ЯҢАЛЫКЛАР

Җирле иганәчеләр ярдәменнән башка да булмады. Күл Черкене авылында тиздән спорт уен мәйданчыгы барлыкка киләчәк. Әлегә аны уртак көч белән эшлиләр. Ир-атлар койма куялар, хатын-кызлар инвентарьны буилар. Клуб мөдире Гөлфия Газизова сүзләренә караганда, халык мондый мәйданчыкны күптән көткән. Җәен балалар күп була,ә уйнарга урын юк. Өлкәннәр уен мәйданчыгында таулар, таганнар куйдылар, комлы уен зонасы, турниклар ясадылар, волейбол мәйданчыгы кордылар. Авыл халкы фаразлары буенча, бер айдан соң мәйданчык балаларны кабул итәргә әзер булачак.

«Татарстан Республикасында гражданнарга түләүсез юридик ярдәм күрсәтү турында» 2012 елның 2 ноябрендәге 73-ТРЗ номерлы Татарстан Республикасы Законын гамәлгә ашыру максатларында Татарстан Республикасы Юстиция министрлыгы (алга таба – Министрлык) 2020 елның 26 июнендә 10.00 сәгатьтә видеоконференцэлемтә режимында, җир һәм торак законнарын гамәлгә ашыру мәсьәләләре буенча муниципаль районнар халкына түләүсез юридик ярдәм күрсәтүне планлаштыра.

Чарада ТР Җир һәм мөлкәт мөнәсәбәтләре министрлыгы, ТР Дәүләт торак инспекциясе һәм ТР Адвокатлар палатасы вәкилләре катнашачак.

Катлаулы эпидемиологик вәзгыятькә бәйле рәвештә, 2020 елның декларация кампаниясе 30 июльгә кадәр озайтылды, гражданнар 2019 елда алынган керемнәре турында хисап тотарга тиеш. Декларациядә исәпләнгән НДФЛ өчен 2020 елның 15 июленә кадәр түләргә кирәк.

Гражданнар НДФЛны мөстәкыйль исәплиләр һәм 3-НДФЛ формасы буенча декларацияне үз исәпкә алу урыны буенча салым органына тапшыралар. 2019 елда салым түләүче, әйтик, милектә минималь сроктан кимрәк булган күчемсез милек саткан, якын туганнарыннан кыйммәтле бүләкләр алган, лотереяда зур булмаган күләмдә акча откан яки чит ил чыганакларыннан табыш алган очракта, декларация тапшырырга тиеш.

Талпан тешләгән (ябышкан) очракта "Буа үзәк район хастаханәсе"нә мөрәҗәгать итәргә кирәк, анда талпаннарны алу һәм талпан инфекциясен специфик профилактикалау хезмәтләре күрсәтелә.

Учреждениенең адресы: 422430, Татарстан Республикасы, Буа ш., Ефремов ур., 137 й., контакт телефоны: 89270354772. Эш вакыты - тәүлек буе, шул исәптән бәйрәм һәм ял көннәрендә.

Алынган талпанны капкачлы герметик банкага салырга һәм аны «Татарстан Республикасында гигиена һәм эпидемиология үзәге» ФБУЗда түләүле нигездә, талпан инфекциясенә тикшерергә җибәрергә. Адресы: Казан шәһәре, Сеченов ур., 13а йорт.

Талпаннар анализ өчен кабул ителә:

- эш көннәрендә - Сеченов урамы, 13а йорт, литер Б, 2 кат, 237 нче кабинет ишегалды;

- ял һәм бәйрәм көннәрендә - Сеченов урамындагы административ бинада, 13а йорт (төп керү урыны).

Анализлар нәтиҗәләрен 3 көн эчендә алырга мөмкин, телефон номеры 88432217905

Буалылар медикларга Covid-19 коронавирусы пандемиясе вакытында эшләгән өчен рәхмәт белдерә һәм Yardam.ru порталда эшли башлаган «табибларга хатлар» сервисы аша аларга ярдәм күрсәтә алалар. Бу хакта ТР Финанслар министрлыгы матбугат хезмәте хәбәр итә. Табибларга хат язу өчен, үз исемеңне атарга, хастаханәне-адресатны күрсәтергә кирәк, ә теләгән очракта шәхси фотосурәтне йөкләргә мцмкин. Моны сайттагы форма аша да, электрон почта аша да эшләргә була - yardam@tatar.ru.

Бүген матбугат ветераны Мөнир Борһановка 90 яшь тулды. Юбилярны гомер бәйрәме белән Адав-Толымбай авыл җирлеге башлыгы Азат Әхмәтҗанов, «Буа-информ» директоры Гакил Камалетдинов котладылар. Алар ветеранга нык сәламәтлек, иминлек һәм 95 яшьлек юбилеен да шулай көр күңел белән каршылавын теләделәр.

2020 елның 23 июнендә Татарстан Республикасында Кеше хокуклары буенча вәкаләтле вәкил һәм суд приставлары федераль хезмәтенең Татарстан Республикасы буенча идарәсе җитәкчесе вазыйфаларын вакытлыча башкаручы - Татарстан Республикасының баш суд приставы тарафыннан гражданнарны бергәләп кабул итү оештырыла

Билгеле булганча, күчемсез милеккә хокукларны һәм аның белән килешүләрне дәүләт теркәвенә алганда юридик әһәмиятле гамәлләр кылган өчен РФ Салым кодексы нигезендә дәүләт пошлинасы каралган. Әгәр дә ул түләнмәгән яки дөрес түләнмәгән булса, Росреестр документларны карамыйча кире кайтарырга тиеш. Әмма Росреестрның дәүләт пошлинасын кире кайтару очраклары бар. Төгәлрәк очракларны, Росреестрның Татарстан Республикасы буенча идарәсе эксперты Лилия Садеретдинова аңлата.

Кичә Буа муниципаль районы Башкарма комитетында тормыш дәрәҗәсен күтәрү һәм керемнәрне легальләштерү буенча территориаль ведомствоара комиссия утырышы булып узды. ТР Хезмәт, халыкны эш белән тәэмин итү һәм социаль яклау министрлыгының хезмәт мөнәсәбәтләрен җайга салу бүлеге башлыгы Ирина Мирзаҗановна Сергеева һәм тиешле хезмәтләр җитәкчеләре ZOOM аша киңәшмәгә тоташтырылган иде.

РФ Конституциясенә төзәтмәләр буенча гомумроссия тавыш бирү 1 июльдә узачак. Шул ук вакытта үз тавышыңны 25 июньнән башлап, бер атна дәвамында бирергә мөмкин булачак. Мондый алым россиялеләргә бу процесста алар өчен уңайлы вакытта катнашырга мөмкинлек бирәчәк һәм сайлау участокларында күпләп җыелуны булдырмаска ярдәм итәчәк. Тавыш бирү максималь куркынычсыз режимда үтсен өчен мөмкин булган барлык чараларны да кабул итәргә кирәк, алар арасында максималь элемтәсезлек принцибын үтәү дә бар. Һәр участокка кергәндә температураны үлчиячәкләр, гражданнарга кирәк булганда битлек, перчаткалар һәм бер тапкыр кулланыла торган ручка бирәчәкләр. Күзәтүчеләр, журналистлар һәм сайлау комитеты әгъзалары битлек һәм перчаткаларда булачаклар, моннан тыш, соңгыларын алдан ук коронавируска тестлаштырдылар. Участоклар үзләре көнгә берничә тапкыр дезинфекцияләнәчәк.