ЯҢАЛЫКЛАР

РФ Хөкүмәтенең 24.04.2020 ел, № 576 карары белән 2020 елда федераль бюджеттан субсидияләр бирү кагыйдәләре билгеләнде.

Субсидия яңа коронавирус йогышы таралу нәтиҗәсендә килеп туган хәлне начарайту шартларында алар эшчәнлеген гамәлгә ашыруга бәйле чыгымнарны өлешчә компенсацияләү максатларында, шул исәптән 2020 елның апрель һәм май айларында үз эшчеләренең мәшгульлеген һәм хезмәт хакын саклауга бирелә.

«Мадьянкин С.А.» ИП № 0111309552000041 номерлы муниципаль контрактны үтәү йөзеннән, 2020 елның 16 июненнән 30 июненә кадәр Буа шәһәре территориясендә сукбай хайваннарны тоту, карап тоту һәм аларның санын җайга салу буенча эш алып барылачак. Контракт нигезендә, Башкаручы 2020 елның 31 декабренә кадәр планлы да, планнан тыш та (шәһәрлеләрнең мөрәҗәгатьләре буенча) хайваннарны тотарга тиеш булачак. Хайваннар тотылмаган чорда шәһәр халкыннан кергән гаризалар җыелган. Шулай ук сукбай этләр ешрак очрый торган урыннар да өйрәнелде.

Шуны билгеләп үтәргә кирәк, сукбай хайваннарны тоту кеше һәм хайваннар өчен уртак йогышлы һәм инвазион авырулар таралуны кисәтү, халыкның тәртибен һәм тынычлыгын тәэмин итү максатларында, гамәлдәге законнар нигезендә башкарыла һәм хайваннарга карата гуманлы мөнәсәбәт һәм иҗтимагый әхлак нормаларын үтәү принципларына нигезләнә.

Татарстан Республикасы Авыл хуҗалыгы һәм азык-төлек министрлыгы эш башлаучы фермерларга ярдәм итүгә грантлар бирү өчен крестьян (фермер) хуҗалыклары проектларын сайлап алу конкурсына йомгаклар ясау турында хәбәр итә. Грантларның гомуми суммасы 250 млн. сум тәшкил итте.

Конкурска гариза биргән 136 крестьян (фермер) хуҗалыгыннан 63 КФХ бүленгән акчалар лимиты кысаларында грантка ия булдылар. Эш башлаучы фермерларга ярдәм итү өчен өстәмә акчалар бүлеп бирү тәртибенең 3.12 пункты нигезендә 2020 елда тагын 45 КФХ өстәмә конкурс үткәрмичә генә грант алачак.

Гомуми изоляция чорында «Гармония» халыкка социаль хезмәт күрсәтү үзәге хезмәткәрләре өйдә социаль хезмәт алучыларга нәрсә белән шөгыльләнергә мөмкин, дигән сорауга кызыклы киңәшләр бирә.

Пенсионерларга элекке яраткан шөгыльләрен искә төшерергә булышалар, әйтик, сәламәтлекләре мөмкинлек бирсә, тегү һәм бәйләүгә җәлеп итәләр.

Май аенда Татарстан Республикасы буенча Росреестр идарәсенә күчемсез милек белән исәп-теркәү ясау өчен 42 меңгә якын гариза килгән, шуларның 12 меңгә якыны – электрон рәвештә. Шул ук вакытта ипотеканы теркәү өчен гаризалар саны – 4 835, өлешләп катнашу килешүләрен теркәү өчен-1228

Татарстан Республикасында азык әзерләүнең барышы турында бүген Татарстан Республикасы Хөкүмәте Йортында узган киңәшмәдә Татарстан Республикасы Премьер-министры урынбасары – Татарстан Республикасы Авыл хуҗалыгы һәм азык-төлек министры Марат Җәббаров хәбәр итте. Бүгенге көнгә 3 мең тонна печән һәм 180 мең тонна сенаж әзерләнгән. Һава торышы дымлы тору сәбәпле, темплар түбән.

Буа районына азык-төлек җыелмаларының өченче траншы керде. «Помощь рядом! Ярдәм янәшә!” акциясе кысаларында авыл җирлекләре башлыклары да актив һәм оператив катнаша. Без Кыят авыл җирлеге башлыгы Евгения Коруновадан җирлекнең күпме кешесе азык җыелмаларын алачак һәм нинди категориягә бирелгәне белән кызыксындык. "Безнең җирлектә әлеге категориягә кергән 26 граждан бар. Алар барысы да, чыннан да, мондый ярдәмгә мохтаҗ. Әлеге азык җыелмаларын алучылар категориясен искә төшереп үтәсе килә: яшәү минимумыннан түбәнрәк булган һәм сигез яшьтән өлкәнрәк балалар тәрбияләнүче аз тәэмин ителгән гаиләләр; ата-аналары алимент түләмәгән балалар; 65 яшьтән өлкәнрәк, пенсияләре яшәү минимумыннан түбән булган ялгыз яшәүче өлкән кешеләр; социаль куркыныч хәлдә булган гаилә балалары; опекуннар түләүсез нигездә тәрбияләнүче балалар, шулай ук пандемия шартларында зыян күргән үзмәшгульләр, шәхси эшмәкәрләр. Менә инде өченче транш пакетлар тарату үтәлде, хәзер без дүртенче көтәбез. Җыелма составына кирәкле барлык продуктлар керә. (ярмалар, макароннар, май, чәй, тушенка, куертылган сөт, вафли, кәнфит, консервлар һ.б.) Алучылар бик канәгать һәм рәхмәт сүзләрен генә әйтәләр”-, диде ул

"Заря" агрофирмасында бу эш оешкан төстә бара. Хуҗалыкта сенаж һәм печән әзерли башладылар. Баш зоотехник Раил Идрисов әйтүенчә, кышлату өчен 22 мең тонна сенаж, 24 мең тонна силос, 3000 тонна печән, 5000 тонна салам әзерләргә кирәк булачак. Агрофирма дирекциясе басуда эшләүчеләр өчен барлык шартларны да тудырды. Яшел массаны кырдан азык базаларына чыгаруга 15 берәмлек техника җәлеп ителгән. Быел җәй яшел масса әзерләү өчен уңайлы булды. Зарялылар җитәрлек азык запасы булдырырга өметләнәләр. Иван Яковлев "Заря" агрофирмасында механизатор булып 30 ел эшли. Хәзерге вакытта КПУ-3,6 агрегатында күпьеллык үләннәр чәчүгә туфрак әзерләү белән мәшгуль. Тырыш тракторчы нәтиҗәле хезмәткә бөтен көчен куя.

“Җәйнең бер көне - ел туйдыра” ди халык. Июнь ае хуҗалыкларда кышкы терлек азыгы әзерләү чоры. Бүген Буа муниципаль районы җитәкчесе Ранис Камартдинов «Заря» ҖЧҖ, «Дружба» ҖЧҖдә сенаж салу эшләренең барышы белән танышты. "Заря" агрофирмасында кышлату өчен 22 мең тонна сенаж, "Дружба"да 25 мең тонна сенаж саласы бар. Ранис Камартдинов бригадаларның эзлекле эше , сенаж ташу һәм трамбовкалау шартларын карады. Ул шулай ук басуларны, чүп үләннәренә, корткычларга һәм авыруларга каршы эшкәртү эшләре барышы белән танышты. Соңрак район җитәкчесе Ямбулат авылында сөт-товар фермасына тукталды һәм андагы төзекләндерү эшләре белән кызыксынды. Шулай ук Буа районы агрохим хезмәтенең доломит оны чыгару буенча эшнең оештырылуын карады.

Су коену чоры башлану һәм җәйге чорда сулыкларда балигъ булмаган балаларның үлеменә юл куймау максатыннан, Буа муниципаль районының балигъ булмаганнар эшләре һәм аларның хокукларын яклау комиссиясе балигъ булмаган балаларның ата-аналарына табигый сулыкларда үз-үзеңне тоту кагыйдәләрен тайпылышсыз үтәүне һәм аларның бозылу нәтиҗәләрен истә тотуны сорап мөрәҗәгать итә. Әлеге кагыйдәләрне искә төшереп, Сез балаларыгызның иминлеген, суда булган бәхетсезлек очракларын кисәтәчәксез.

Сулыкларда контрольсез коенучы балалар яныннан үтмәгез! Аларны сулыктан китергә үгетләгез! Суда бәхетсезлек очракларын булдырмас өчен ата-аналарга балаларның кайда уйнауларын һәм йөрүләрен ныклы контрольдә тотарга киңәш итәбез.

Балаларыгызның сәламәтлеген һәм тормышын куркыныч астына куймагыз!