ЯҢАЛЫКЛАР
Батин Михаил Васильевич - «Татарстан Республикасы Буа шәһәренең 5 нче гимназиясе» МБМУ математика укытучысы, мәгариф өлкәсендәге казанышлары һәм күпьеллык намуслы хезмәте өчен Татарстан Республикасының «Фидакарь хезмәт өчен» медале белән бүләкләнде. Михаил Васильевич - беренче квалификация категориясе укытучысы. Гомуми эш стажы - 43 ел, педагогик стажы - 35 ел. 1995 елда аңа «Татарстан Республикасының Атказанган мәктәбе укытучысы» исеме бирелә, 2008 елда «Россия Федерациясенең гомуми белем алуның мактаулы хезмәткәре» күкрәк билгесе белән бүләкләнә. Әмма һәр укытучының төп казанышы - укучыларның уңышлары. Һәм Михаил Васильевичның укучылары яхшы нәтиҗәләр күрсәтә. Алар математика буенча Бөтенроссия олимпиадасының муниципаль этабы призерлары, БДИ имтиханнарын яхшы балларга тапшыручылар. Бүләкләнүе белән котлыйбыз!
Каты көнкүреш калдыкларын чыгару вакыты: эш көннәрендә 18.00 сәгатьтән, шимбә 15.00 сәгатьтән.
Хәзер үк интертат сайтында "Халык мәхәббәте" номинациясендә "Татар кызы - 2021" өчен тавыш бирү уза. Конкурста катнашучылар арасында Буа районыннан Адилә Хәмидуллина да бар.
Якташыбызны хуплыйк!
Һәрбер тавыш мөһим!
Тавыш бирү 5 март 14:00 сәгатькә кадәр дәвам итәчәк.
Сайтка актив сылтама - https://intertat.tatar/apps/voting/tatar-kyzy-2021
Юл-транспорт һәлакәтләрен кисәтү максатыннан ЮХИДИ идарәсенең Казан шәһәрендәге Буа бүлеге башлыгы С.М. Мурзакова, муниципаль хезмәткәр Санатуллина Э. И, Буа районы Алших урта гомуми белем бирү мәктәбе яшь юл инспекторлары, 1-6 сыйныф укучылары белән берлектә яктылык кайтаручы элементларны куллануны популярлаштыруга юнәлтелгән «Күренеп тор» акциясе үткәрделәр. Акция барышында укучыларга яктылык кайтаручы элементларны куллануның, билгеләнешләренең һәм төрләренең мөһимлеге турында сөйләделәр. Балаларга юлларда, җәяүлеләр аркылы чыгу урыннарында үз-үзеңне дөрес тоту һәм куркынычсыз маршрутның нәрсә икәнлеген искә төшерделәр. Соңыннан акциядә катнашучыларның барысына да яктылык кайтаргыч значоклар тапшырылды.
21-24 февраль көннәрендә Стәрлетамак шәһәрендә каратэ буенча VI EURASIACUP үтте. 1600 катнашучы, 35 регион, 5 ил. Буа шәһәренең төрле стиль каратэ федерациясе, Татарстан Республикасының төрле стиль каратэ федерациясе составына керүче САПСАН көрәш сәнгате Клабы спортчылары әлеге турнирда катнаштылар. Шәхси дисциплинада-ике төр ярышны академик Р.З. Сәгъдиев исемендәге мәктәпнең 4 сыйныф укучысы Смирнова Варвара 2 урынны яулады.
Төп турнирда Буа спортчысы Смирнов Данил Андреевич, академик Р.З. Сәгъдиев исемендәге мәктәпнең 7 сыйныф укучысы Смирнов Данил Андреевич, ката дисциплинасында (13 яшь) алтын медаль яулап, ике төр ярыш дисциплинасында вице - чемпион булды һәм Татарстан җыелма командасы составында Смирнов Данила, Хөсәенов Риназ, 1нче мәктәпнең 4 сыйныф укучысы Смирнова Варвара команда каты дисциплинасында көмеш медаль яулады.
Татарстан җыелма командасы турнирында барлыгы 19 медаль алынды, шуларның 6 сы Буа спортчылары копилкасына керде.
Афәрин! Горурланабыз!
Татарстаннан ике проект Стратегик инициативалар агентлыгының (АСИ) шәһәр компетенцияләре үзәге экспертлары әзерләгән «Шәһәр мохите үсешендә катнашуның уңышлы практикалары атласы» җыентыгына керде. Бу Буаның үзәк мәйданын һәм Минзәләдә Ленин исемендәге паркны төзекләндерү проектлары, дип хәбәр итте АСИ шәһәр компетенцияләре үзәге матбугат хезмәте.
Җыентыкта 38 шәһәрдән барлыгы 50 карар, шул исәптән Австрия, Бразилия, Канада, Мексика һәм Шотландия кейслары, алар халыкны шәһәр киңлекләрен проектлауга ничек җәлеп итәргә һәм шәһәр халкының чын шартларда сораулары белән дөрес эшләргә мөмкин булуын күрсәтә. "Атлас"ның 26 проекты онлайн-инструментлар ярдәмендә гамәлгә ашырылган, 18 - онлайн-инструментарий элементлары белән һәм 6 - алардан файдаланмыйча.
Атласка кергән барлык гражданнар катнашуының төрле рәвешләренә һәм халыкны шәһәр проектларына җәлеп итү методикаларына багышланган карарларны җирле бергәлекләр, активистлар гамәлгә ашыра. Практикаларны сайлаганда, җыентык авторлары берничә төп принципка таянган.
Буа районында яшәүче Сания Абдулла кызы Шәрәфетдинова үзенең 95 яшьлек юбилеен билгеләде. Ул Россия Президенты Владимир Путинның котлау хатын һәм район җитәкчелеге исеменнән бүләкләр алды. Сания Абдулловна Буа районының Иске Суыксу авылында туа. Лаеклы ялга «Татарстан» колхозыннан китә. Юбилей көнендә аны Башкарма комитет җитәкчесе урынбасары Фәнис Мифтахов, авыл җирлеге башлыгы Илдус Әхмәтшин, социаль яклау идарәсе вәкиле һәм, әлбәттә, балалары, туганнары тәбрикләде. Бүген Сания Абдулловна- оныклар тәрбияләүдә актив катнашучы бәхетле әби һәм үзенең зур, тату гаиләсе өчен хөрмәткә, ихтирамга ия кеше.
1нче сәнгать мәктәбендә "Татар кызы 2021" конкурсының район этабы узды, анда 7 конкурсант катнашты. Конкурс йомгаклары буенча җиңүче булып Буа ветеринария техникумы студенты Зилә Заһидуллина танылды! Катнашучыларга традицион татар баш киеме - калфак, шулай ук мактау грамоталары тапшырылды. Зиляны җиңүләре белән котлыйбыз һәм алга таба уңышлар телибез!!
"XXI гасырның сәламәт буыны" ата-аналар конференциясендә 2 нче лицейның "Рост'ок" отряды "Мөстәкыйль балалар" проекты наркотикларга каршы "Елмаю бүләк ит" акциясе үткәрде. Әлеге балалар хәрәкәте активистлары, кызгылт сары тасмалар бәйләп, сәламәт яшәү рәвеше турында сөйләделәр һәм истәлеккә календарьлар бүләк иттеләр.
Татарстан Республикасында юл хәрәкәтендә катнашучыларга автоматик режимда эшләүче Юл хәрәкәте кагыйдәләре бозылу очракларын автоматик рәвештә фотога һәм видеога теркәүнең техник чараларын урнаштыру урыннары турында мәгълүмат җиткерелә.
Юл йөрү кагыйдәләрен бозуның фото һәм видеофиксация комплексларын урнаштыру урыннары турындагы мәгълүмат белән җирле үзидарә органнарының рәсми интернет сайтларында, шулай ук "Идел-Нократ идарәчелеге" федераль хезмәте (http://vv-fad.ru/new_web/) һәм "Главтатдортранс" ДКУ (http://dorogi.tatarstan.ru) сайтларында танышырга мөмкин.
Моннан тыш, фото- һәм видеофиксация буенча стационар комплекслар урнаштыру турындагы белешмәләр Дәүләт автоинспекциясенең рәсми сайтында (http://гибдд.рф) актуальләштерелде.