә узган традицион авыл хуҗалыгы ярминкәсендә тәкъдим ителде. Район продукциясе белән сәүдә итү Батыршин 20 адресы буенча урнашты. Казанлыларга яңа гына суелган ит, казылык продукциясе, сөт, сыр, май, бал, шикәр, он, ярмалар тәкъдим итәләр. Ярминкәдә районның эре предприятиеләре һәм крестьян-фермер хуҗалыклары үз продукцияләрен алып барды. Иртә таңнан башкалада яшәүчеләр иң яхшы ит продуктлары, он продукцияләре алу өчен чиратта тора.
Буа туган якны өйрәнү музеенда Россия Федерациясенең яшь гражданнарына тантаналы рәвештә шщхесне таныклаучы документлар- паспортлар тапшырылды. Чара Кырымның Россия белән кушылуын бәйрәм итүгә багышланган иде. Тантаналы чара РФ һәм ТР гимннары яңгыравы, «Безнең Кырым», «РФ паспорт тарихы» темаларына видеороликлар күрсәтү белән башланып китте. Россия Федерациясе гражданины паспортларын Россия Эчке эшләр министрлыгының Буа районы буенча бүлегенең миграция мәсьәләләре бүлеге башлыгы Гөлия Заһидуллина тапшырды.
Сәламләү сүзе белән «Буа муниципаль районы мәгариф идарәсе» МКУ башлыгы Наталья Македонская, Буа муниципаль районы Яшьләр эшләре, спорт һәм туризм идарәсе башлыгы Ирина Иванова чыгыш ясады. Бу көнне гражданинның төп документын биш яшь буалы алды. "Бердәм Россия" партиясенең Буа җирле бүлекчәсе башкарма секретаре Наталья Храмова, Буа районының Мактаулы гражданины Илгиз Нигъмәтуллин һәм «Буа туган якны өйрәнү музее» МБУ директоры Люция Әхмәтҗанова балаларны котлап, бүләкләр тапшырдылар.
Әти-әниләр исеменнән рәхмәт сүзләрен Резедә Җәләлова җиткерде. Район мәгариф бүлеге балалар сәнгать мәктәбе укучысы Татьяна Поспекова «Язгы тамчы» җырын башкарды.
Җәмәгать туклануы өлкәсендә эшчәнлек алып баручы Татарстан Республикасы кече һәм урта эшкуарлык субъектларына (алга таба - КУЭ субъекты) компания тарафыннан ярдәм күрсәтү максатларында, «Опен Хаб» ҖЧҖ «Ак Барс» Банк ГАҖ ярдәме белән җәмәгать туклануы бинасына заказны илтеп җиткерү контроле өчен GeCo бер тәрәзә сервисы төзелде. Сервис сатуларның барлык каналларын бер POS терминалда интеграцияләргә, сайттан, социаль челтәрләрдән һәм ашарга китерү Яндекс.Go һәм Delivery Club агрегаторларыннан заказлар алырга мөмкинлек бирә. Сервис турында мәгълүмат www.ge-co.io. платформада тәкъдим ителгән.
2020 елның 19 мартыннан 7 майга кадәр онлайн (алга таба - Вебинарлар) форматында бушлай белем бирү чаралары сериясе үткәреләчәк. Аларда GeCo сервисы җитәкчелеге һәм чакырылган спикерлар ресторан бизнесының мөһим нечкәлекләре һәм анда заказны илтеп бирү роле турында хәбәр итәчәк. Вебинарга теркәлү www.ge-co.io/seminar.ru сылтамасы буенча мөмкин.
Эш бирүчеләр үзләренең хезмәт хаклары схемаларын тулысынча ачарга курка торган төп сәбәп – салымнардан качу омтылышы. Һәр эшләүче диярлек "ак", "соры" һәм "кара" хезмәт хаклары төшенчәләре белән таныш. Рәсми булмаган хәлдә, әлеге төшенчәләр легаль һәм ярымлегаль хезмәт хакы схемаларын чагылдыру кебек киң таралыш алды.
Россия Федераль салым хезмәтенең Татарстан Республикасы буенча Идарәсе хәбәр итә: «Юридик затларны, индивидуаль эшкуарларны һәм крестьян (фермер) хуҗалыкларын дәүләт теркәвенә алганда теркәү органына тапшырыла торган документларны рәсмиләштерүнең формаларын һәм таләпләрен раслау турында» 2020 елның 31 августындагы ЕД-7-14/617@ номерлы боерыгы басылып чыгуга бәйле рәвештә, 2020 елның 25 ноябреннән юридик затларның Бердәм дәүләт реестрында барлыкка килә торган һәм типлы уставлардан файдалану турында белешмәләрне чагылдыру мөмкинлеге булды. Типлаштырылган уставлар Россия Икътисадый үсеш министрлыгының 2018 елның 1 августындагы 411 номерлы боерыгы белән расланды.
19 март көнне "Әкият" балалар бакчасы "Нәүрүз" бәйрәмен үткәрде. Бәйрәмгә Карга килде һәм балаларга яз килүен хәбәр итте, аюлар уянуын хәбәр итте. Балалар Нәүрүз бәйрәмен бик шатланып каршы алдылар. Биюләр, җырлар, уеннар белән Кыш бабайны озаттылар.
Мондый фольклор бәйрәмнәр халыклар арасында дуслыкны сакларга ярдәм итә, гореф-йола бәйрәмнәренә, туган телгә мәхәббәт һәм кызыксыну тәрбияли.
Бәйрәм ахырында барысы да традицион "Карга боткасы" белән сыйландылар.
2021 нче елның 19 нчы мартында Буа муниципаль районында «Гармония» халыкка социаль хезмәт күрсәтү комплекслы үзәге социаль хезмәткәрләренең чираттагы очрашуы өлкән яшьтәге гражданнар һәм инвалидларны чит кеше тәрбиясенә мохтаҗ буларак карау системасын тормышка ашыруга багышланган иде.
Очрашуда озак вакытлы карау системасында эшнең максатлары, бурычлары һәм принциплары турында фикер алыштылар. Аерым игътибар өлкән яшьтәге гражданнарны һәм инвалидларны даими рәвештә чит кеше ярдәменә мохтаҗларны ачыклау, гражданинга шәхси ихтыяҗ һәм озак вакытлы карау системасында катнашучы оешмаларның ведомствоара хезмәттәшлек регламенты нигезендә, озак сроклы карауның социаль пакетын сайлап алу механизмына бирелде.
Шулай ук «Социаль хезмәткәрләрнең һәм өйдә социаль хезмәт алучыларның яңа короновирус инфекциясеннән вакцинацияне оештыру» темасы да кузгатылды.
Очрашуда катнашучылар әлеге темаларның мөһимлеген һәм актуальлеген билгеләп үттеләр. Куелган сорауларга тулы җаваплар бирелде.
20 мартта 13: 00 сәгатьтә Казан дәүләт аграр университеты Татарстан Республикасы Авыл хуҗалыгы һәм азык-төлек министрлыгы ярдәме белән онлайн форматында механикалаштыру һәм техник сервис институтының Ачык ишекләр көне үткәрәчәк.
Бу көнне абитуриентлар һәм аларның әти-әниләре университет җитәкчелеге белән дистанцион рәвештә очраша, әзерлек юнәлешләре белән таныша һәм 2021 елда кабул итү үзенчәлекләре турында белә ала. Укудан соң авыл җирлегенә эшкә кайтырга теләүче балалар өчен укытуның максатчан программалары һәм вузны тәмамлаучылар һәм студентлар өчен дәүләт ярдәменең башка чаралары турында югары уку йорты вәкилләре сөйләячәк.
Кабул итү комиссиясенең җаваплы сәркатибе Гүзәл Фәссаховага туры эфирда сорау бирергә була.
2021 елның беренче ике аенда Татарстан Росреестры тарафыннан өлешләп катнашу буенча 3 350-дән артык килешү теркәлгән. Бу узган ел белән чагыштырганда 70% ка диярлек күбрәк: 2020 елда шул ук вакыт эчендә 1 987 кеше теркәлгән. Шул ук вакытта быел эскроу-счетларны кулланып өлешләп катнашу килешүләренең саны 3,5 тапкырга – 608дән 2 126 га кадәр арткан.
«Гадәттә гыйнвар-февраль айларында, традиция буенча, чагыштырмача тыныч айлар булып санала. Быелгы елда вәзгыять капма-каршы: без, ел башына карамастан, республикада яшәүчеләр, төзелеп килүче йортларда шактый актив рәвештә фатир сатып ала» - дип шәрехли Росреестрның Татарстан Республикасы буенча идарәсе җитәкчесе урынбасары Лилия Борһанова.
Лилия Борһанова фикеренчә, өлешләп катнашу өлкәсен үстерү өчен төрле ипотека продуктларын үстерү, шул исәптән еллык 6,5% белән ташламалы ипотека дәүләт программасы да, законнарны үзгәртү нәтиҗәсендә (аерым алганда, төзүчеләрнең эскроу-счетларын куллануга мәҗбүри күчү), өлешләп төзүдә катнашучылар үзләрен якланган итеп хис итә ала.
20 мартта 13.00 сәгатьтә Н.Э. Бауман исемендәге Казан дәүләт ветеринария медицинасы академиясе Татарстан Республикасы Авыл хуҗалыгы һәм азык-төлек министрлыгы ярдәме белән онлайн форматта Ачык ишекләр көне үткәрәчәк.
Бу көнне абитуриентлар һәм аларның әти-әниләре югары уку йорты җитәкчелеге белән читтән торып очраша, әзерлек юнәлешләре белән таныша һәм 2021 елда кабул итү үзенчәлекләре турында белә ала. Укудан соң авыл җирлегенә эшкә кайтырга теләүче балалар өчен укытуның максатчан программалары һәм студентлар һәм чыгарылыш сыйныф укучылары өчен дәүләт ярдәменең башка чаралары турында югары уку йорты вәкилләре сөйләячәк.