ЯҢАЛЫКЛАР

Район хуҗалыкларында урып-җыю эшләре югары темп белән дәвам итә.

Авыл хуҗалыгы һәм азык-төлек идарәсеннән алынган мәгълүматларга караганда, 22 августка бөртекле һәм бөртекле-кузаклы культуралар 24425 гектарда, ягъни барлык мәйданның 47,3 процентында җыеп алынган. Ындыр табакларына барлыгы 76746 тонна ашлык кайтарылган. Һәр гектардан алынган уртача уңыш күләме 31,4 центнерга тиң.

“Авангард” агрофирмасында үстерелгәннең чиреген генә җыясы калды. “АгроНур”да игеннәр барлык мәйданның 64,8,  “Ямбулат” та – 61,2, “Заря”да 57 процентында суктырылган. “Экваторны” “Алан”, “Коммуна”, “Дружба” җәмгыятьләре узган. Фермер хуҗалыкларында бу күрсәкеч 32,8 процентка тиң. 

Районда урып-җыюның иң кызган чагы бүген – игеннәрнең алтын диңгезе кечерәйгәннән кечерәя. Сарсаздан фермер Илдус Хәйретдинов хуҗалыгында да бөртеклеләрне суктыру ахырына якынлашып килә. Чәршәмбе, 21 август көненә 220 гектарда арпаны, 370 гектарда игелгән язгы бодайның яртысыннан күбрәген җыеп алганнар иде инде. Илмаз Кәлимуллин, Искәндәр Хәсәнов, Фәнил Краснов, Рамил Мифтахов авыл янындагы 60 гектарлы бодай басуында эшлиләр. Башаклар тулы күренә.

Районда быел җәй мәктәп яшендәге балаларга шөгыль үзәге аша шәһәрнең төрле оешма-предприятиеләрендә, мәктәп яны участокларында, авыл хуҗалыгы өлкәсендә эшкә урнашу мөмкинлеге тудырылды.  Район башкарма комитеты боерыгы нигезендә мондый мөмкинлектән 180 яшүсмер файдаланды.

Киләсендә дә кайтырга насыйп булсын, дип таралышкан иде карлылар үткән ел авылга нигез салынуга 350 ел тулу уңаеннан оештырылган тантанадан. Теләкләре чынга ашты – шимбә көнне халык төркем-төркем булып мәдәният йорты каршына килде. 

Бәйрәмне авыл аксакалы Солтан Усманов Коръән уку белән ачты. Ул авылдашларга, еракларга китүчеләргә туган нигезләрен онытмауларын, еллар узгач та анда кайтып, тәрәзәләрендә утлар кабызуларын теләде. Җирлек башлыгы Данис Абдрахманов карлыларның бәйрәм-не оештыруда бердәм булуларын ассызыклады. Нинди генә чара оештырсалар да, спонсорлар ярдәмнәренә таянуларын әйтеп, акчалата ярдәм күрсәтү-челәргә рәхмәт хатлары тапшырды.

Узган җомгада “Сәламәтлек марафоны” бөтенроссия акциясе кысаларындагы чаралары буалылар өчен чын мәгънәсендә спорт бәйрәменә әверелде. Үзәк стадионга ефәк юлы узган “КамАЗ-Мастер” экипажы килде, Казан “Уникс-2” баскетбол командасы уенчылары буалылар белән очрашты.

Бәйрәм кысаларында Буага Татарстан Республикасы спорт министры урынбасары Айрат Әхмәров та килгән иде. Ул Буаның соңгы елларда күзгә күренеп үсүен, аның һәр почмагында диярлек спорт объектлары, мәйданчыклар калкып чыгуын уңай яктан бәяләде.

Бүген Буада капиталь ремонттан соң «Батыр» спорт мәктәбе ачылды. Район халкын, спорт мәктәбе хезмәт коллективын һәм спорт сөючеләрне яңартылган объект ачылу белән Буа муниципаль районы башкарма комитеты җитәкчесе Ранис Камартдинов котлады.

Татарстан  Республикасы Авыл хуҗалыгы  һәм азык-төлек  министрлыгы, авыл  тематикасы  буенча  Россия Федерациясе  Авыл  хуҗалыгы  министрлыгы  тарафыннан  ел  саен  оештырыла  торган  “Минем җирем  -  Россия” VI Бөтенроссия мәгълүмати-агарту  проектлары  конкурсында  катнашуга  заявкалар  кабул итү тәмамлануга ике  атнадан да  азрак калды,  дип  искәртә.    Ике  ай  эчендә  конкурска илебезнең  71  төбәгеннән     500дән артык  проект  алынган,  шул  исәптән  Татарстаннан  -  20.    

Шулар  арасында  Казаннан,  Татарстанның Азнакай,  Буа, Зеленодольск, Кама Тамагы,  Тукай, Түбән Кама,  Саба районнарыннан  журналистларның телевидениедә, радиода, басма массакүләм мәгълүмат чараларында  һәм   интернетта чыккан  Россия авылының  уңай  үрнәген  тасвирлауга,    авыл   территорияләрен үстерүнең алдынгы  тәҗрибәсен таратуга,  шулай  ук  кечкенә авыл  пунктларын үстерүнең  проблемаларын хәл итүгә юнәлдерелгән     проектлары  бар.  

Туган республикабыз турында белеме өчен һәркем приз  ота ала! Татарстан отурында теләсә нинди сорауга җавап бирә аласызмы? Ә бәлки, киресенчә, яраткан республикабыз турында белемнәрегезне киңәйтергә телисезме?  #Минем Татарстан мавыктыргыч квестына кушылыгыз, әйбәт призлар алыгыз һәм туган як турында яңа кызыклы фактлар белегез!!!

Шушы көннәрдә Буа шәһәренең В.Трусенев исемендәге Үзәк стадионында 2004-2005 елгы яшүсмерләр командалары арасында футбол буенча Татарстан Республикасы беренчелегенең финал уеннары узды. Бер әйләнә турнирда җиде команда иң көчлеләрне билгеләде.

Хөрмәтле Буа шәһәре һәм Буа районы халкы! 28 августта 14.00 сәгатьтә Туган якны өйрәнү музеенда Рамилә Әхмәтованың "Акварель поэзиясе" дип аталган күргәзмә залы һәм шәхси күргәзмәсе ачыла.

Күргәзмә 28 сентябрьгә кадәр дәвам итәчәк, керү ирекле. Барлык теләүчеләрне чакырабыз!