ЯҢАЛЫКЛАР

Буа туган якны өйрәнү музеенда совет гаскәрләренең Сталинград сугышында Җиңүнең 76 еллыгына багышланган 5нче гимназиянең сигезенче сыйныф укучылары өчен «Батырлык дәресе» үткәрелде. 1942 елда Идел буе рокады участогы - Свияжск-Ульяновск тимер юл линиясе төзелешендә катнашкан Фәрхизәдә Гыйззәтулла кызы Хәмидуллина һәм Буа тимер юл станциясең хәрби һәм хезмәт даны бүлмәсен караучы Тамара Владимировна Нигъмәтуллина музейда кунакта булдылар.
Дәрес кысаларында укучыларга "Сталинград. Җиңү хроникасы" һәм Свияжск-Ульяновск тимер юл линиясен төзүгә багышланган видеоролик курсәтелде. Хезмәт ветераны Фәрхиздә Гыйзәтулла кызы балалар белән төзелеш барышында якташларыбызның фидакарь хезмәте турында истәлекләре белән уртаклашты һәм яшьләргә Бөек Ватан сугышы елларында сугыш һәм хезмәт батырлыклары турында истә тотарга һәм хөрмәтләргә теләде.

«Лыжня России-2019» XXXVII Бөтенроссия массакүләм чаңгы ярышлары кысаларында Буа муниципаль районында гомуми белем бирү мәктәпләре укучылары, урта махсус уку йортлары студентлары, югары уку йортлары укытучылары, предприятие һәм оешма хезмәткәрләре, җитәкчеләр һәм ветераннар арасында чаңгы ярышлары узачак. Гадәттәгечә, ярышларны Буа муниципаль районының Яшьләр эшләре, спорт һәм туризм идарәсе оештыра. Ярышлар 9 февральдә 10.00 сәгатьтә башлана.

Хайваннар  дөньясы объектларын рациональ файдалану максатында һәм мохиткә тәэсир итүне бәяләү кысаларында Биологик ресурслар буенча Татарстан Республикасы Дәүләт комитеты Татарстан территориясендә 2019-2020 елларда ау сезонында ау ресурсларын алу күләмен нигезләү материалларын әзерли

5 февральдә Экология, табигатьтән файдалану, агросәнәгать һәм азык-төлек сәясәте комитеты һәм Татарстан Республикасы Дәүләт Советының Авыл хуҗалыгын үстерү буенча дәүләт программасын гамәлгә ашыруны контрольдә тоту комиссиясе утырышы булды. Парламентарийлар 2018 елда «2013-2020 елларга Татарстан Республикасында авыл хуҗалыгын үстерү һәм авыл хуҗалыгы продукциясе, чимал һәм азык-төлек базарларын җайга салу» дәүләт программасын үтәү йомгаклары буенча фикер алыштылар. Комитет әгъзалары шулай ук ТР Дәүләт Советының РФ Хөкүмәте Рәисе Д. А. Медведевка ил территориясендә Наратлык борщевикасы үсүен бетерү буенча дәүләт программасын эшләү зарурлыгы турындагы мәсьәлә буенча мөрәҗәгать проектын хупладылар.

Татарстан Республикасы Хезмәт, халыкны эш белән тәэмин итү һәм социаль яклау министрлыгының Буа муниципаль районындагы «Гармония» халыкка социаль хезмәт күрсәтү комплекслы үзәгендә өйдә социаль хезмәт күрсәтү бүлекчәсенең "Сәламәт булу-яхшы яшәү" дигән социаль проекты тормышка ашырыла. Проект өлкән яшьтәге гражданнарның тормыш сыйфатын яхшыртуга һәм сәламәтлеген ныгытуга юнәлдерелгән.

Лицей-интернат базасында Буа шәһәренең мәктәптән тыш эшләр үзәге белгечләре аэробика буенча сәламәтләндерү бию марафоны үткәрделәр, анда Р. З. Сәгъдиев исемендәге гомуми белем бирү мәктәбе, аерым фәннәрне тирәнтен өйрәнүле 1 нче урта гомуми белем мәктәбе, Буа шәһәренең сәләтле балалар өчен Лицей-интернат  укучылары катнашты.
Марафон нәтиҗәләре буенча иң яхшы унлыкка Таҗетдинов Муса, Шадрин Никита, Төхвәтуллина Ләйсән, Корбанова Мәдинә, Әхмәтшина Диана -Р. З. Сәгъдиев исемендәге гомуми белем бирү мәктәбеннән; Төхвәтуллина Имилия, Ведерников Данил, Кәримуллина Илза, Низамова Регина - аерым фәннәрне тирәнтен өйрәнүле 1 нче урта гомуми белем мәктәбеннән; Ефремова Дарья, Салахова Айзилә, Смирнова Аида - Лицей-интернат  укучылары.
Аларны җиңүләре белән котлыйбыз һәм киләчәктә дә уңышлар телибез.

Кичә, 5 февраль көнне, Р.Сәгъдиев исемендәге урта гомуми белем бирү мәктәбе басасында Буа муниципаль районы башлыгы Марат Җәббаров, Буа муниципаль районы башкарма комитеты җитәкчесе Ранис Камартдинов катнашында  Буа муниципаль районы мәгариф советының чираттагы киңәйтелгән утырышы узды.
Утырыш барышында һөнәри юнәлеш бирү эше турында Буа муниципаль районы мәгариф идарәсе җитәкчесе урынбасары Наталья Македонская сөйләде. «Буа ветеринария техникумы» ДАҺБУ директоры Илдар Гыйниятуллин һәм «Буа медицина училищесы» ДАУ директоры Рамил Гыймадиевның «Эшче һөнәрләр елы: Планнар, программалар, перспективалар» темасына, "Алтынчәч" балалар бакчасы мөдире Лилия Халитованың "ФГОС нигезендә мәктәпкәчә белем бирү учреждениесендә инновацион эшчәнлек" темасына докладлары тыңланды.

2019 елның 8 февралендә 13.00 сәгатьтән 14.00 сәгатькә кадәр «Бердәм РОССИЯ» партиясе Буа җирле бүлекчәсенең Җирле Җәмәгать кабул итү бүлмәсендә Буа шәһәре, Ленин урамы, 52 нче йорт адресы буенча гражданнарны бишенче чакырылыш Татарстан Республикасы Дәүләт Советы депутаты, Татарстан Республикасы Дәүләт Советының Законлылык һәм хокук тәртибе комитеты рәисе Яһудин Шакир Шахмедович кабул итә.
Алдан язылу өчен телефон: 3-44-29

"Сетевая компания" ААҖ электр челтәре хуҗалыгы объектларында ремонт һәм профилактик эшләр башкару сәбәпле, Буа электр челтәрләре 6-8 февральдә 9.00 сәгатьтән 17.00 сәгатькә кадәр Буа шәһәрендә түбәндәге адреслар буенча электр энергиясен бирүне вакытлыча туктату турында хәбәр итә: "Лачын" кибете, "Кодак" кибете,  "Магнит" кибете, даруханә,  "Домо" кибете,  "Пятерочка" кибет, даруханә," Добропек " кафесы, Ак Барс Банк, "Берлога" кибете.

Татарстан Республикасы Хезмәт, халыкны эш белән тәэмин итү һәм социаль яклау министрлыгының Буа муниципаль районындагы "Гармония" халыкка социаль хезмәт күрсәтү үзәге белгечләре "Преодоление" клубы әгъзалары - инвалид балалар өчен «Икмәк – бөтен баш!" исемле Буа икмәк заводы буенча экскурсия уздырдылар. Экскурсия Татарстан Республикасында эшче һөнәрләр елын үткәрү кысаларында оештырылды.

Чара түбәндәге максат белән оештырылган: балаларны икмәк пешерүче һөнәре белән таныштыру, балаларның төшке аш өстәлендә иң мөһим продукт турында белемнәрен баету, аларда икмәк һәм аны булдырган кешеләргә хөрмәт тәрбияләү. Заводның тәҗрибәле пекарьлары балаларга икмәк каян алына һәм аның пешерү серләре турында сөйләделәр.      
            Чара ахырында балаларга татлы күчтәнәчләр өләшенде.