ЯҢАЛЫКЛАР
"Газпром газомоторное топливо" ның Буа филиалында АГНКС-1 ягулык салу станциясендә аның җитештерүчәнлеген арттыру өчен техник җиһазландыру максатыннан үткәрелә торган ремонт эшләре сәбәпле, Буада шәһәр маршруты буенча пассажирлар ташуны гамәлгә ашыручы , кисәтүсез генә, метанда, газ-мотор ягулыгы белән эшләүче автобусларны берьяклы тәртиптә туктатты.
Бу сорау Буа муниципаль районы җитәкчесе Рәнис Камартдиновның шәхси контроленә алынды.
Ике сәгать дәвамында Буа шәһәрендә пассажирлар ташу хәрәкәте торгызылачак.
Бүген, 12 мартта, «Татарстан – Яңа Гасыр» телеканалында «Безнең Республика. Безнең эш» дип аталган форумда Татарстан Республикасы буенча Росреестр идарәсе җитәкчесе урынбасары вазыйфаларын башкаручы Людмила Кулагина һәм Татарстан Республикасы буенча Кадастр палатасы директоры урынбасары Ләйсән Рәхмәтуллина катнашачак.
Ток-шоуның темасы - «Татарстан Республикасы бакчачылар проблемалары». Аның кысаларында катнашучылар участокларны ызанлау, күчемсез милеккә хокукларны теркәү, капиталь төзелеш объектларын исәпкә алу һ. б. процессларны законнар белән җайга салуга кагылышлы актуаль проблемаларның киң спектры буенча фикер алышачаклар.
Бүген, 11 мартта Буа муниципаль районы делегациясе, шул исәптән «Татарстан Республикасы Авыл хуҗалыгы үзәге» ФДБУнең Буа МРО башлыгы Радик Ибәтуллин, район авыл хуҗалыгы формированиеләренең баш агрономнары «Татагрохимсервис»-«Агрохиммаш» АҖнең Биектау авылындагы филиалы мәйданчыгында булдылар. Алар предприятие чыгара торган продукция – агулау машиналары, үсемлекләрне тукландыручы сиптергечләр, агулау машиналарын көйләү белән таныштылар.
9 март көнне Килдураз җирлегенә керүче Казма авылы клубында Бөек Җинүнен 75 еллыгы ТАССРнын 100 еллыгы унаеннан "Хәтер хәтирә" концерты булды. Концерт сугыш күренешләреннән өзекләр белән алып барылды. Сугыш чоры балалары Гиниятуллин Җәүдәт, Абзалов Әкрам, Шаяхметова Равия апалар үзләренең сугыш чоры авырлыклары, кичерешләрен сөйләделәр. Шаяхметова Равия апанын бала чагы Тула шәһәрендә үтә. Шәһәр немец гаскәрләре чорналышында кала һәм аларнын өйләренә немецлар яши. Ана ул вакытта нибары 6 яшь була, шул яшьтә булуга карамастан ул барысында хәтерли. Гиниятуллин Җәүдәт абый белән Абзалов Әкрам абый авылда тормышын авырлыгы, юклыкнын ачылыгы, үз гаиләләре турында сөйләделәр. Аларнын сөйләгәннәрен тыныч кына тынлап булмады... Соныннан халкыбыз яратып җырлана торган туган авыл турында җырлар җырланды. Илебез тыныч, күгебез аяз булсын. Сугышлар кабатланмасын.
12 мартта 13.30 сәгатьтә «Татарстан 24» телеканалында «Торак-коммуналь киңәшмәләр» программасы булачак, анда Татарстан Росреестры һәм Кадастр палатасы экспертлары катнашачак.
12 мартта 8.20 сәгатьтә «Business FM Казан» радиосында «Недвижимость» программасы чыгачак, аның махсус кунагы Татарстан Республикасы буенча Росреестр идарәсе җитәкчесе урынбасары вазыйфаларын башкаручы Людмила Кулагина булачак
Быел 9 сыйныфны тәмамлаучылар өчен дәүләт йомгаклау аттестациясенең төп чоры иртәрәк башланачак. Барлык дәүләт имтиханнарының контроль-үлчәү материалларына (КИМ) сизелерлек үзгәрешләр кертелде, чөнки яңа федераль дәүләт белем бирү стандартлары буенча белем алган 9 сыйныф укучылары беренче тапкыр дәүләт йомгаклау аттестациясен уза. Бу хакта ТР Министрлар Кабинетында узган брифингта ТР Мәгариф һәм фән министры Рафис Борһанов хәбәр итте.
Җәйге каникуллар вакытында 10-17 яшьлек балалар Россия буйлап ерак араларга йөрүче поездларда билетка 50 процентлы ташлама белән йөри алачак, дип хәбәр итә Горький тимер юлларының Казан төбәге матбугат хезмәте. Ташлама җәй дәвамында плацкарт һәм гомуми вагоннарга, шулай ук утыру урыннары булган вагоннарга билетлар өчен гамәлдә.
Татарстан Республикасы Төзелеш, архитектура һәм торак-коммуналь хуҗалык министрлыгы хәбәр иткәнчә, хәзерге вакытта «Татэнергосбыт» АҖ торак-коммуналь хезмәтләр өчен түләүгә бердәм түләү документына электр белән тәэмин итү хезмәтен кертү буенча эшләрне тәмамлый. Нәтиҗәдә, 2020 елның мартыннан бөтен республика халкына электр белән тәэмин итү хезмәте буенча «Татэнергосбыт» АҖнән аерым счетлар җибәрелмәячәк.
Район җитәкчесе Ранис Камартдинов җитәкчелегендәге Буа муниципаль районы делегациясе «Татарстан Республикасында авыл халкының эшлекле активлыгын арттыру» темасына зона семинар-киңәшмәсендә катнаша. Чара бүген Иске Чүпрәле авылында уза. Анда Апас, Югары Ослан, Яшел Үзән, Кайбыч, Кама Тамагы, Спас һәм Тәтеш районнары да чакырылган.
Семинар-киңәшмә кысаларында «Авыл территорияләрен комплекслы үстерү» дәүләт программасын гамәлгә ашыру механизмнары, авыл хуҗалыгында кече формаларга дәүләт ярдәме чараларын һәм авылда эшкуарлыкны үстерүнең заманча инструментларын камилләштерү мәсьәләләре буенча фикер алышачаклар.