ЯҢАЛЫКЛАР

2021 елда Татарстан Республикасында Кеше хокуклары буенча вәкаләтле вәкил дәүләт органнары җитәкчеләре белән гражданнарны бергәләп кабул итү практикасы дәвам итә. 2021 елның 14 сентябрендә 14.00 сәгатьтән 16.00 сәгатькә кадәр Татарстан Республикасында Кеше хокуклары буенча вәкаләтле вәкил Аппаратында (Казан шәһәре, Карл Маркс ур., 61 нче йорт) Татарстан Республикасында Кеше хокуклары буенча вәкаләтле вәкил һәм Татарстан Республикасы Сәламәтлек саклау министрлыгы җитәкчелеге вәкиленең гражданнарны бергәләп кабул итүе була. Шулай ук республиканың муниципаль районнарында яшәүчеләрдән «Skype» программасына республиканың муниципаль берәмлекләрендә Татарстан Республикасында Кеше хокуклары буенча вәкаләтле вәкилнең җәмәгать ярдәмчеләрен кабул итү бүлмәләренә турыдан-туры тоташтыру юлы белән үз сорауларын бирү мөмкинлеге булачак. Медицина мәсьәләләре буенча мөрәҗәгать итәргә теләүчеләргә алдан (843) 236-41-80 телефоны аша язылырга һәм билгеләнгән вакытка вәкаләтле вәкилнең җәмәгать ярдәмчесен кабул итү бүлмәсенә яисә Татарстан Республикасында Кеше хокуклары буенча вәкаләтле вәкил Аппаратына килергә кирәк.

Онлайн режимында физик затларга җиңел һәм тиз генә салымнар түләргә мөмкинлек бирүче электрон янчык аналогы :

* Физик затлар милкенә салым

* Җир салымы

• Транспорт салымы

• Салым агенты тарафыннан тотылмаган НДФЛ

ЕНП АША САЛЫМ ТҮЛӘҮ ӨЧЕН АКЧА НИЧЕК КЕРТЕРГӘ?

1. Үзенең «Физик зат өчен салым түләүченең шәхси кабинетында»

2. Россия Федераль салым хезмәте сайтында «Салымнар һәм пошлиналар түләү» сервисы аша, кирәкле мәгълүматларны тутырып. Сервиска QR-кодны санатып  күчәргә мөмкин.

ЕНП-салым түләүнең өстәмә ысулы.

Аның функцияләрен куллану түләү йөкләмәләренең берничә төрен тутырганда вакытны һәм хаталарны шактый киметә.

Тулырак мәгълүмат сайтта NALOG.RU

8(800)222-22-22 телефоны буенча

Иртәгә, 11 сентябрьдә туң көтелү сәбәпле, Татарстанда янә шторм кисәтү игълан ителде. Бу хакта ТР Гидрометеорология үзәге хәбәр итә.

Төнлә һәм иртән республика территориясендә урыны белән «һавада һәм туфракта -1 градуска кадәр туң булу» ихтимал, дип билгеләп үтә синоптиклар. Шул уңайдан республика халкын уяу булырга һәм сак булырга өндәделәр.

Шул ук вакытта, метеорологларның башлангыч мәгълүматлары буенча, тәүлекнең караңгы вакытында салкыннар булмаган җирдә һава температурасы 0-5 градус җылылык тәшкил итәчәк.

Шимбә көнне үк республика югары атмосфера басымы кырында булачак, һава 16 градуска кадәр җылыначак.

«Гараж амнистиясе» турындагы закон 2021 елның 1 сентябреннән үз көченә керү сәбәпле, Татарстан Росреестры экспертлары Кадастр палатасы белән берлектә әлеге тема буенча кайнар линиягә керүче гражданнарның сорауларына җавап бирә.

Мөһим! Мөрәҗәгать итүчеләргә җирле үзидарә башкарма органына (Башкарма комитет) документлар тапшырырга кирәк: Казанда – район администрацияләре, республика районнарында, кагыйдә буларак, Җир һәм милек мөнәсәбәтләре палаталары.

Буа районы игенчеләре агымдагы 2021 елда 282 мең тоннага якын шикәр чөгендере җыярга планлаштыралар, дип хәбәр иттеләр Буа районы Авыл хуҗалыгы идарәсендә. Шуңа бәйле рәвештә урып-җыюга ныклап әзерләнергә, кырларда үскән уңышны тулысынча җыеп алырга кирәк.

Районның чөгендер игүчеләре шикәр чөгендерен казуга керешкәч, «Буа шикәре» ҖЧҖендә уңыш җыю ничек оештырылачак, нинди кыенлыклар туарга мөмкин? Боларның барысы турында да район башлыгы Ранис Камартдинов рәислегендә узган чөгендер үстерүчеләр белән киңәшмәдә сөйләштеләр.  Татлы тамыр казу сезоны җитте, күрше районнар урып-җыюга керештеләр, дип билгеләп үтте район башлыгы.

Татарстан Республикасы Хезмәт, халыкны эш белән тәэмин итү һәм социаль яклау министрлыгының Буа муниципаль районындагы «Гармония» халыкка социаль хезмәт күрсәтү комплекслы үзәге социаль педагоглары «Без төрле, әмма без бергә» дигән программа буенча чираттагы дәрес үткәрделәр. Чараның максаты-вак моториканы һәм иҗади сәләтләрне үстерү; эштә тырышлык, сабырлык, пөхтәлек тәрбияләү.

Чарада катнашучыларга стринг-арт техникасында панно ясарга тәкъдим ителде. Стринг-арт- ул җепләрдән һәм кадаклардан панно ясау сәнгате. Төрле төстәге линияләрнең матур итеп үрелеп баруы спирограф рәсемен хәтерләтә. Бу мавыктыргыч, иҗади хезмәт кенә түгел, ә гүзәллек дөньясына чуму да.

Россия Пенсия фондының Татарстан Республикасы буенча бүлеге хәбәр иткәнчә, пенсионерларга банкларга, почта элемтәсе бүлекләренә 10 мең сум күләмендә бер тапкыр түләнә торган акчалата түләүгә 11 218 960 мең сум җибәрелгән.

2 сентябрьдә түләү 780126 пенсионерга кредит учреждениеләре аша кергән инде. Калган 341 770 кешегә пенсияне китерү хезмәте һәм элемтә бүлеге аша алучы түләүләр 3 сентябрьдән килә башлады.

 "Бер тапкыр бирелә торган акчалата түләүләр пенсия алуның элек гадәтләнгән датасын әлегә кредит учреждениеләре аша гына үти башлады. Шул ук вакытта эшләүче һәм эшләмәүче, инвалидлык буенча яки туендыручысын югалту уңаеннан яңа пенсионерлар, алар билгеләнгәннән соң беренче пенсия түләнмәгән булса да, аңа хокук 31 августка инде барлыкка килсә, шулай ук бер тапкыр 10 мең сум алачак, тик бераз соңрак. Пенсия булса - түләү дә булачак», - дип ышандырды Татарстан Республикасы буенча Пенсия фонды идарәсе идарәчесе Эдуард Вафин

Россельхознадзорның Татарстан Республикасы буенча идарәсе җитәкчесе урынбасары Л.Г. Авдонина 2021 елның 14 сентябрендә 14.00 сәгатьтән 15.30 сәгатькә кадәр Буа районы һәм Буа, Тәтеш, Чүпрәле, Апас районнары гражданнарын шәхсән кабул итә.

Идарә компетенциясе кысаларында сораулар буенча шәхси кабул итүгә язылу (84374) 3-52-89, (843) 238-18-32 2021 елның 13 сентябренә кадәр.

Шәхси кабул итүгә мөрәҗәгать иткәндә битлек режимын үтәү мәҗбүри.

Буа районы урманчылыгында фитосанитар тикшерүе үткәрелгәндә, урманның карантин корты – мыеклач коңгызлар, кисмәннәр барлыгы ачыкланган!!!

Идарәнең 07.09.2021 ел, № 86/П/2021 номерлы карары белән  Татарстан Республикасы Буа муниципаль районы Буа участок урманчылыгының 122 номерлы урман кварталы чикләрендә, №37-47 урман кварталы җирләре территориясендә, гомуми 569 га мәйданда һәм  Татарстан Республикасы Буа муниципаль районының Төбәк-Чирки участок урманчылыгының 62, 63 һәм 42 нче урман кварталларының җирләре территориясендә барлыгы 297 га мәйданда карантин фитосанитар зона урнаштырылган һәм карантин фитосанитар режим кертелгән. Карантин фитосанитар зонаның гомуми мәйданы-866 га.

Муниципаль берәмлекләрне эреләндерү һәм үзгәртеп кору белән бәйле рәвештә һәм аларның эшчәнлегенә карата яңа таләпләрне аңлату максатыннан, 2021 елның 18-19 октябрендә «2021 елда төбәк һәм муниципаль идарәнең актуаль мәсьәләләре. РФ Конституциясенә төзәтмәләрнең йогынтысы» дигән дистанцион укыту (квалификация күтәрү) узачак. Чара дистанцион форматта GetCourse платформасында узачак.