ЯҢАЛЫКЛАР

Буа шәһәренең мәктәптән тыш эшләр үзәгендә юл хәрәкәте яшь инспекторларының отряд җитәкчеләре киңәшмәсе булып узды. "Буа муниципаль районы мәгариф идарәсе" МКУ һәм Казан шәһәрендәге "Юл хәрәкәте куркынычсызлыгы" ДБУнең  Буа бүлеге тарафыннан үткәрелә торган уртак киңәшмәдә бер ел эчендә башкарылган эшләргә йомгак ясалды. Казан шәһәрендәге "Юл хәрәкәте куркынычсызлыгы" ДБУнең Буа бүлекчәсе башлыгы С.М. Мурзакова "Куркынычсыз тәгәрмәч" конкурсында җиңүчеләрне бүләкләде. Шулай ук иң яхшы юл хәрәкәте инспекторларының һәм иң яхшы юид отряды җитәкчесе конкурсына йомгак ясалды. Конкурста җиңүчеләр һәм призерлар мактау грамоталары һәм кыйммәтле бүләкләр белән бүләкләнде

Социаль мәсьәләләр буенча урынбасары Лилия Садретдинова озатуында алар лицей-интернатта (сәләтле балалар мәктәбе) һәм Буа ветеринария техникумында булдылар, ашханәләрне карадылар, меню белән таныштылар. Гадәттәгечә мәктәп укучылары ашханәләрдә кизү торалар, һәр сыйныфка урыннар  беркетелгән,  алар билгеле бер вакытта  ашарга киләләр, бу башка сыйныфлар белән азрак элемтәдә булырга мөмкинлек бирә. Туклану төрле һәм балансланган. Ветеринария техникумында пешекче студентлар уку белән  практиканы бергә алып баралар. Меню шулай ук күптөрле. Студентларга өстәмә  төрле камыр ризыклары да әзерләнә.

Татарстан Республикасы Авыл хуҗалыгы һәм азык-төлек министрлыгы хәбәр итүенчә, «Казан» агросәнәгать паркында Яңа ел алды ае дәвамында сәүдә мәйданын арендалау нибары 1 сум тәшкил итә, тагын - ветеринария контроле дә бушлай гамәлгә ашырыла.

“Әлеге акцияне без авыл хуҗалыгы җитештерүчеләренә ярдәм йөзеннән икенче ел рәттән үткәрәбез инде. Чара авыл хуҗалыгы җитештерүчеләренә дә, сатып алучыларга да кирәк, ул комплекста республика продукциясе ассортиментын арттыруга һәм Казан халкы өчен яңа фермерлар исемнәрен ачуга юнәлдерелгән. Яңа ел алды көннәрендә азык-төлек базарында товарлар бик күп. Әмма мөстәкыйль җитештерүчеләрнең авыл хуҗалыгы продукциясе һәм алардан эшләнмәләр икътисадый һәм логистика чыгымнары аркасында еш кына киң даирәгә чыгарыла алмый кала. Бу бигрәк тә республиканың ерак районнарына кагыла. Быел декабрьдә без аренда түләвен алмаска булдык һәм республика авыл хуҗалыгы җитештерүчеләренә сату базарын киңәйтү мөмкинлеген бирдек”, - дип аңлатты акциянең асылын «Казан» агросәнәгать паркы” АҖ генераль директоры Олег Власов.

Соңгы вакытта Татарстанның эре шәһәрләре халкында популяр кибетләрдә сатылмый торган табигый фермер продукциясе белән кызыксыну арта бара. Татарстанда «ПромРейтинг» агентлыгы тарафыннан Татарстан Республикасы Авыл хуҗалыгы һәм азык-төлек министрлыгы ярдәме белән уздырылган тикшеренүләр нигезендә, безнең республикада яшәүчеләрнең 33,6%ы өчен азык-төлек җитештерүченең җирле компаниядән булуы мөһим, ә халыкның 25,4%ы өчен бу аеруча мөһим!

Яңа ел бәйрәмнәре алдыннан Татарстан Республикасы буенча Роспотребнадзор Идарәсе тарафыннан 2020 елның 7 декабреннән 21 декабренә кадәрге чорда балалар киеменең, аяк киеменең, уенчыкларның, Яңа ел товарлары, балалар туклануының сыйфаты һәм куркынычсызлыгы, шулай ук әлеге товар категориясенә карата гамәлдәге гигиеник таләпләр буенча гражданнарга тематик консультация оештырылачак.

Халыктан шалтыратулар кабул ителәчәк:

Дәүләт илебездә тормыш сыйфатын яхшырту өчен Икътисадый һәм социаль сәясәт чараларының зур җыелмасын гамәлгә ашыра. Россиялеләр арасында аларның кайсыларына ихтыяҗ аеруча зур? Моны аңлау өчен, хәзерге вакытта Россия Федерациясе Хөкүмәте каршындагы Аналитик үзәк тарафыннан, халык арасында социаль-икътисадый сәясәтнең иң кирәкле юнәлешләрен билгеләү максатыннан, «Милли максатларга ирешү юллары» темасына сораштыру үткәрелә.

Мәсьәләләр «Халыкны саклау, кешеләрнең сәламәтлеге һәм иминлеге», «Талантларга үз-үзләрен күрсәтү һәм үстерү өчен мөмкинлекләр», «Тормыш өчен уңайлы һәм куркынычсыз мохит», «Лаеклы, нәтиҗәле хезмәт һәм уңышлы эшкуарлык» һәм «Цифрлы трансформация» милли максатлар турындагы мәгълүматны үз эченә ала. Анкета аноним булып тора.

Барлык теләүчеләр түбәндәге сылтама буенча катнаша ала: үсешнең милли максатларына ирешү юллары | Россия Федерациясе Хөкүмәте каршындагы Аналитик үзәк . (ac.gov.ru.)

Хөрмәтле салым түләүчеләр!

      Россия Федераль салым хезмәтенең Татарстан Республикасы буенча 8 нче районара Федераль салым хезмәтенең 29.06.2012 ел, № 97-ФЗ Федераль закон нигезендә, 2021 елның 1 гыйнварыннан вакытлы керемгә (ЕНВД) бердәм салым рәвешендә махсус салым режимы гамәлдән чыгарыла, дип искәртә.

ЕНВД гамәлдән чыгару, Россия Федерациясе субъектына һәм эшчәнлек төренә бәйсез рәвештә, барлык салым түләүчеләргә кагылачак. Шул ук вакытта, ЕНВД салым түләүчесе сыйфатында салым исәбеннән төшерү турында гариза бирергә кирәкми, - исәптән төшерү автомат рәвештә башкарылачак.

2020 елга муниципаль программаны гамәлгә ашыру кысаларында хәзерге вакытта Буа муниципаль районында коррупция турында халык фикерен өйрәнү буенча сораштыру уза, ул 2020 елның 20 декабренә кадәр дәвам итәчәк.

Анкета аноним. Анкетада исемегезне күрсәтергә кирәк түгел. Барлык алынган мәгълүматлар гомумиләштерелгән формада гына кулланылачак. Тикшеренү онлайн режимда уза.

Сораштыру формасы Буа муниципаль районы сайтының «Коррупциягә каршы тору» бүлегендә «Җәмәгатьчелек фикерен сораштыру, анкеталаштыру» - «Буа муниципаль районында коррупция торышы турында халык арасында сораштыру» бүлекчәсендә урнаштырылган. (https://buinsk.tatarstan.ru/opros-naseleniya-o-sostoyanii-korruptsii-v-buinsko.htm )

Татарстан Росреестры хәбәр иткәнчә, Дәүләт Думасы «Россия Федерациясенең аерым закон актларына үзгәрешләр кертү турында» 933960-7 номерлы федераль закон проектын Комплекслы кадастр эшләре (ККЭ) заказчылары исемлеген киңәйтү өлешендә өченче укылышта кабул итте.

Хәзерге вакытта җирле үзидарә органнары ККЭ заказчылары булып тора. Эшләрне финанслау җирле бюджетлар һәм региональ һәм федераль бюджетлардан җибәрелә торган субсидияләр хисабына башкарыла. Закон проекты гражданнарга һәм юридик затларга Комплекслы кадастр эшләренә бюджеттан тыш акчалар хисабына заказ бирү мөмкинлеге бирәчәк. Законның төп өстенлекләреннән берсе-шәхси затлар өчен ККЭны башкарганда чыгымнарны шактый киметү мөмкинлеге.

2020 елның 7-16 декабрендә Россия Федерациясендә финанс грамоталылыгы буенча өченче Бөтенроссия онлайн-зачеты (алга таба – финанс зачеты) үткәрелә. Проект һәр гражданга онлайн-режимда үзләренең финанс белемнәре дәрәҗәсен бәяләргә мөмкинлек бирә. Катнашучылар  кертемнәр, кредитлар, иминиятләштерү  турындагы 30 сорауга һәм башка актуаль темаларга җавап  яза.

Тестны берничә тапкыр узарга мөмкин-омтылышларның саны чикләнмәгән. Тестны уңышлы узганда катнашучылар исемле сертификат алачак. Проектта катнашу өчен https://finzachet.ru  сайтта авторизацияләнергә кирәк.