ЯҢАЛЫКЛАР

«Импульс» яңа спорт комплексында Буа муниципаль районы башлыгы призына беренче шахмат турниры узды. Ярышларда балалар бакчаларында тәрбияләнүчеләр һәм район мәктәпләрендә укучылар катнашты. Җиңүче исеме  өчен 70 ләп яшь шахматчы көрәште. Аларны  район башлыгы Ранис Камартдинов сәламләде. "Без шахмат уеннарына  омтылыш барлыгын  күрәбез. Без сезнең мәнфәгатьләрегезне хуплыйбыз һәм мондый уеннарны оештыруда алга таба да ярдәм күрсәтүне дәвам итәчәкбез, шул исәптән белем бирү учрежденияләрендә шахмат зоналары булдыруны да  максат итеп билгеләдек. Бу сезгә талантларыгызны үстерергә һәм яңа уңышларга ирешергә ярдәм итәр, зур этәргеч булыр дип ышанабыз", - диде ул .

Ярышлар йомгаклары буенча: 1 урынны Кильдураз мәктәбе командасы алды, 2 урында - Буа шәһәренең «2 нче лицей» командасы, «М.Вахитов ис. 2 нче гимназия» леләр 3 нче урында.

Шәхси зачетта җиңүчеләр дә билгеләнде. Турнирда җиңүчеләргә кубоклар, медальләр һәм кыйммәтле бүләкләр тапшырылды.  Ярышларда катнашкан  һәркем истәлекле бүләкләр алды.

Шәһәр оешмалары, предприятиеләре һәм учреждениеләре шәһәр территориясен чүп-чардан чистарту буенча экология икеайлыгында актив катнашалар. Шулай итеп, чүп-чар белән көрәшкә "АБВГДЕЙКа" балалар бакчасы, "Мәдәният идарәсе" МКУ каршындагы 1 нче сәнгать мәктәбе,  “Гармония” үзәге хезмәткәрләре чыкты. "ЭкоЯз-2021" акциясендә катнашучылар беркетелгән урамнарда чүп-чарны җыештырдылар

Иң җаваплы һәм кайнар чор якынлаша. Стартта чәчү кампаниясе, терлекчеләрне дә күп эш көтә. Район башлыгы Ранис Камартдинов һәм Авыл хуҗалыгы идарәсе башлыгы Ранис Габитов "Заря" ҖЧҖ һәм "Авангард" ҖЧҖ хуҗалыкларында булдылар. Алар техниканың кыр эшләренә әзерлеге белән таныштылар, сөт фермасын, бозаулату бүлеген карадылар. Шул исәптән агымдагы  мәсьәләләрне, 2021 елга планнар турында фикер алыштылар

Буалыларны язгы өмәгә кушылырга һәм шәһәрне төзекләндерүгә үз өлешләрен кертергә чакырабыз. Ел саен өмәләрдә катнашучы битараф булмаган шәһәрлеләр ярдәме белән зур күләмле эш башкарыла - шәһәр матурлана һәм үзгәрә.Буалыларны 11 апрельдә узачак гомумшәһәр өмәсендә катнашырга чакырабыз. Чакыру предприятие, учреждение, оешмаларның хезмәт коллективлары гына түгел, ә күп фатирлы йортларда һәм шәхси йортларда яшәүчеләр дә – үз шәһәрләрен чын күңелдән яратучыларга да ярдәм итәр дип ышанабыз. Чиста, төзекләндерелгән һәм яшел шәһәрдә яшәү-безнең уртак теләк. Чисталык һәм тәртип саклау-туган шәһәребезгә карата хөрмәт күрсәтү.Буа - безнең уртак йортыбыз, һәм без бергәләп чисталык һәм тәртип өчен җавап бирәбез. Уртак йортыбызны чистарак һәм матуррак итик!

«Демография» милли проектын гамәлгә ашыру кысаларында Буа районының «Гармония» халыкка социаль хезмәт күрсәтү комплекслы үзәгендә «Виртуаль туризм» инновацион технологиясен кертү аша өлкән яшьтәге кешеләрнең ялын оештыру эше дәвам итә.

Шул максаттан чыгып, социаль эшләр буенча белгеч Шәрипова  Инга социаль хезмәтләр алучыга барды һәм республикабыз башкаласының театр дөньясына сәяхәт кылды. Виртуаль экскурсиянең максаты - төбәк һәм дөнья мәдәни мирасын берләштерү, дөньяга карашны киңәйтү, өлкән яшьтәге кешедә тарих, мәдәният һәм әйләнә-тирә дөньяга кызыксыну уяту.

Календар яз җитте, һава температурасы күтәрелә, балалар күп вакытны урамда үткәрәләр. Хөрмәтле әти-әниләр, балаларыгызга су объектларында куркынычсызлык кагыйдәләрен исегезгә төшерегез.

Балага боз өстендәге уенның куркыныч уен булуын аңлатырга кирәк. Кеше авырлыгындагы боз һәрвакытта да куркыныч турында кисәтеп, чатный башлый һәм  шундук җимерелергә мөмкин. Балаларга бозга чыгу куркынычы турында сөйләргә, баланың буш вакытын кайда уздыруы белән кызыксынырга кирәк.

Балаларның үз-үзләрен җиңел тотышы, үз-үзләрен куркынычсыз тоту кагыйдәләрен белмәве һәм санга сукмавы - фаҗигале нәтиҗәләрнең беренче сәбәбе.

Өлкәннәр, битараф булмагыз, балаларның бозга чыгу омтылышларын туктатыгыз, бу фаҗига белән тәмамланырга мөмкин!

Балалар арасында юл-транспорт имгәнүләрен кисәтү максатыннан Буа шәһәренең «Ак каен» балалар бакчасының мәктәпкә әзерлек төркемендә тәрбияләнүчеләр, муниципаль хезмәтнең әйдәп баручы белгече Санатуллина Э.И., Бердәм Россиянең Яшь Гвардиясе  җирле бүлеге җитәкчесе Меннибаева А. Р. белән берлектә, балалар хәрәкәте маршрутлары буенча белем бирү оешмасына җәяүле экскурсия үткәрелде. Чараның максаты-балаларны урамнар киселеше, юлның бу участокларында үз-үзеңне тоту кагыйдәләре турында күзаллау, юл йөрү кагыйдәләрен ныгыту. Чара барышында балалар юл билгеләрен, светофор сигналларын, тротуарларда һәм җәяүлеләр аркылы чыгу урыннарында җәяүлеләрнең үз-үзләрен тотышы кагыйдәләрен кабатладылар, урам-юл челтәре объектларына игътибар иттеләр, җайга салынмый торган һәм җайга салынулы җәяүлеләр кичү юлларын аерырга өйрәнделәр. Чара ахырында балаларга браслетлар һәм «Бала чакның игелекле юлы " газеталары тапшырылды.

"Халыклар төрле - Республика бер!" республика конкурсында Таҗетдинов Самат җиңүче булды. Тәрбиячеләре Л.А. Мөхәммәтҗанова, Г.З. Шәмсетдинова җитәкчелегендә "Халыклар төрле - Республика бер!" (Чаллы шәһәре) "Кулинар этюдлар" милли кухнясыннан иң яхшы ашамлык!" номинациясендә. Шулай ук тәрбиячеләре Л.А. Мөхәммәтҗанова һәм Шәмсетдинова Г.З. I дәрәҗә "Мин - мастер!" номинациясендә җиңүче булдылар.

Лаеклы бүләк белән котлыйбыз!

«Безнең ишегалды» республика программасын тормышка ашыру нәтиҗәсендә Буада күп фатирлы йортлар территорияләре яңара, яңа төзекләндерелгән ишегаллары барлыкка килә. Узган ел программа кысаларында Буада 29 күп фатирлы йортны берләштерүче 10 ишегалды төзекләндерелде. Агымдагы елда да эш дәвам итәчәк. 2021 елны төзекләндерү программасы кысаларында барлыгы 10 ишегалды туры килә, бу-23 күпфатирлы йорт территориясе. Программаны тормышка ашыруда юлларны, тротуарларны, тышкы яктыртуны ремонтлау, эскәмияләр һәм чүп савытларын урнаштыру, каты коммуналь калдыклар өчен  мәйданчыклар урнаштыру һәм ком катламында балалар җиһазларын урнаштыру планлаштырылган. Ишегалларын төзекләндерү проектлары һәр этапта халык белән килешү уза. Хәзерге вакытта очрашулар графигы төзелгән, аның буенча проект комиссиясе эшли. Шәһәрдә Жорес урамындагы 108, 110, 112, 114, Р.Люксембург урамындагы 167 йорт, Яшьләр урамындагы 1 һәм 1А йортлары һәм Арефьев урамындагы 16 йортларда яшәүчеләр белән очрашулар узды инде. Бүген проектантлар Арефьев урамы буенча 2, 2А, Яшел урамы буенча 54 йорт, Совет урамы буенча 13 йортта яшәүчеләр белән очрашачак. Йорт яны территорияләренең күпчелеге проблемалары охшаш, ләкин һәр очракта индивидуаль хәл итү зарур. Иң күп сораулар парковкалар һәм балалар мәйданчыклары буенча. Шәһәр халкын тротуарлар, керү юллары планы белән таныштыралар. Аерым алганда, тротуарлар махсус техника йөрүне таләп итә торган гадәттән тыш хәлләрне исәпкә алып киңәйтеләчәк

Буа районы "Гармония" халыкны социаль тәэмин итү комплекслы үзәгенең өйдә социаль хезмәт күрсәтү бүлекчәсе белгечләре "Карау һәм тернәкләндерү мәктәбе"программасы буенча чираттагы шәхси дәрес үткәргәннәр. Дәрес реабилитацияләүнең техник чараларына багышланды. Дәрестә катнашучылар: өйдә социаль хезмәтләр алучы 1 төркем инвалид һәм кызы. Кул чуклары моторикасы зәгыйфь, тезләр һәм бот буыннары белән проблемалар бар, ул мөстәкыйль рәвештә иелә алмый. Озак вакытлы карау системасын гамәлгә ашыру өчен җаваплы белгечләр кирәкле тернәкләндерү чараларын сайлап алдылар һәм алардан ничек файдаланырга кирәклеген күрсәттеләр. Төймәләрне, замокларны эләктерү өчен  һәм оекбашларны алу өчен җайланмалар өлкән яшьтәге кешегә киенгән һәм чишенгән вакытта мөстәкыйль рәвештәбу эшләрне эшләргә ярдәм итә.

Белгечләр билгеләп үткәнчә, реабилитация чаралары өлкән яшьтәге кешеләрнең һәм инвалидларның тормыш сыйфатын яхшырта һәм авыруларны карауны җиңеләйтә.