ЯҢАЛЫКЛАР

Татарстан Республикасы буенча Росреестр Идарәсе тарафыннан җир законнарын бозу буенча «кайнар линия» үткәрелде. Казанда гражданнарның сорауларына дәүләт җир күзәтчелеге, геодезия һәм картография бүлеге башлыгы Илнур Галиев һәм аның урынбасары Илсур Кәримов җавап бирде.  "Кайнар линия" эшләгән вакытта барлыгы 40 тан артык кешегә консультация бирелде. Сезнең игътибарыгызга сорауларның иң актуальләрен һәм аларга җавапларны тәкъдим итәлә.

30 майда ТНВ телеканалында Татарстан Росреестры катнашында татар телендә иртәнге мәгълүмати-танып-белү «Манзара» программасы чыгачак.
Әлеге программа кысаларында Росреестрның Татарстан Республикасы буенча идарәсенең электрон рәвештә күчемсез милекне дәүләт теркәве бүлеге башлыгы Илсөя Казакова гаражлар һәм аларны сатып алу тәртибе турында Федераль закон проекты турында сөйләячәк, элеге законның ни өчен ул кирәк булуы һәм әлеге закон проектын кабул иткәннән соң гражданнарны нинди үзгәрешләр кичерәчәге турында хәбәр итәчәк.

Машина белән сыер саву осталарының район конкурсы шушы көннәрдә "Заря" агрофирмасының Әлши бүлекчәсендә узды. Чарада район башлыгы Марат Җәббаров, районның авыл хуҗалыгы һәм азык-төлек идарәсе башлыгы Ранис Габитов, терлекчеләр, зоотехниклар һәм районның авыл хуҗалыгы оешмалары җитәкчеләре катнашты. 12 иң яхшы белгеч үз осталыкларын күрсәтте: теория һәм санитар әзерлек белүләрен, сыер саву аппаратын һәм аппарат белән эшләү техникасын сайлап алу һәм җыю осталыгын күрсәттеләр.
Район конкурсында "Дружба" оешмасыннан Владимирцева Алинә Алексеевна җиңүче булды, машина белен сыер саву осталары арасында "Заря"дан Емельянова Анна Васильевна 2 урынны алды, "Коммуна" хуҗалыгыннан Рахманова Майрам Нуртдин кызы 3 урында.
Район башлыгы Марат Җәббаров конкурста җиңүчеләрне котлады, аларга грамоталар һәм акчалата премия тапшырды.

Кичә, 28 май көнне, мәдәни үсеш үзәге хезмәткәрләре халыкара күршеләр көненә багышланган «Ә безнең ишегалдында» дип исемләнгән бәйрәм концерты оештырдылар. Шәһәрнең Гагарин урамында урнашкан 28-нче номерлы кунакчыл йортта яшәүчеләр бик җылы каршы алдылар һәм рәхәтләнеп җырлар тыңладылар, күңел ачу уеннарында катнаштылар. Йорт буенча өлкәннәр Анна Степановна һәм Людмила Аркадьевна күршеләр көненә багышланган бәйрәм чарасында җырлар башкардылар.
Бәйрәм барышында ишегалларын төзекләндерүдә катнашкан иң актив кешеләргә бүләкләр тапшырылды. Шулай ук мәдәни үсеш үзәге хезмәткәрләре барысын да Бөтенроссия чик сакчылары көне белән котлады.
Чара йортта яшәүчеләр әзерләгән шашлык һәм чәй эчү белән дәвам итте.

31 майда Буада, район мәдәният йортында Буа муниципаль районының кече һәм урта бизнес вәкилләре район башлыгы М. А. Җәббаров, контроль-күзәтчелек органнары вәкилләре, ведомство җитәкчеләре һәм башкалар белән очрашачак.
Чара барышында Татарстан Республикасы Икътисад министрлыгы тарафыннан гамәлгә ашырыла торган ярдәм чаралары турында (ТР ФПП); республикада КУЭ субъектлары продукциясен алга этәрүдә һәм реализацияләүдә ярдәм итү өчен булдырылган электрон мәгълүмати ресурслар турында (Биржа мәйданчыгы); кече һәм урта бизнес хокукларын яклау турында - пенсия законнарындагы үзгәрешләр турында, кече һәм урта эшкуарлык субъектлары өчен ККТ куллану, азык-төлек сату өлкәсендә товарлар маркировкалау турында; кече һәм урта эшкуарлык субъектларына тәкъдимнәр турында; региональ оператор белән ТК төзү һәм чыгару буенча шартнамәләр төзү турында; рәсми дилер ГАЗ Луидор (ГАЗ автоүзәге) хезмәттәшлеге турында тәкъдимнәр; Россельхозбанктан ташламалы кредит бирү программалары; РОСИНКАС эшчәнлегендәге яңа юнәлешләр турында; районда кече һәм урта эшмәкәрлекнең актуаль мәсьәләләре буенча фикер алышу.
Безнең районның кече һәм урта эшмәкәрлеге вәкилләрен әлеге чарада катнашырга чакырабыз, ул 15:00 сәгатьтә башлана.

Кичә, 28 майда, Степанов урманы аланында Буа муниципаль районы гомуми белем бирү учреждениеләренең 10 нчы сыйныф укучылары өчен хәрби-кыр җыеннары ачылды.

Җыенга районның 18 мәктәбеннән 79 укучы һәм 18 укытучы-оештыручылар килгән иде. 5 көн узачак уку җыеннарында егетләр хәрби хезмәт үтү өчен кирәкле белемнәр һәм күнекмәләр алачак.

“Наркотикларсыз тормыш” ведомствоара наркотикларга каршы акция игълан ителде Буа районында. Ул 27 июньгә кадәр дәвам итәчәк. Максаты – балигъ булмаганнар арасында наркотиклар таралуны кисәтү, аларны җинаять  эшенә җәлеп итүгә юл куймау.

Акция кысаларында яшүсмерләр язмышына битараф булмаган буалыларның, аларның наркотиклар белән бәйле гамәлләре турында, шулай ук шәһәрдә, районда наркопритоннар оешу турында мәгълүматлары булса, 3-12-88 “кайнар” линия телефонына шалтыратулары сорала.

Район эчке эшләр бүлегеннән хәбәр ителгәнчә, һәр хәбәр тәфсилләп тикшереләчәк һәм игътибарсыз калдырылмаячак.

5 июньдә Буа район үзәк хастаханәсендә Донор көне гуманитар акциясе узачак. Донор көне кысаларында буалылар кан тапшыра алачаклар.
Мәгълүматлар өчен, кан тапшыруга 18 яшьтән 60 яшькә кадәрге сәламәт гражданнарга рөхсәт ителә. Үзең белән паспорт алырга кирәк. Донорлар акчалата компенсация алачак. Шуны билгеләп үтәргә кирәк, 40 тапкырдан бушлай кан биргән донорлар, шулай ук 23 статьяда билгеләнгән күләмдә кан компонентлары Россиянең Мактаулы доноры исемен ала. Аларга түбәндәге өстенлекләр каралган: һәр ел саен уңайлы вакытта ял итү, беренче чираттагы шифаханәләргә путевкалар, чиратсыз медицина ярдәме күрсәтү, еллык түләү, 2019 елда ул 13 562 сум тәшкил итә.

Бүген Буа муниципаль районында 2019 елның 4 аенда терлекчелек тармагы эшенә йомгаклар ясадылар. Утырышның пленар өлеше Әлши авылында Буа районы башлыгы Марат Җәббаров рәислегендә узды. Чарада район башкарма комитеты җитәкчесе Ранис Камартдинов, районның авыл хуҗалыгы һәм азык-төлек идарәсе башлыгы Ранис Габитов, хуҗалык җитәкчеләре, терлекчеләр, зоотехниклар катнашты.
 
Авыл хуҗалыгы һәм азык-төлек идарәсе җитәкчесе үз чыгышында сөт һәм ит җитештерү, шулай ук терлекләрнең баш санын саклап калу мәсьәләләренә игътибарны юнәлтте.
Бүгенге көндә район территориясендә 23977 баш мөгезле эре терлек исәпләнә, шул исәптән сыерлар - 6366 баш. Авыл хуҗалыгы оешмалары тарафыннан агымдагы елның 4 аенда 10015 тонна сөт җитештерелгән (узган елга карата 108%). Бозаулар үрчеме 3814 баш тәшкил итә.

Бүген Буада чик сакчылары көнен билгеләп үттеләр. Тантаналы митинг шәһәрнең Үзәк паркында чик буе гаскәрләренең хәрби хезмәткәрләренә куелган һәйкәл янында узды. Сугыш хәрәкәтләре ветераннары ел саен биредә хезмәт елларын искә төшерү, үзләренең сугышчан иптәшләре белән күрешергә һәм һәлак булган хезмәттәшләренең истәлеген искә алырга җыела.