ЯҢАЛЫКЛАР

Бөер синдромы белән геморрагик бизгәк (БСГБ) – бөернең һәм башка органнарның кечкенә кан тамырлары зарарлануы белән була торган авыр йогышлы авыру ул.

Татарстанда кешеләр күбесенчә кызгылт сары кыр тычканнарыннан зарарланалар, калган очракларда – тычканнардан һәм кыр тычканнарының башка төрләреннән. Кызгылт сары кыр тычканы гомерлеккә вирус йөртүче булып тора һәм үзенең бүлендекләре белән әйләнә-тирә предметларны вирус  белән актив зарарландыра.

Кешене йогышлау юлы-һава-тузан юлы, кимерүчеләрнең бүлендекләре булган бинаны җыештыру, урман кисү, учак өчен чүп-чар җыю, печән белән эшләү. Зарарлану очракларының күп өлеше урманга йөргәндә, гөмбәләр, җиләк-җимеш, яфраклар җыйганда, балык тоту вакытында килеп чыга.

2021 елның Декларация кампаниясе башланды 

Декларация кампаниясе тәмамланырга санаулы көннәр кала.

2020 елда алынган керемнәр турында салым түләүче хисап тотарга тиеш:

• Күчемсез милекне яки биләмәнең иң чик срогыннан азрак булган вакыт торган  автомобильне сатса;
• фатир яисә бинаны арендага бирсә;
• кыйммәтле кәгазьләр, устав капиталындагы өлешләр сатса;
• чит ил чыганакларыннан керем алса;
• якын туганы булмаучылардан кыйммәтле бүләкләр кабул итсә;
• салым тотып калынмаган  башка керемнәр алса. Мәсәлән, лотереягә зур булмаган сумманы отса.

Шулай ук физик затларның керемнәренә салым буенча салым декларациясен 3-НДФЛ формасы буенча салым салуның гомуми режимында үз профессиональ эшчәнлеген гамәлгә ашыручы шәхси эшмәкәрләр, хосусый практика белән шөгыльләнүче нотариуслар, адвокат кабинетларын гамәлгә куйган адвокатлар һәм башкалар тәкъдим итәргә тиеш.

«Мондый түләүсез субсидия - яшь гаиләләр өчен дәүләттән бик кирәкле һәм мөһим ярдәм», - дип билгеләп үтте программаның катнашучысы һәм ике бала әнисе.

Исегезгә төшерәбез, яшь гаиләләрне торак белән тәэмин итү буенча федераль чара критерийлары буенча сайлап алынган Татарстанның яшь гаиләләре торакка түләүсез субсидияләр алачак (35%ка кадәр түләүсез субсидия).

Буа районында «2021 - 2025 елларга Татарстан Республикасы Буа муниципаль районында яшь гаиләләрне торак белән тәэмин итү» муниципаль программасы кабул ителде. Программада 35 яшькә кадәрге яшь ир белән хатын түләү сәләтен расларга, шулай ук яшәү урыны буенча башкарма комитетта исәпкә басарга тиеш. Яшь гаиләләргә социаль түләүләр сатып алына торган торакның 35%ына кадәр түләүгә түләүсез субсидияләр рәвешендә бирелә. Субсидия - яңа, икенчел торакка, йорт төзүгә яки ипотека каплауга (мохтаҗлык буенча исәпкә куелганнан соң алынган) кулланыла.

Программада катнашу өчен яшь гаиләләргә Буа муниципаль районы Башкарма комитетының торак сәясәте бүлегендә түбәндәге адрес буенча мәгълүмат алырга мөмкин: Буа, Жорес урамы, 110а йорт, тел.884374 34882

"АБВГДЕЙКа" балалар бакчасы ике ел дәвамында "Экошколы/Зеленый флаг" халыкара программасында катнашучы булып тора. Бу хәрәкәттә актив катнашкан өчен балалар бакчасына Экоәләм тапшырылды.

Әлеге тантаналы чарада мәктәпкәчә белем бирү методисты А.М. Камартдинова, Экология һәм табигый байлыклар министрлыгының Идел буе территориаль идарәсе вәкиле Н.В. Җәләлов, балалар бакчасында тәрбияләнүчеләр катнашты. - Ел саен кече мәктәпкәчә яшьтәге балаларны Эколята отрядына кабул итәбез. Алар табигатьне якларга ант  кабул итәләр, балаларга галстуклар тагалар. Ел дәвамында мәктәпкәчә яшьтәге балалар төрле чараларда, экологик акцияләрдә катнашалар, бакча территориясен патрульлиләр. Өлкән төркем “Чүп-чар” әкиятен күрсәтте, - дип хәбәр иттеләр балалар бакчасыннан.

«Импульс» яңа спорт комплексында Буа муниципаль районы башлыгы призына беренче шахмат турниры узды. Ярышларда балалар бакчаларында тәрбияләнүчеләр һәм район мәктәпләрендә укучылар катнашты. Җиңүче исеме  өчен 70 ләп яшь шахматчы көрәште. Аларны  район башлыгы Ранис Камартдинов сәламләде. "Без шахмат уеннарына  омтылыш барлыгын  күрәбез. Без сезнең мәнфәгатьләрегезне хуплыйбыз һәм мондый уеннарны оештыруда алга таба да ярдәм күрсәтүне дәвам итәчәкбез, шул исәптән белем бирү учрежденияләрендә шахмат зоналары булдыруны да  максат итеп билгеләдек. Бу сезгә талантларыгызны үстерергә һәм яңа уңышларга ирешергә ярдәм итәр, зур этәргеч булыр дип ышанабыз", - диде ул .

Ярышлар йомгаклары буенча: 1 урынны Кильдураз мәктәбе командасы алды, 2 урында - Буа шәһәренең «2 нче лицей» командасы, «М.Вахитов ис. 2 нче гимназия» леләр 3 нче урында.

Шәхси зачетта җиңүчеләр дә билгеләнде. Турнирда җиңүчеләргә кубоклар, медальләр һәм кыйммәтле бүләкләр тапшырылды.  Ярышларда катнашкан  һәркем истәлекле бүләкләр алды.

Шәһәр оешмалары, предприятиеләре һәм учреждениеләре шәһәр территориясен чүп-чардан чистарту буенча экология икеайлыгында актив катнашалар. Шулай итеп, чүп-чар белән көрәшкә "АБВГДЕЙКа" балалар бакчасы, "Мәдәният идарәсе" МКУ каршындагы 1 нче сәнгать мәктәбе,  “Гармония” үзәге хезмәткәрләре чыкты. "ЭкоЯз-2021" акциясендә катнашучылар беркетелгән урамнарда чүп-чарны җыештырдылар

Иң җаваплы һәм кайнар чор якынлаша. Стартта чәчү кампаниясе, терлекчеләрне дә күп эш көтә. Район башлыгы Ранис Камартдинов һәм Авыл хуҗалыгы идарәсе башлыгы Ранис Габитов "Заря" ҖЧҖ һәм "Авангард" ҖЧҖ хуҗалыкларында булдылар. Алар техниканың кыр эшләренә әзерлеге белән таныштылар, сөт фермасын, бозаулату бүлеген карадылар. Шул исәптән агымдагы  мәсьәләләрне, 2021 елга планнар турында фикер алыштылар

Буалыларны язгы өмәгә кушылырга һәм шәһәрне төзекләндерүгә үз өлешләрен кертергә чакырабыз. Ел саен өмәләрдә катнашучы битараф булмаган шәһәрлеләр ярдәме белән зур күләмле эш башкарыла - шәһәр матурлана һәм үзгәрә.Буалыларны 11 апрельдә узачак гомумшәһәр өмәсендә катнашырга чакырабыз. Чакыру предприятие, учреждение, оешмаларның хезмәт коллективлары гына түгел, ә күп фатирлы йортларда һәм шәхси йортларда яшәүчеләр дә – үз шәһәрләрен чын күңелдән яратучыларга да ярдәм итәр дип ышанабыз. Чиста, төзекләндерелгән һәм яшел шәһәрдә яшәү-безнең уртак теләк. Чисталык һәм тәртип саклау-туган шәһәребезгә карата хөрмәт күрсәтү.Буа - безнең уртак йортыбыз, һәм без бергәләп чисталык һәм тәртип өчен җавап бирәбез. Уртак йортыбызны чистарак һәм матуррак итик!

«Демография» милли проектын гамәлгә ашыру кысаларында Буа районының «Гармония» халыкка социаль хезмәт күрсәтү комплекслы үзәгендә «Виртуаль туризм» инновацион технологиясен кертү аша өлкән яшьтәге кешеләрнең ялын оештыру эше дәвам итә.

Шул максаттан чыгып, социаль эшләр буенча белгеч Шәрипова  Инга социаль хезмәтләр алучыга барды һәм республикабыз башкаласының театр дөньясына сәяхәт кылды. Виртуаль экскурсиянең максаты - төбәк һәм дөнья мәдәни мирасын берләштерү, дөньяга карашны киңәйтү, өлкән яшьтәге кешедә тарих, мәдәният һәм әйләнә-тирә дөньяга кызыксыну уяту.

Календар яз җитте, һава температурасы күтәрелә, балалар күп вакытны урамда үткәрәләр. Хөрмәтле әти-әниләр, балаларыгызга су объектларында куркынычсызлык кагыйдәләрен исегезгә төшерегез.

Балага боз өстендәге уенның куркыныч уен булуын аңлатырга кирәк. Кеше авырлыгындагы боз һәрвакытта да куркыныч турында кисәтеп, чатный башлый һәм  шундук җимерелергә мөмкин. Балаларга бозга чыгу куркынычы турында сөйләргә, баланың буш вакытын кайда уздыруы белән кызыксынырга кирәк.

Балаларның үз-үзләрен җиңел тотышы, үз-үзләрен куркынычсыз тоту кагыйдәләрен белмәве һәм санга сукмавы - фаҗигале нәтиҗәләрнең беренче сәбәбе.

Өлкәннәр, битараф булмагыз, балаларның бозга чыгу омтылышларын туктатыгыз, бу фаҗига белән тәмамланырга мөмкин!