ЯҢАЛЫКЛАР

Коронавирус йогышы таралмасын өчен, Россия Пенсия фондының Татарстан Республикасы Буа шәһәрендәге идарәсе (районара) кабул итүнең бары тик алдан язылу буенча гына үткәрелүен искәртә.

Пенсия фондына барганчы, телефон номеры буенча шалтыратыгыз 8 (84374) 3-56-84, 8 (84374) 3-47-22 яки 074 номерына. Әгәр мәсьәләне бармыйча хәл итеп булмаса, кабул итүгә алдан язылу сервисыннан файдаланып, шәхси кабинетта, Россия Пенсия фонды сайтында язылырга кирәк», - дип билгеләп үтте Татарстан Республикасының Буа шәһәрендә РПФ идарәсе башлыгы (районара).

23 апрельдә 15:00 сәгатьтә «Эшкуарлык фабрикасы» Дагыстан Республикасының Эшкуарлык һәм инвестицияләр Агентлыгы ярдәме белән «Маркетплейс: Кризиста ничек эшли башларга?» темасына түләүсез онлайн-конференция узачак

Чара кысаларында экспертлар һәм эшкуарлар сезнең сорауларга җавап бирәчәкләр һәм килеп туган вәзгыятькә үз карашлары турында сөйләячәкләр. Wildberries интернет-кибете җитәкчеләре хезмәттәшлекне ничек башларга һәм халыкара мәйданда онлайн-товарлар сата башларга, шулай ук платформадагы уңышлы һәм уңышсыз кейсларны күрсәтәчәкләр.

Чара әзер инструментарий алырга, яңа базарга чыгарга һәм клиентлар базасын киңәйтергә теләгән эшмәкәрләргә файдалы булачак.

Темалар:

- «Wildberries»да бизнесны ничек төзергә?»;

- « Маркетплейсларда маркетинг»;

- «Маркетплейсларда аналитика»;

- «Платформада уңышлы һәм уңышсыз кейслар».

Спикерлар:

Татьяна Бакальчук — «Wildberries» компаниясенә нигез салучы һәм генераль директоры;

Дмитрий Лазарев — «Wildberries» Электрон коммерция экспертиза үзәгенең онлайн-проектлар җитәкчесе;

Айдар Булатов — «Bulatov Group» төркеме компаниясенең Директорлар Советы рәисе, «Фабрика Предпринимательства» проектына нигез салучы, икътисад фәннәре докторы.

Чарага теркәлү: http://biz-balance.ru/marketplace.

Карантин чаралары тәмамлануны якынайту өчен нәрсә эшләргә кирәк

Хәзерге вакытта дөньяда яңа коронавирус йогышы белән авыруның 2 миллионнан артык очрагы теркәлгән.

Бөтен дөнья бу авыруның пандемиясе белән көрәшә, юлның шактый өлеше узылган инде. Безнең илдә системалы кабул ителгән чаралар ярдәмендә инфекцияне тоткарлап була. Дәүләт тарафыннан барысы да эшләнгән, әмма хәзер күп нәрсә безнең һәрберебезгә бәйле.

Бүген төп бурыч булып коронавирус инфекциясен җиңү тора, без аңа бары тик уртак көч белән генә ирешә алабыз.

Вакытлыча чикләүләр үз-үзеңне, якыннарыңны саклап калу һәм тирә-юньдәгеләрне бәла-казадан саклау өчен кирәк.

Вакытлыча чикләүләр режимына никадәр җаваплы карыйбыз, без актив тормышка һәм көндәлек эшләргә шулкадәр тизрәк әйләнеп кайта алачакбыз.

Карантин чараларын тәмамлау өчен 5 адым:

- өйдә калырга,

- дезинфекция чаралары кулланып, өйдә чисталыкны сакларга,

- заманча элемтә һәм коммуникацияләр чараларын кулланып, туганнар белән аралашырга,

- һәрхәлдә, өйдән чыкканда, сулыш юлларын ябучы битлекне кулланырга кирәк.,

- әйләнә-тирәдәгеләр белән 1,5-2 метр дистанцияне үтәргә, кулларны сабын белән юарга һәм антисептик чаралар кулланырга, Роспотребнадзорның барлык күрсәтмәләрен үтәргә.

Үзегезне һәм якыннарыгызны саклагыз!

Татарстанның биш мәктәбе чыгарылыш сыйныф укучыларының конкуренциягә сәләте буенча Россиянең 100 мәгариф учреждениесе топ-100енә керде. Исемлек RAEX («РАЭКС-Аналитика») рейтинг агентлыгы тарафыннан төзелгән.

Иң яхшы мәктәпләр исемлегенә RAEX рейтингыннан Россия югары уку йортларына укырга керүче мәгариф учреждениеләре кергән.

Казанның 131нче лицее-36нчы, КФУның IT-лицее – 53нче, КФУның Н. И. Лобачевский исемендәге лицее-54нче, Казанның 2нче лицее – 76нчы урында.

Татарстанның Казаннан читтә урнашкан бердәнбер мәктәбе-Әлмәтнең 95 нче позициядә урнашкан 2 нче лицее.

Буалыларның исенә төшерәбез, Бөек Ватан сугышында Җиңүнең 75 еллыгын бәйрәм итү елында Россиядә «Хәтер бакчасы» акциясе үткәрелә, аның максаты-27 миллион һәлак булган кешеләр истәлегенә - 27 миллион агач утырту. Акция башланганнан бирле Россиядә өч миллионга якын агач утыртылды, әмма яңа коронавирус йогышы таралуга бәйле рәвештә һәм РФ Президентының 2020 елның 2 апрелендәге 239 номерлы Указы белән муниципаль берәмлекләр чикләрендә «Хәтер бакчасы» акциясенең барлык чаралары да соңрак вакытка күчерелде.

Бүген Татарстан Республикасы Президенты Рөстәм Миңнеханов Татарстан Республикасында дача сезоны башлануга әзерләнү буенча киңәшмә уздырды. Киңәшмә видеоконференция режимында узды.

Киңәшмә кысаларында Рөстәм Миңнеханов шуны әйтеп китте: Татарстан Республикасында бүгенгә 23 муниципаль берәмлектә 950 бакчачылык һәм яшелчәчелек ширкәте (СНТ) бар, аларга 381 мең бакча участогы керә. Аның сүзләре буенча, һәр участокта ким дигәндә 3 кеше ял итә, бу 1 миллионлап кеше дигән сүз.

Бүген Россия Федерациясе авыл хуҗалыгы министрының беренче урынбасары Джамбулат Хатуов коронавирус эпидемиясе шартларында терлекчелек һәм эшкәртү предприятиеләренең өзлексез эшләвен тәэмин итүгә багышланган киңәшмә уздырды. Видеоконференция режимындагы киңәшмәдә Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Җәббаров катнашты.

Татарстан Республикасы Авыл хуҗалыгы һәм азык-төлек министрлыгы эш башлаучы фермерларга ярдәм итү өчен грантлар бирүгә мөрәҗәгать итүчеләрне сайлап алу конкурсына документлар кабул итү турында игълан итә. Грантның максималь суммасы 5 млн сум булачак. Төп таләп - крестьян (фермер) хуҗалыгы оешуга 2 елдан артык булмаска тиеш.

Грант акчаларын сөтчелек фермалары, эре мөгезле терлекләр симертү фермалары төзүгә, сарыклар үрчетүгә, ана кәҗәләр тотуга, ит һәм йомырка өчен кошчылык (тавыклар, күркәләр, казлар, үрдәкләр һәм бытбылдыклар), фермаларын, ат фермаларын һәм товар балыгын җитештерү фермаларын тотуга, теплицалар, яшелчәсаклагычлар төзүгә тотарга мөмкин булачак.

Заявкалар һәм документлар районнарның авыл хуҗалыгы һәм азык-төлек идарәләрендә ябык конвертта кабул ителә.

Документлар 2020 елның 20 апреленнән 19 маена кадәр кабул ителә. Консультацияләр өчен телефон: 8(843)221-76-85.

Грант бирү тәртибе һәм документлар формалары турындагы мәгълүмат Татарстан Республикасы Авыл хуҗалыгы һәм азык-төлек министрлыгының рәсми сайтында урнаштырылган, сылтама буенча керергә.

26 апрельдә, бөек татар шагыйре һәм язучысы Габдулла Тукайның туган көнендә, Татарстан Республикасында Туган тел көне билгеләп үтелә.

Буалылар игътибарына «Вдохновленный Тукаем» исемле документаль фильм тәкъдим итәбез. Фильм Татарстанның халык артисты, ТР һәм РФ атказанган сәнгать эшлеклесе, La Primavera камера оркестры җитәкчесе Рөстәм Абязовка багышлана.

Бу фильмның герое-безнең замандашыбыз, Татарстанның халык артисты, Татарстан Республикасының һәм Россия Федерациясенең атказанган сәнгать эшлеклесе, Татарстан Республикасының Габдулла Тукай исемендәге Дәүләт премиясе лауреаты, «La Primavera» камера оркестрын оештыручы һәм алыштыргысыз җитәкчесе Рөстәм Абязов. Габдулла Тукай шигыре белән илһамланган композитор Р.Абязов оркестры белән скрипка өчен «Тукай моңнары» сюитасын булдырган. Тукайның тылсымлы шигъри дөньясы музыка тавышларында илһамландырган хис-тойгыларын тапты. Кино татар әдәбияты классигы Габдулла Тукайның тууына 125 ел тулуга багышланган иде. Фильмны безнең YouTube-каналда карарга мөмкин. https://youtu.be/4kEvsEFSGkw

6 апрельдән ТАССРның 100 еллыгы, Бөек Ватан сугышында Җиңүнең 75 еллыгы, Буа район мәдәният йортының Instagramда (https://instagram.com/buinskrdk?igshid=arkxaro5abx) «Яраткан уен коралларында уйна» онлайн марафоны старт алды. Бүгенге көндә марафонда 60 тан артык кеше катнашты. Шунысы куанычлы, марафонда өлкәннәр генә түгел, яшьләр дә бар. Балалар һәм яшүсмерләр марафонда бик теләп катнаштылар. Алар күп кенә музыка коралларын белүләрен күрсәттеләр. Буыннар бәйләнешен күрү куанычлы - әтиләр улларында һәм кызларында музыка коралларына мәхәббәт тәрбияли.