ЯҢАЛЫКЛАР

Акция максаты балаларны, өлкәннәрне әйләнә-тирә мохитне чүпләү проблемасына җәлеп итү. Моның өчен балалар бакчасында тәрбияләнүчеләр һәм хезмәткәрләр белән очрашулар үткәрелде. Барысына да "БУДЕТЧИСТО" буклетлары тапшырылды.

Акция кысаларында иҗади конкурс игълан ителде.

"Яхшы эшләре өчен ата-аналарыбызга рәхмәт белдерәбез. Без Бикмураз күле буена экскурсия оештырдык. Күлнең ярлары чиста. Димәк, кешеләр һәм анда яшәүчеләр күлгә битараф түгел. Без алга таба да табигать турында кайгыртачакбыз"- дип хәбәр итә балалар бакчасы администрациясе.

"Миләшкәй" балалар бакчасында "Кырмыска  һәм юл хәрәкәте кагыйдәләре" юл хәрәкәте кагыйдәләре буенча театральләштерелгән тамаша узды.

Матур декорацияләр, күңелле музыка һәм кызыклы сюжет балаларны битараф калдырмады. Кечкенә тамашачылар юл хәрәкәте кагыйдәләрен белмәгән кырмыска һәм Камка бабай, Светофор- Бал корты, чикерткә, күбәләкләр  маҗараларын зур игътибар белән күзәттеләр, алар белән бергә күңел ачтылар, уйнадылар, юл хәрәкәте кагыйдәләрен һәм юл билгеләрен искә төшерделәр.

Спектакль барысына да ошады, тәрбияләнүчеләр артистларны көчле алкышлар һәм рәхмәт сүзләре белән бүләкләделәр. Шулай ук чарада муниципаль хезмәтнең әйдәп баручы  белгече Санатуллина Эльвина Илдар кызы да булды, ул балаларга сораулар бирде, тиз һәм дөрес җаваплар өчен бүләкләр таратты.

2020 елда Татарстан Республикасы Министрлар Кабинетында ел саен уздырыла торган «Созвездие-Йолдызлык» эстрада сәнгате республика ачык телевизион яшьләр фестивале лауреатларына дәүләт стипендияләрен тапшыру тантанасы булды. Чакырылганнар арасында буалылар да бар иде. Камил Вәлиев һәм аның җитәкчесе - Буа районы мәгариф идарәсе каршындагы сәнгать мәктәбе укытучысы Наилә Таҗетдинова тантаналы чарада катнаштылар. ТР Премьер-министры урынбасары Ләйлә Фазлыева Камилгә  лаеклы бүләген тапшырды.

Барлыгы 40 стипендия тапшырылды. Гомуми фонд 2 млн 150 мең сум тәшкил итте. Стипенддиатлар арасына узган елгы “Йолдызлык” фестиваль хәрәкәтендә катнашучылар - иҗади коллективлар һәм бөтен Татарстаннан аерым башкаручылар керде.

Камилне лаеклы бүләк белән котлыйбыз, уңышлар телибез!

Безнең тиеннәр гаиләсендә артулар бар! Бу хакта Мәдәни үсеш үзәге директоры Мөдәрис Гайфуллин хәбәр итте.

Исегезгә төшерәбез, район башлыгы инициативасы буенча Яшьләр паркында вольер урнаштырылды. Биредә кешеләргә ияләшкән тиеннәр яши, алар иреккә чыгарылачак, паркта яшәргә калачак һәм буалыларны шатландырыр дип ышанабыз. Тиеннәрне ашату һәм ветеринария хезмәте күрсәтүгә бәйле сорауларны Мәдәни үсеш үзәге үз өстенә алды.

Күренгәнчә, җәнлекләр уңышлы гына үсеп киткәннәр һәм гаиләдә артулар да үзен озак көттермәгән.

"Хәзер паркта яшәүчеләр өчен кирәкле шартлар тудыру мөһим. Тиен балалары бик кечкенә һәм зәгыйфь. Кунакларны җәнлекләрне ашатмаска һәм куркытмаска чакырасы килә", - дип ассызыклады Мөдәрис Идрисович.

Тиен балалары нинди җенестә икәнлекләре әле ачык түгел, әмма Мәдәни үсеш үзәгендә сабыйларга исем сайлау бара.

Казанда «2020 ел нәтиҗәләре буенча Татарстан Республикасының иң яхшы территориаль иҗтимагый үзидарәсе» республика конкурсында җиңүчеләрне һәм призерларны бүләкләү тантанасы булды.

Буа шәһәренең «Питомник» ТИҮ рәисе Трофимова Анна Степановна 5 нче урынны алды. Анна Степановнаны котлыйбыз.

Милек салымнарын түләүчеләр дип теләсә кайсы яшьтәге, мөлкәткә милек хокукына ия физик затлар таныла.

Салым түләүчеләр салымны түләү бурычын мөстәкыйль башкарырга тиеш.

Ата-аналар (уллыкка алучылар, опекуннар, попечительләр), салым салына торган мөлкәте булган балигъ булмаган балаларның законлы вәкилләре буларак, салымнар түләү бурычларын үтиләр.

Салымнар буенча бурыч түләү өчен квитанцияне теләсә кайсы салым органында, яисә КФҮнең теләсә кайсы бүлегендә алырга мөмкин.

 «Онлайн» режимында балаларның салым йөкләмәләре турында белешмәләр алу өчен Россия Федерациясе Федераль салым хезмәтенең Татарстан Республикасы буенча 8 нче районара комиссиясе баланы Россия Федераль салым хезмәтенең «Физик затлар өчен шәхси кабинет» электрон сервисына тоташтырырга киңәш итә

Балигъ булмаган затның (ата-анасының, уллыкка алучының, опекунның, попечительнең) законлы вәкиленә керү мөмкинлеге алу өчен теләсә кайсы салым органына яисә КФҮнең аның вәкаләтләрен раслаучы документлар белән һәм бала туу турында таныклык белән теләсә кайсы бүлегенә мөрәҗәгать итәргә кирәк.

Мөлкәт салымнарын киләсе ысуллар белән түләргә мөмкин:

- "Физик затлар салымы" мобиль кушымтасы аша,

- Физик затлар өчен салым түләүченең шәхси кабинетында, Россия ФНС сайтында nalog.gov.ru;

- "Физик затларның милек салымнарын түләү һәм НДФЛ" сервисы ярдәмендә Россия Федераль салым хезмәте сайтында;

- түләү терминаллары, банклар һәм почта бүлекләре аша.

Быел креатив икътисад белем бирү программасының төп темасы булачак: ул төбәкләр үсешенә ничек йогынты ясый һәм сәнгатьтә яңа юнәлешләр барлыкка килүгә ярдәм итә, һәм яшь иҗатчыларга монда нинди роль бирелә.

Яңа сезонда июньнән октябрьгә кадәр узачак ун чара планлаштырылган. Һәрберсе кимендә өч антимәктәпне  (бу- традицион методикалар һәм фәннең алдынгы ачышлары тоташкан урында кешенең сәләтен үстерү үзәге) берләштерәчәк. Беренче булып "Таврида" заманча сәнгатькә, сайнс-арткаа, арт-менеджментка һәм кураторлыкка, классик музыкага һәм балетка, академик сәнгатькә һәм цифрлаштыруга багышланган чаралар булачак. Кардиналь төрле юнәлешләрдән иҗатчылар коммуницировать итә һәм уникаль уртак проектлар булдыра алачак. Антимәктәпләрдә эш практикага юнәлтелгән: катнашучылар даими рәвештә арт-базар лидерлары белән хезмәттәшлек итә, һәм алар бергә әзер иҗади продукт тудыра. Барлыгы 18 яшьтән 35 яшькә кадәрге 6 меңнән артык мәдәният һәм сәнгать эшлеклесе шундый  үзәкләргә барачак.

РФ Хөкүмәтенең 2021 елның 13 мартындагы 362 номерлы "2021 елда эшсез гражданнарны эшкә урнаштырганда юридик затларга һәм шәхси эшмәкәрләргә дәүләт ярдәме турында" карары нигезендә, эш бирүчеләр мәшгульлек үзәкләрендә 2021 елның 1 гыйнварына кадәр теркәлгән гражданнарны эшкә урнаштырганда дәүләт ярдәмен ала алачак.

Әгәр дә ул мәшгульлек үзәгендә 2021 елның 1 гыйнварына теркәлгән эшләмәүче гражданны штатка алса, субсидияне теләсә нинди эш бирүче ала.

Чыгымнарны компенсацияләү хезмәт өчен түләүнең иминият кертемнәре суммасына арттырылган минималь күләменең өч зурлыгына кадәр күләмдә түләнә, аларны эш бирүче эшкә урнашу датасыннан 1, 3 һәм 6 ай узгач алачак, халыкны эш белән тәэмин итү үзәгендә эшсезләр буларак 2021 елның 1 гыйнварына һәм эш бирүчегә эшкә урнаштыру өчен мәшгульлек хезмәте органнары юлламасы датасына исәптә торучы һәр эшкә урнаштырылган гражданга түләнә.

Дәүләт ярдәме чараларын алу эш бирүче тарафыннан әлеге карарда билгеләнгән шартларны үтәгәндә генә мөмкин.

Һәр биш ел саен Росстат кече һәм урта предприятиеләр санын алуны уздыра. Чираттагы халык санын алу 2021 елда үткәрелә. Исәпкә алуда катнашу мәҗбүри!

Нигә үткәрелә?

Росстат бәяләвенчә, кече бизнес — илдәге предприятиеләрнең 75% ы. Дәүләт үзенең ничек яшәвен һәм халык санын алу нәтиҗәләре буенча ярдәм итүнең иң кулай программаларын тәкъдим итү өчен нәрсә җитмәвен белергә тели.

Нәрсә эшләргә кирәк?

2021 елның 1 маена кадәр Дәүләт хезмәтләре порталында Халык санын алу анкетасын тутырырга

Анкета зур түгел, шуңа күрә аны тутыру якынча 10 минут вакытны алачак.

Росстат анкетада хәбәр ителгән мәгълүматның конфиденциальлеген гарантияли

2021 елда Россия Федерациясе Генераль прокуратурасы тарафыннан "Коррупциягә каршы бергә!" Халыкара социаль коррупциягә каршы реклама бәйгесен уздыру оештырылды.

Бәйгедә катнашуга14 яшьтән 35 яшькә кадәр теләүчеләр, теләсә кайсы дәүләт гражданнары (физик затлар яки иҗат коллективлары) чакырыла.

Номинацияләр: «Иң яхшы плакат» һәм «Иң яхшы видеоролик» 

Темасы: «Коррупциягә каршы бергә!».

Бәйге эшләре (плакатлар һәм видеороликлар) www.anticorruption.life бәйгесе сайтында БМОның рәсми телләрендә: инглиз, гарәп, испан, кытай, рус һәм француз телләрендә кабул ителә.

Конкурс эшләрен кабул итү – 01.05.2021 (Мәскәү вакыты белән 10:00 сәгатьтән алып); тәмамлану - 01.10.2021 (Мәскәү вакыты белән 18:00 сәгатьтә).

Конкурсны уздыру шартлары һәм кагыйдәләре, шулай ук 2020 елга конкурс нәтиҗәләре www.anticorruption.life сайтында урнаштырылган.