ЯҢАЛЫКЛАР
Акциядә катнашу өчен үз фатир/йортларыңның/офисларының тәрәзәләрен рәсемнәр, фоторәсемнәр һәм язулар белән рәсмиләштерергә кирәк. Акциядә катнашучылар рәсмиләштерелгән тәрәзәләрнең фотосурәтләрен социаль челтәрләрдә #ОКНА_ПОБЕДЫ рәсми хэштегы белән урнаштырырга һәм Җиңү көне алдыннан геройларга, тематик текстларда рәхмәт сүзләрен җиткерергә тиеш.
Акциянең максаты-җәмәгатьчелек игътибарын Җиңү көнен бәйрәм итүдә катнашу мөмкинлегенә җәлеп итү, гаилә кыйммәтләре, буыннар бердәмлеге кебек тормышчан изгелекләрне берләштереп, геройларны искә алу, бәйрәмне гаилә, шул исәптән өлкән буын кешеләре белән бергә үткәрү мөмкинлеге.
Татарстанда Президент Рөстәм Миңнеханов инициативасы белән "Ярдәм янәшә! Помощь рядом!" масштаблы хәйрия акциясе башланып китте. Буа районы да актив катнашты.
Татарстан Республикасында яңа коронавирус инфекциясе CoVID-19 таралуын булдырмау буенча агымдагы санитар-эпидемиологик вазгыятькә бәйле рәвештә1941-1945 еллардагы Бөек Ватан сугышында Җиңүнең 75 еллыгын бәйрәм итүгә багышланган чаралар онлайн-режимда узачак.
2020 елның 4 маеннан Татарстан Республикасында «Георгий тасмасы» Бөтенроссия акциясе старт алды. Акциядә катнашу өчен социаль челтәрләрдә ике хэштэглы #ГеоргиевскаяЛенточкаТатарстан и #лучшедома Георгий тасмасы төшерелгән фотоларны беркетеп урнаштырырга кирәк.
Бүген Татарстан Республикасы Хөкүмәте Йортында узган республика киңәшмәсендә Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров чәчү кампаниясенең агымдагы темплары турында сөйләде.
Киңәшмәне Татарстан Республикасы Президенты Рөстәм Миңнеханов үткәрде. Киңәшмә барлык муниципаль районнар белән видеоконференцэлемтә режимында узды. Анда ТР Премьер-министры Алексей Песошин катнашты.
Марат Җәббаров хәбәр иткәнчә, кыр эшләрен алып бару өчен һава шартлары начар булуга карамастан, планлаштырылган уҗым культураларын һәм күпьеллык үләннәрне тукландыру һәм тырмалау күләме төгәлләнгән.
Республикабызның 100 еллыгы, һәр татарстанлы өчен әһәмиятле дата елында буалыларыбызның элек башкарылган эшләргә йомгак ясап, киләчәккә планнар билгеләү мөмкинлеге бар. Районның гасырлык тарихына мөрәҗәгать итеп, без беренче чиратта дәүләт эшлеклеләрен, галимнәрне, спортчыларны - Барлас Камалов, Равил Рахмани, Равил Кукушкин, Шәриф Хөсәенов, Василий Краснов – Асли, Дмитрий Петров – Юман, Нелли Петровский, Гомәр Толымбай, Бакый Урманчы, Борһан Шаһиди, Николай Сурков, Фоат Гарифуллин, Рифкать Газизов, Шамил Мостаев, Шәрәф Әхмәдуллин, Сабирҗан Нәфыйков, Рафаэль Рәхимов, Закирҗан Якупов, Алексей Михайлов һәм башка бик күпләрне искә алабыз.масштаблы эшләр. Безгә шундый ачык юл калдырган, Буа муниципаль районының язмышын һәм үсеш векторын билгеләгән кешеләргә тагын бер тапкыр рәхмәт сүзләрен җиткерәбез. Алар арасында, билгеле инде, буалылар районның беренче башлыгы Габделхәй Нәбиулла улы Хәйрулловка аерым роль бирәләр.
Хөрмәтле шәһәр һәм район халкы! Сезне чын күңелдән Яз һәм Хезмәт бәйрәме - хезмәт ияләренең бердәмлеге көне белән котлыйм!
Кече шәһәр һәм бистәләрдә яшәүчеләрнең ташламалы ипотека кредиты хисабына торак шартларын яхшырту мөмкинлеге барлыкка килде. 193 татарстанлы быел үз торак шартларын яхшырткан инде.
Шуларның берсе – инженер Павел Демагин. Ул яшәгән Тәтеш шәһәре 30 меңгә кадәр халкы булган кече шәһәрләр исемлегенә кергән, аларга бу елдан башлап «Авыл территорияләрендә торак урыны төзүгә (сатып алуга) Россия Федерациясе гражданнары өчен ташламалы процент ставкасы белән ипотека кредиты» федераль программасы кысаларында еллык 3% ка кадәр ташламалы ипотекага кереп була
Татарстан Республикасы Авыл хуҗалыгы һәм азык-төлек министрлыгы хәбәр иткәнчә, Татарстанда икмәкнең социаль төрләрен җитештерүче икмәк пешерү предприятиеләрен субсидияләү лимиты арттырылган. Аларга 1 сортлы ак икмәк, «Сельский» һәм «Дарницкий», яки билгеләнгән рецепт буенча пешерелгән башка төр икмәк керә.
Әгәр элек ипи пешерүчеләр сатылган социаль ипинең 1 килограммына 3 сум исәбеннән субсидия алса, 2 кварталдан субсидия суммасы 4,5 сум тәшкил итәчәк. Әлеге чара бу категориядәге икмәк-күмәч продукциясенә бәяләр үсешен булдырмауга юнәлдерелгән.
Күчемсез милекне арендалауга ничек ташлама алырга ?
Россия Пенсия фондының Татарстан Республикасының Буа шәһәрендәге идарәсе (районара) 3 яшькә кадәрге балалары булган яки ана капиталына ия булган гаиләләргә 5 мең сум күләмендә өстәмә акчалата түләү бирә.
Исегезгә төшерәбез, эпидемиологик хәл кискен булу сәбәпле, ана капиталына ия яки хокукы булган Россия гаиләләренә өстәмә финанс ярдәме күрсәтелә - агымдагы елның апреленнән июнь аена кадәр өч яшькә кадәрге һәр балага ай саен 5 мең сум күләмендә түләнә. Буа районында бу акчалар 600дән артык гаиләгә каралган. Бүгенге көндә 705 гариза бирелгән, шуларның 99 ы – баш тартучылар, 554 е – канәгатьләндерелгән, 52 се – каралуга куелган.