ЯҢАЛЫКЛАР

Россельхознадзорның Татарстан Республикасы буенча идарәсе һәм Татарстан Республикасы Министрлар Кабинетының Баш ветеринария идарәсе «Чиләбе кошчылык фабрикасы» ҖАҖдә кош гриппы вирусын ачыклау турында хәбәр итә. Диагноз Владимирдагы Бөтенроссия терлекчелек фәнни-тикшеренү институты раслаган, анда пробалар яңадан җибәрелгән. Шул уңайдан Россельхознадзор идарәсенең дәүләт инспекторы Гөлнара Арсланова буалыларны берничә профилактик чара үтәргә чакыра. 

Кайбыч авылында күптән түгел гадәти булмаган концерт узды.

Анда әлеге һәм күрше авыллардан бары парлы җырчылар гына чыгыш ясады.

– Узган ел ахырында Апаста шул исемдәге фестивальдә катнашып, район данын  як-лап, дипломнар алып кайткан идек. Аннан соң аерым концерт бе-лән дә чакырдылар әле. Шул вакытта мондый проектны үзебездә оештыру теләге  туды да, – диләр мәдәният йорты директоры һәм сәнгать җитәкчесе Си-ринә һәм Илгиз Усмановлар. Сәхнә бизә-лешен уйлап, программасын төзеп, концертны язның беренче бәйрәменә әзерлиләр. Бик-Үти авылыннан мәдәният йорты директоры Миһербан Сафиуллина белән дә киңәшләшәләр. Сәхнә бизәлешендә ире Әмир ярдәмгә килә. Сафиуллиннар концертта да чыгыш ясадылар. Анда шулай ук Югары Лашчы мәдәният йорты директоры Айдар Бикмиев хатыны Венера белән катнаштылар. Тагын Аксу авылыннан әниле-кызлы Гөлия һәм Резеда Хәсәновалар, Буадан Фирзинә һәм Рәшит  Мифтаховлар кунак булып килделәр. Бер сулышта узган ике сәгать-лек тамашада  иң күп чыгыш ясаучылар, җырчы-баянчы Усмановлар булды. Ул көнне шулай ук Сиринә белән Илгизнең улы Илназ һәм кызы Ләйсән, гаилә башлыгының бертуганы Ильяс төрле дуэтта иң матур җырларын бүләк иттеләр.  Һәр чыгышны тамашачылар көчле алкышларга күмделәр.

Буа ветеринария лабораториясендә район хуҗалыклары һәм ветеринария берләшмәсе ветеринария белгечләре өчен уку оештырылды.

Гамәли дәресне Э. Бауман исемендәге Казан дәүләт ветеринария медицинасы академиясе белгечләре үткәрде.  Буалы ветеринарлар фән кандидаты Евгений Кирилловтан һәм республика ветеринария лабораториясе начальнигы урынбасары Рөстәм Хашимовтан мөгезле эре терлекләр үләксәләрен ярып, лаборатория тикшерүенә кадәр беренчел диагнозны кую буенча күрсәтмә тәҗрибә алдылар.

Буада 2005 елдан башлап “Торак һәм шәһәр мохите” илкүләм проекты нигезендә барлыгы сигез күпкатлы йорт төзелеп, файдалануга тапшырылды. Әлеге проектка караган биш төрле программа буенча барлыгы  372 гаилә квартиралы булды.

Алар арасында Мөстәкыймовлар белән Хәлиевлар  гаиләләре. Шәһәрнең Совет урамында төзелүче йортларның катлары “үсүен” Хәлиевлар түземсезлек белән күзәткән. Шәһәр мәктәпләренең берсендә укытучы булып эшләүче Гөлнара Хәлиева социаль ипотека программасы буенча торакка чиратка баса. Чит кешегә квартира өчен түләп торганчы, үзебезгә түләрбез, дип фикер йөртә яшь гаилә. Ике бүлмәлене алырга уйлыйлар. Әмма өчлене алалар. 72 квадрат метрлы мәйдан футбол кыры кадәр булып тоела баштан яшьләргә. Түләү графигының соңгы графасында 2 миллион 300 мең сум (квартираның гомуми бәясе) дигән сан башта азрак куркыта.  Әмма яши-яши барысы да җайлана. Гаиләдә беренче булып Раяз туа, аннары Рәзил. Социаль ипотека программасы нигезендә  һәр “егеткә” ипотека суммасыннан 200 мең сум акча  чигерелә бара. Икенче балага бирелгән 400 мең сум “Ана капиталы”н да торакка түләүгә файдаланырга булалар. Түләү саллы гына суммага кими.

- Тагын өч елдан түләп бетерербез, дип өметләнәбез. Аннан инде йорт турында уйлый башласак та була,- дип сөйли Гөлнара Хәлиева.

Гөлнара Мөстәкыймова Совет урамында төзелгән күрше йорттан тораклы була. Ул да укытучы. Шулай ук гаилә беренче балалары тугач та фатирда түләп яши. Уллары Эмиль тугач, ипотеканың 200 мең сумы чигерелә, аннан  “Ана капиталы” буенча  400 мең сум акча күчә.

- Унөч ел буена түли килеп, графикта түләү суммасы соңгы елларда 15 мең сумга кадәр үсә иде. Дәүләт ярдәм иткәч, сумма кимеде. Хәзер күпкә җиңелрәк, - ди ул.

Республика Дәүләт торак фондының Буадагы вәкиллеге баш белгече Дилә Әлламова белдерүенчә, бүгенге көндә “Торак һәм шәһәр мохите” илкүләм проекты буенча программалар нигезендә районда унлап гаилә торакка чират көтә. Киләчәктә шәһәрнең Төзүчеләр тыкрыгында 60 квартиралы йорт төзү планда каралган.

“Ачык ишекләр” көне Бөтенроссия акциясе үтә барлык салым органнарында. Салым түләүгә кагылышлы сораулары  белән буалылар 23-24 мартта һәм 24-25 апрельдә районара салым инспекциясенә мөрәҗәгать итә алалар. Акция  турында тәфсиллерәк nalog.ru сайтында яки 8(800) 222-22-22 телефоны буенча танышырга була.

2020 елның 19-31 мартында, язгы мәктәп каникуллары чорында, Татарстан Республикасы территориясендә дәүләт автоинспекциясе балалар өчен юл-транспорт имгәнүләрен кисәтү буенча «Бала-төп пассажир!» чараларын уздыра. Юл-патруль хезмәте нарядлары автомобильләрдә яшь пассажирларны йөртү белән бәйле юл хәрәкәте кагыйдәләрен бозуларга юл куймауга юнәлдереләчәк. Полиция хезмәткәрләре игътибарыннан юл хәрәкәте кагыйдәләрен бозучы балалар да читтә калмаячак.    

Буа муниципаль районының Зур Фролово авылында "Хәйрия склады" ачылды. ⠀ Складка кием-салым, аяк киеме, мебель һәм көнкүреш техникасы, балалар инвентаре, озак вакытка исәпләнгән туклану продуктлары һәм башка бик күп нәрсәләр керә. Кием-салым һәм аяк киеме чиста  булырга тиеш, ә көнкүреш предметлары - алга таба файдалану өчен яраклы. Барлык мөлкәт социаль якланмаган гражданнар категорияләре (аз керемлеләр, күп балалы гаиләләр), шулай ук авыр тормыш ситуациясенә эләккән гаиләләр (милекне тулысынча югалткан янгын һ.б.) арасында түләүсез тарала. Сезгә кирәкмәгән, әмма башка кешеләргә бик  кирәкле әйберләр, ТР, Буа муниципаль районы, Зур Фролово авылы, Энгельс урамы, 1 йорт адресы буенча кабул ителә.

Телефон: 8 9503 17 60 13

ТАССРның 100 еллыгы һәм Җиңүнең 75 еллыгын бәйрәм итү елында Татарстан Республикасының Архив эше буенча Дәүләт комитеты һәм«Татарстан Республикасы Дәүләт архивы» дәүләт бюджет учреждениесе барлык теләүчеләрне конкурсларда катнашырга чакыра:

1. «Эхо веков в истории семьи – Тарихта без эзлебез» шәҗәрә бәйрәме шәҗәрә традицияләрен саклап калуга, гаилә элемтәләрен ныгытуга юнәлдерелгән. Конкурс 3 этапта уза:

- муниципальный этап - 19.02.2020 - 30.03.2020 ел;

- зона этабы - 06.04.2020 -  11.04.2020 ел;

- республика этабы-  15.04.2020 - 15.05.2020 ел.

 Конкурста теләгән барлык гаиләләр катнаша ала.

"Авангард" агрофирмасының техник паркы ел саен яңартыла. Генераль директор Николай Курчаткин сүзләренә караганда, бүгенге көнгә 112,8 миллион сумлык трактор, комбайн, тагылма инвентарь китерелгән. Шушы көннәрдә 12,8 миллион сумлык техника кайтарылачак. Яңа 4 комбайн, төрле куәттәге 7 трактор, 1 төягечнең ачкычлары тантаналы шартларда тапшырылды. Техниканы агрофирманың  "Коммуна", "Цивильский бекон" филиаллары алды. Тантанада "АК Барс" холдинг компаниясе генераль директоры Иван Егоров, район җитәкчесе Ранис Камартдинов, техника җитештерүче компанияләр вәкилләре катнашты. Алар "Авангард" хезмәтчәннәренә уңышлар теләделәр. Ә уңышлар бик кирәк- алда чәчү кампаниясе.

2020 елның апреленә Буа шәһәре буенча каты көнкүреш калдыкларын чыгару графигы. Каты көнкүреш калдыкларын чыгару вакыты: эш көннәрендә 18.00 сәгатьтән, шимбә көнне 15.00 сәгатьтән башлана.