ЯҢАЛЫКЛАР

Бүген оешма-предприятиеләр җитәкчеләре, авыл җирлекләре башлыклары белән эш атнасына йомгак ясалды. Шулай ук район авыл хуҗалыгы һәм азык-төлек идарәсе белгече Фәнил Җамалетдинов КФХларга ярдәм итү буенча республика һәм федераль программалар турында да мәгълүмат бирде. Роспотребнадзорның Татарстан Республикасы буенча идарәсенең Буа, Тәтеш, Апас, Чүпрәле районнарындагы территориаль бүлеге башлыгы Хәсәнов Артур райондагы эпидемиологик хәлнең торышы турында сөйләде һәм җитәкчеләрне хезмәткәрләрнең профилактика чараларын үтәүне шәхсән контрольгә алырга чакырды. Район социаль яклау бүлеге башлыгы Ләйлә Камалова оешма һәм предприятие җитәкчеләренә аз керемле гражданнар белән эшкә урнашуга социаль контракт төзү мөмкинлеге турында сөйләде.

Россия Дәүләтенең күп гасырлык тарихы вакыйгаларга һәм истәлекле даталарга бай. 12 декабрьдә без илебездә иң мөһим дәүләт бәйрәмнәренең берсе-Россия Конституциясе көнен билгеләп үтәбез.

Кичә Буа шәһәрендә район Башлыгы Ранис Камартдинов катнашында төп Яңа ел чибәркәйләрен ачу тантанасы узды. Беренче булып Яшьләр паркындагы чыршыды утлар кабынды. Биредә балалар өчен Мәдәни үсеш үзәге хезмәткәрләре тарафыннан Яңа ел программасы әзерләнгән иде. Аннары Буа шәһәренең Үзәк паркында төп Яңа ел чыршысын ачтылыр. Район башлыгы Ранис Камартдинов билгеләп үткәнчә, 2020 ел,  барлык кыенлыкларга карамастан, район тарихында яхшы эз калдырды. “Узып баручы елга карап, без район һәм шәһәрнең яхшы якка үзгәрүен күрәбез: юллар төзекләндерелде, яңа объектлар төзелде, Мәгариф, мәдәният, сәламәтлек саклау, торак сферасы учреждениеләренә капиталь ремонт ясалды, яңа парк территорияләре  матурландырылды һәм башкалар. Гомумән алганда, бу ел нәтиҗәләре киләчәккә өмет һәм ышаныч тудыра.Бу эшләрнең нигезендә, әлбәттә, сез, хөрмәтле якташлар. Туган ягыгызга мәхәббәт һәм аны уңайлырак һәм матуррак итәргә омтылуыгыз өчен һәрберегезгә рәхмәт", - диде ул һәм барысына да сәламәтлек һәм яңа киләсе елда  уңышлар теләде. Бу тантаналарда районның социаль-икътисади үсешенә лаеклы өлеш керткән буалыларны бүләкләделәр.

Бүген Татарстан Республикасы буенча Росреестр Идарәсе, Кадастр палатасы һәм Автодор вәкилләренең эшлекле киңәшмәсе узды.

Аны үткәрү барышында яклар М-12 Мәскәү – Түбән Новгород – Казан (алга таба – М-12) тиз йөрешле автомобиль юлы төзелеше, шулай ук территорияне планлаштыру буенча документацияне раслауга бәйле рәвештә Күчемсез мөлкәтнең бердәм дәүләт реестрына кертү белән бәйле җир һәм мөлкәт мәсьәләләре буенча фикер алыштылар.

Автодор вәкилләре билгеләп үткәнчә, гыйнвар-февраль айларында Татарстан Росреестрына җир кишәрлекләрен кадастр исәбенә кую һәм хокукларны теркәү өчен документлар килә башлаячак, алар аша М-12 автоюлы узачак. Татарстанда мондый җир кишәрлекләре 1300дән артык. Хәзерге вакытта әзерлек эшләре тәмамланган диярлек, тиз йөрешле автомобиль юлы төзелеше 2021 елның мартында башланырга тиеш. Мәскәү белән Казан арасында Яңа М-12 автоюлын файдалануга тапшыру 2024 ел ахырында планлаштырыла. Татарстан Республикасы буенча М-12нең озынлыгы 142 км тәшкил итәчәк.

2020 елның 11 декабрендә, җомга көнне, Россия Федерациясе Конституциясе көне алдыннан, «Бердәм РОССИЯ» партиясенең Буа җирле бүлекчәсе шәһәрнең үзәк мәйданында триколор тасмаларын  һәм медицина битлекләре  таратуны оештырды.

          Акцияне яшьгвардиячеләр, партиянең җирле бүлекчәсе белгечләре, «Форпост» үзәге активистлары белән берлектә үткәрделәр. Россия әләмен символлаштыручы тасмалар, триколор  тарату  беркемне дә битараф калдырмады. Активистлар тасмалар белән бергә шәхси саклану чараларын – медицина битлекләрен дә өләштеләр, буалыларга аларны җәмәгать урыннарында кию кирәклеге турында искәрттеләр.

«Мондый акцияне без ел саен уздырабыз. Әлеге чараның төп максаты-яшьләрдә патриотизм һәм Россиянең дәүләт символына хөрмәт тәрбияләү», - дип саный яшь гвардиячеләр штабы башлыгы Раилә Сәгъдиева.

Ватан Геройлары көне уңаеннан Буа шәһәрендә якташыбыз, очучы, Советлар Союзы Герое Самочкин Анатолий Васильевич хөрмәтенә исемләнгән  урамда истәлек тактасы урнаштырылды.

Ул 1914 елның 1 маенда Сембер пароходчылыгы бортында туган. Шуңа күрә төрле документларда  аның туган урыны итеп,  бу вакытта пароход узып киткән Буа яки Балык Бистәсе күрсәтелә. Яшь чактан ук ул  күккә тартыла. Эшен ул Балык аэроклубында уку белән бергә алып бара. Аннары ул Осоавиахима аэроклубында планерда һәм У-2 самолетында оча, Ульянда очучылар училищесын тәмамлый

2020 елның 15 декабрендә 10.00 сәгатьтән 12.00 сәгатькә кадәр Татарстан Республикасы Кадастр палатасында Күчемсез милекнең бердәм дәүләт реестрындагы (ЕГРН)  белешмәләрдә техник хаталарны төзәтү мәсьәләләре буенча «кайнар линия» булачак.

Кайнар линия барышында ЕГРН өземтәсеннән техник хата табылса, нишләргә икәнлеген белергә мөмкин булачак. Ведомство экспертлары гражданнарга техник хаталарны төзәтүгә нинди ысуллар белән гариза бирергә мөмкин, ни өчен аларны төзәтергә һәм бу нәрсәгә йогынты ясарга мөмкин, икәнне аңлаталар.

"Кайнар линия" телефоны (843) 514-90-77 (өстәмә.2107). 

Регионның иреклеләр берләшмәсенең төп вакыйгасы - "Игелекле Татарстан" волонтерларының йомгаклау форумы 15-18 декабрьдә узачак. Волонтерларның йомгаклау форумында катнашу өчен гаризалар 12 декабрьгә кадәр кабул ителә.

Чарада ирекле берләшмәләр эшенә йомгак ясалачак һәм республикада волонтерлыкны үстерүнең киләчәк планнары турында фикер алышачаклар.

Форумда ТР муниципаль берәмлекләренең иреклеләр (волонтер) үзәкләре җитәкчеләре һәм активистлары, шулай ук «Игелекле Татарстан» һәм «Игелекле төбәк – Игелек жире» республика конкурслары финалистлары катнашачак. Аларның нәтиҗәләре Петровский бистәсендәге «Регина» кунакханәсендә узачак форумда ясалачак. Финалистлар исемлеге «Татарстан Республикасы иреклеләр үзәге»нең рәсми сайтында 11 декабрьдән дә соңга калмыйча урнаштырылачак.

Йомгаклау форумында катнашу өчен гаризалар 12 декабрьгә кадәр электрон почтага кабул ителә dobro.org@gmail.com "Яңа форум" тамгасы белән, дип хәбәр итә ТР Яшьләр эшләре министрлыгы.

Россия Федераль салым хезмәтенең Татарстан Республикасы буенча 8 нче номерлы районара инспекциясе хәбәр итә:

     2012 елның 29 июнендәге 97-ФЗ номерлы Федераль закон нигезендә 2021 елның 1 гыйнварыннан вакытлыча керемгә (ЕНВД) бердәм салым рәвешендә махсус салым режимы гамәлдән чыгарыла.

      Исегезгә төшерәбез, 2020 елдан ЕНВД куллана ала торган кешеләр исемлеге, әлеге режимны куллану өчен өстәмә шартлар кертелү белән бәйле рәвештә, кимегән. 2020 елның 1 гыйнварыннан башлап, мәҗбүри маркировкаланырга тиешле товарлар, натураль мех эшләнмәләре, аяк киеме товарлары һәм дару препаратлары сатучы оешмалар һәм шәхси эшмәкәрләр 2020 елның 1 гыйнварыннан кулланырга хокуклы түгел.

Коронавирус йогышы эпидемиясе күп кенә кешеләрене изоляциядә булырга мәҗбүр итте. Өлкән кешеләр аерым риск төркемендә торалар. Күпләргә гаиләләре ярдәм итсә дә, мондый хәлдә абсолют ялгыз калучылар да бар. Бу очракта ярдәмгә волонтерлар оешмалары килә. "Ә без үз чиратыбызда волонтерларга ярдәм итәргә тырышабыз. " - дип хәбәр итә «Бердәм РОССИЯ» партиясенең Татарстан төбәк бүлеге Буа җирле бүлекчәсе.  Бүген  алар буалыларга ярдәм күрсәтүче волонтерларга шәхси саклану чараларын тапшырды.