ЯҢАЛЫКЛАР

Июнь аенда булачак ял һәм бәйрәм көннәренә бәйле рәвештә пенсияләр билгеләү һәм түләү графигына үзгәрешләр кертелә. Бу хакта Россия Пенсия фондының Татарстан бүлекчәсе хәбәр итә.

“Россия почтасы” федераль почта идарәсе филиалы – “Татарстан почтасы” почта хезмәте идарәсе 12,13 һәм 14 июньдә бирелергә тиешле пенсияләрне 11 июньдә туләячәк.

Татарстан Республикасы буенча Роспотребнадзор Идарәсе исегезгә төшерә, вакцинация авыруның авыр агымы куркынычын киметү өчен иң нәтиҗәле ысулларның берсе, бигрәк тә бу өлкән яшьтәге кешеләргә кагыла.

1 июньнән ташламалы «Перезагрузка» микрозаймы максималь срокка - Россия Банкының төп ставкасы буенча 24 айга (5%) алырга  була.

 300 меңнән 5 млн сумга кадәр, 6 айга кадәр отсрочка белән

 Заемчылар тарафыннан нигезләнгән теләсә нинди эшкуарлык максатларына (товарларга, чималга, чыгым материалларына, шулай ук төп средстволар сатып алуга) чыгымнар тотыла.

Көн тәртибендәге төп мәсьәләләр: тавыш бирү көннәрендә сайлаучылар өчен уңайлылыкны ничек  тудырырга? Цифрлы трансформация электрон процессларга ничек тәэсир итә һәм 2021 елда сайлауларда нинди яңалыклар кертеләчәк?

Буалылар һәм Сабантуй кунаклары курчаклар һәм фанералардан кул  эшләнмәләре сатып ала алачак.

Мәктәптән тыш эшләр үзәге Сезне 2021 елның 12 июнендә Буа - Аланда узачак күргәзмә-ярминкәгә чакыра. Район халкы һәм кунаклары игътибарына педагоглар куллары белән ясалган авторлык текстиль курчаклары тәкъдим ителәчәк.

Хөрмәтле буалылар һәм районыбыз кунаклары! Исегезгә төшерәбез, халык бәйрәме Сабан туе  Буа шәһәрендә 12 июнь көнне узачак, чара 14.00 сәгатьтә башлана.

Традиция буенча бәйрәм Буа-Алан аланында узачак. Шуңа бәйле рәвештә, Бебель, Вахитов, К.Либкнехт урамнары буенча Р241 автоюлы ягыннан, шулай ук Адав-Толымбай торак пункты юнәлеше буенча юл ябу турында барысына да хәбәр итәбез. Буа-Алан территориясенә сәүдә һәм хезмәт күрсәтүче оешмалар өчен 9.00 сәгатькә кадәр керү һәм 22:00  сәгатьтән дә соңга калмыйча чыгу оештырыла.

Болар барысы да Сезнең  иминлекне тәэмин итү өчен эшләнә. Яңа коронавирус йогышының әле дә безнең белән булуын исәпкә алып, барлык кунакларны һәм чарада катнашучыларны профилактикалау чараларын үтәвегезне сорыйбыз:  җәмәгать урыннарында 1,5 метрдан да ким булмаган социаль дистанцияне үтәргә, саклагыч битлекләрдән файдаланырга, кул гигиенасын үтәргә. Үзегезне һәм якыннарыгызны саклагыз.

Сабантуй-балалар татар халкының гореф-гадәтләре, халык уеннары белән таныша ала торган бәйрәм, шуңа күрә мондый чараны оештыру балаларга патриотик, милли тәрбия бирүдә зур әһәмияткә ия. Балалар җырлар, биюләр, шигырьләр өйрәнделәр, тәрбиячеләр бәйрәмнең тарихы, Сабантуйда үткәрелә торган милли уеннар турында сөйләделәр. Көн җылы һәм кояшлы булды. Уңай һава торышы балалар һәм тәрбиячеләрнең кәефендә чагылды. Тантаналы ачылыштан соң уеннар башланды. Йомырка белән йөгерү, капчык белән сугышу, аркан тартышу, ат чабышлары, шулай ук «Тубәтәй» уены, «Юрта» һәм «Карусель» - барлык ярышларда да балалар зур энтузиазм белән катнаштылар. Бәйрәм чәй өстәле артында тәмле коймак белән тәмамланды. Балалар бик канәгать һәм бәхетле иделәр.

iВолга инклюзив шәһәрчеге-Россия яшьләре җәйге кампаниясенең округ яшьләр форумнарында тигез мөмкинлекләр мәйданы, ул илнең барлык төбәкләреннән инвалид булган яшьләрне Россиянең иң зур яшьләр форумының инклюзив шәһәрендә катнашырга һәм грант конкурсларына үзләренең социаль проектларын тәкъдим итәргә чакыра.

Чара түләүсез.Форумны уздыру урыны: Самара өлкәсе,  Прибрежный бистәсе, Мастрюков күлләрендә фестиваль аланы.

Бердәм салым түләве (ЕНП)

Онлайн режимында физик затларга җиңел һәм тиз генә салымнар түләргә мөмкинлек бирүче электрон янчык аналогы :

- Физик затлар милкенә салым

- Җир салымы

- Транспорт салымы

 - Салым агенты тарафыннан тотылмаган НДФЛ

ЕНП АША САЛЫМ ТҮЛӘҮ ӨЧЕН АКЧА НИЧЕК КЕРТЕРГӘ?

1. Үзенең «Физик зат өчен салым түләүченең шәхси кабинетында»

2. Россия Федераль салым хезмәте сайтында «Салымнар һәм пошлиналар түләү» сервисы аша, кирәкле мәгълүматларны тутырып. Сервиска QR-кодны санатып  күчәргә мөмкин.

ЕНП-салым түләүнең өстәмә ысулы.

Аның функцияләрен куллану түләү йөкләмәләренең берничә төрен тутырганда вакытны һәм хаталарны шактый киметә.

Тулырак мәгълүмат сайтта NALOG.RU

8(800)222-22-22 телефоны буенча

2021 елның 15 июнендә Татарстан Республикасында Кеше хокуклары буенча вәкаләтле вәкил һәм Татарстан Республикасы Хезмәт, мәшгульлек һәм социаль яклау министры гражданнарны бергәләп кабул итә.

Консультацияне Казан ш., Карл Маркс ур., 61 адресы буенча алырга мөмкин булачак. Республика халкының "Skype" яки "Zoom" программалары аша турыдан-туры тоташтыру юлы белән үз сорауларын бирү мөмкинлеге бар. Кабул итүгә алдан язылу 8(843) 236-41-80 телефоны буенча башкарыла.