ЯҢАЛЫКЛАР

            Буа муниципаль районының «Гармония» халыкка социаль хезмәт күрсәтү үзәгенең өйдә социаль хезмәт күрсәтү бүлегендә «Виртуаль туризм» дигән инновацион технология буенча эш дәвам итә.

Виртуаль туризм-сәяхәт итәбез һәм арымыйбыз.  Бу өлкән яшьтәге гражданнарның һәм инвалидларның ерактагы дөньяга сәяхәтләрен киңәйтү өчен уңайлы ял шартлары.

Мондый экскурсияләрне сайлау социаль хезмәт күрсәтү бүлекләренең социаль хезмәт күрсәтүләрен алучылар тарафыннан өйдә алардан сорашып белешү, календарь-тематик планлаштыру, Интернет челтәрендә чыганакларны һәм экскурсия объектларын өйрәнү, иң яхшы виртуаль экскурсияләр сайлап алу юлы белән билгеләнгән: видео-экскурсияләр, мультимедиа презентацияләре, 3d-экскурсияләр, навигацияләр, интерактив фотопанорамалар, текстлар һ. б. лар.

13 октябрьдә 6.45 сәгатьтә «Татарстан радиосы»нда «Яңа көн» программасы чыгачак, аның кысаларында Росреестрның Татарстан Республикасы буенча идарәсе вәкиле банкротлык процедурасы белән бәйле сорауларны яктыртачак. Соңгы вакытта әлеге тема аеруча актуаль булды.

Казанда «Татарстан радиосы»  99.2 FM дулкынында хәбәр итә.

Шулай ук исегезгә төшерәбез, узган радиоэфирларның язмалары белән Росреестрның Татарстан Республикасы буенча Идарәсенең rosreestr.tatarstan.ru рәсми сайтында танышырга мөмкин. Шулай ук “Матбугат хезмәте-радиоэфирлар”  бүлегендә, Вконтактеда.( vk.com/rosreestr16.)

2020 елның 17 октябрендә рус теленнән «Тоталь диктант» Халыкара белем бирү акциясе узачак. Акциянең төп бурычы - яшьләрнең һәм халыкның игътибарын рус  телен популярлаштыру һәм грамоталылыкны арттыру мәсьәләсенә җәлеп итү. Акциянең шигаре: грамоталы язу - модалы! Татарстан Республикасында акцияне оештыручылар булып Рус милли мәдәни берләшмәсе, филологлар советы һәм акция координаторларының инициатив төркеме белән берлектә Татарстан Республикасы Мәгариф һәм фән министрлыгы һәм Татарстан Республикасы Яшьләр эшләре буенча министрлыгы тора. Буа шәһәрендә «Тоталь диктант»  акциясе барлык шәһәр мәктәпләре базасында- 6 мәйданчыкта узачак.

2020 елның 9 октябрендә Бөтенроссия юннатлар бәйгесе финалында онлайн-форматта «М.М. Вахитов исемендәге гимназия»нең 10 сыйныф укучысы Гыймадиев Дамир (җитәкчесе Зиннәтуллин Л. Б.) үз проектын уңышлы яклады.

Шуны билгеләп үтәргә кирәк, конкурс 2020 елда Россия Федерациясе Мәгариф министрлыгының 2019 елның 24 июлендәге боерыгын тормышка ашыру кысаларында үткәрелә «2019/20 уку елына олимпиадалар һәм башка интеллектуаль һәм (яки) иҗади конкурслар, интеллектуаль һәм иҗади сәләтләрне, физик культура һәм спорт белән шөгыльләнүгә сәләтләрне, фәнни (фәнни-тикшеренү), инженер-техник, уйлап табу, иҗат, физкультура-спорт эшчәнлегенә кызыксынуны үстерүгә, шулай ук фәнни белемнәрне, иҗади һәм спорт казанышларын пропагандалауга юнәлтелгән чаралар исемлеген раслау турында»  2012 елның 12 апрелендәге 390 номерлы  карары  һәм «Федераль Балалар экология-биология үзәге»нең 2020 елга планы нигезендә уздырыла.

Буада  В.Трусенев исемендәге Үзәк стадионда 2009-2010 нчы елгы яшүсмерләр арасында кече шәһәрләр һәм районнар Татарстан Республикасы беренчелеге тәмамланды. Анда беренчел этапның алты җиңүче командасы- Мамадыштан «Олимп», Буа шәһәреннән «Батыр», Зәйдән «Барс», Аксубайдан «Аксу», Биектаудан «Эверест» һәм Минзәләдән «Олимп» катнашты. Ярышлар түгәрәк система буенча узды, һәр команда динамик футбол уены  күрсәтте. Турнир кызыклы көрәштә узды һәм капкага кертелгән  туплар белән сөендерде. Гомумән алганда, командалар түбәндәгечә бүленде: 1 урын - «Олимп» Мамадыш,  2 урын - «Барс» Зәй, 3 урын - «БАТЫР» спорт мәктәбе, 4 урында Аксубайлылар, ә  5урында Биектаудан «Эверест» ,6нчылар - «Олимп»  Минзәлә. Турнир нәтиҗәләре буенча без катнашучы командаларның тренерлары белән аралаша алдык: "Турнирны оештыру буенча барысы да югары дәрәҗәдә иде, барлык уеннар да вакытында, дисциплиналы рәвештә узды. Үз командабыз буенча шуны әйтәсем килә, турнир сеткасында авырырак булды, һәм ахырда гына без Зәйдән «Барс» командасын җиңүгә ирештек. Өч команда арасында тугыз очко бар һәм безнең команда туплар аермасы буенча гына өченче урынга чыкты. «Рубин» Академиясеннән селекционер безнең берничә уенчыбызны аерып күрсәтте һәм без бу малайларны анда шөгыльләнә башларлар дип өметләнәбез, чөнки безнең спорт мәктәбе өчен бу зур плюс булачак», — дип сөйләде «Батыр» командасы тренеры Радик Садыйков.

2020 елның 10 октябрендә Наратлыкта «Татарстан кроссы-2020» массакүләм җиңел атлетика йөгереше узды. Санитар-эпидемиологик таләпләрен үтәү максатында, термометрия, катнашучыларны теркәү һәр яшь категориясе өчен билгеләнгән вакытта узды. Ярышларда 1000 м дистанцияне узып, 480 кеше катнашты. Стартка беренче булып 5-6 нчы сыйныф укучылары чыкты,алар  эстафетаны 7-9, 10-11 нче сыйныф укучыларына, студентларга, оешма һәм предприятиеләр вәкилләренә тапшырды. Бәйрәм чарасын спорт ветераннары төгәлләде. Җиңүчеләр һәм призерлар грамоталар һәм медальләр белән бүләкләнделәр.

 Буада тагын бер яңалык – бау паркы ачылды.  "Sky Park" -  бу районыбыз кунаклары һәм буалылар өчен актив ял итү һәм спорт белән шөгыльләнү өчен яңа иҗтимагый киңлек.

Бүген аны район башлыгы Ранис Камартдинов белән берлектә яшь буалылар сынап карады. Ә иртәгедән башлап ул барлык теләүчеләр өчен ачык.

Эш вакыты: эш көннәрендә  14.00 сәгатьтән 17.00 сәгатькә кадәр, ял көннәрендә 10.00 сәгатьтән 17.00 сәгатькә кадәр.Бәясе: балалар трассасы- 50 сум, яшүсмерләр өчен– 70 сум, өлкәннәргә - 100 сум.

!  Балалар трассасында балаларның әти-әниләре белән булулары мәҗбүри.

“Комерцияле булмаган оешмалар көнендә”  Буа, Апас, Тәтеш, Кайбыч муниципаль районнары вәкилләре катнашты.

Әлеге семинарны "Буа Грант" социаль юнәлешле коммерциячел булмаган оешмаларның ресурс үзәге " автоном коммерциячел булмаган оешмасы" оештырды . Хөрмәтле кунак булып район башкарма комитеты җитәкчесенең социаль мәсьәләләр буенча урынбасары Лилия Садретдинова чыгыш ясады.

Идел аръягы зонасы Комерцияле булмаган оешмалар вәкилләре грантларны ничек дөрес итеп язару, гаризаларны ничек дөрес итеп рәсмиләштерү һәм грантлар буенча хисап тоту нечкәлекләре турында  белделәр. Шулай ук актив коммерцияле булмаган оешмалар вәкилләре үз эшчәнлекләре һәм грантлар алуда ирешкән уңышлары турында да  сөйләделәр.

Спикерлар булып Дыганов Антон Георгиевич - Татарстан Республикасы Эшкуарлыкка ярдәм итү фондының социаль өлкә инновацияләре Үзәге җитәкчесе (Социаль юнәлешле коммерциячел булмаган оешмаларга ярдәм итү буенча ресурс үзәге), Салмина Светлана Витальевна - Казан федераль университетының икътисадый иминлек һәм салым салу кафедрасы укытучысы, бухгалтерлык исәбе һәм салым салу буенча консультанты,  Сатикова Диләрә Дәниф кызы - «Чиста булачак» төбәк яшьләр иҗтимагый оешмасы (Президент грантлары фонды конкурсында җиңүче), Сафина Зөлфия Нурмөхәммәт кызы - Социаль юнәлешле коммерциячел булмаган оешмаларга ярдәм итү буенча республика ресурс үзәге директоры, Фаскутдинов Самат Рамил улы - «Буа гранты» Социаль юнәлешле коммерциячел булмаган оешмалар үзәге директоры чыгыш ясадылар.

Буа муниципаль районы башлыгы Ранис Камартдинов җитәкчелегендәге район делегациясе Казанда авыл хуҗалыгы һәм эшкәртү сәнәгате хезмәтчәннәре көненә багышланган тантаналы чарада катнашты. Район делегациясе составында шулай ук район авыл хуҗалыгы һәм азык-төлек идарәсе башлыгы Ранис Габитов, «Авангард» ҖЧҖ генераль директоры Николай Курчаткин, «Заря» ҖЧҖ директоры Фәрит Мөдәрисов, «Буа элеваторы» ҖЧҖ директоры Газинур Хәкимов, «Кыят» ААҖ генераль директоры Владимир Грачев, «Ямбулат» АХК рәисе Тәлгать Фәсхетдинов, «Бола» АХП ҖЧҖ директоры Айдар Латыйпов, авыл хуҗалыгы ветераны Равил Исхаков, фермерлар Җәмил Дәүләтшин, Петр Лапшин, Фәргать Сибгатуллов, авыл хуҗалыгы һәм азык-төлек идарәсенең финанс-икътисад бүлеге башлыгы Иван Мулеев, «Ямбулат» АХК сыер савучысы Марина Ермакова, «Дружба» ҖЧҖ  тракторчысы Александр Степанов, «Заря» ҖЧҖ  зоотехнигы Раил Идрисов бар иде. Әлеге зур тантанада  Буа районының «Авангард» ҖЧҖендә ясалма орлыкландыру технигы Галина Ермакова «ТАССР төзелүгә 100 ел» медале белән бүләкләнде.

Уңыш бәйрәме «Казан Экспо» Халыкара күргәзмә үзәгендә узды.

Кискен  респиратор вирус инфекциясе авыруларының сезонлы күтәрелүе һәм яңа коронавирус йогышы таралу дәвам итүе сәбәпле, Буа муниципаль районында сәүдә, җәмәгать туклануы объектларында, халыкка хезмәт күрсәтүче предприятиеләрдә яңа коронавирус йогышы таралуны кисәтүгә юнәлдерелгән чараларны үтәү буенча мониторингны көчәйтергә дигән карар кабул ителде.