ЯҢАЛЫКЛАР

Ранис Камартдинов һәм Ринат Гайзатуллин Буа районында башланган урып-җыю эшләренең барышы белән таныштылар. Алар «Авангард» кырларының берсендә булдылар.

Авыл хуҗалыгы предприятиеләре комбайннары  «Ригат» сортлы борчак суктыралар.Тәбәнәк булуына карамастан, ул югары уңыш белән аерылып тора.

Ранис Рафисович белән Ринат Рәүф улы кыр хезмәтчәннәре белән аралаштылар. Аларның эш шартлары белән кызыксындылар, теләкләрен, уй-фикерләрен тыңладылар.

«Эш бара, барысы да яхшы. Техника көйләнгән, уңайлы. Урамда эссе һәм тузан, ә безнең кабиналарда салкынча һәм чиста - кондиционерлар эшли» , - дип сөйли комбайнчылар. Заманча техника икмәк игүченең хезмәтен җиңеләйтә.

Кыр хезмәтчәннәренә урып-җыю кампаниясен уңышлы үткәрергә, аз югалтулар һәм билгеләнгән срокларда уңыш җыеп алырга кирәклеген искәрттеләр.

Район башлыгы Ранис Камартдинов һәм Дәүләт Советы депутаты Ринат Гайзатуллин Буа муниципаль районының "Бор" һәм "Чайка" балалар сәламәтләндерү лагерьларында булдылар, анда балаларны кайнар тукландыруны оештыру һәм башка ял шартлары белән таныштылар.

Хәзерге вакытта әлеге лагерьларда 190 яшь буалы ял итә.

«Татарстан Республикасының гидрометеорология һәм әйләнә-тирә мохитне мониторинглау идарәсе» ФДБУ исеменнән Татарстан Республикасы территориясендә метеорология күренешләре комплексы турында штормлы кисәтү килде.

Татарстан Республикасының биоресурслар буенча дәүләт комитеты хәбәр итә, 15 июльдән КФҮ филиалларының барысы да, аучылык җир-суларында, ау этләре һәм ау кошлары белән, аучылык байлыкларын табуга рөхсәтнамә алу өчен, гаризалар кабул итә башлый.

Рөхсәтнамә бирү 2021 елның 20 августында башкарыла.

Рөхсәт алу өчен, республика территориясендәге КФҮ филиалына, аучылык районына карамастан (КФҮгә керү мәҗбүри медицина битлекләрендә) мөрәҗәгать итәргә мөмкин.

Ел саен 8 июльдә Россиянең мөһим бәйрәме — Гаилә, мәхәббәт һәм тугрылык көне билгеләп үтелә. Бу гашыйклар һәм сөючеләр, тормыштан бергә баручылар бәйрәме!

Бүгенге көн-ул бөтен гаилә белән бергә җыелып, үзләренең туганнарын һәм якыннарына аерым кайгыртуны күрсәтү өчен менә дигән форсат. Буа районы «Гармония» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгечләре социаль хезмәт алучылар гаиләләренә табигатьтә гаилә утырулары оештырырга тәкъдим иттеләр. Чара барышында белгечләр балаларга бәйрәмнең тарихы, аның әһәмияте турында сөйләделәр, гаиләләргә бүләкләр тапшырдылар. Социаль хезмәт алучылар, үз чиратында, үз гаилә традицияләре белән уртаклаштылар. Тәмле чәй эчкәннән соң балалар һәм өлкәннәр ромашкалардан тәкыялар  үрделәр һәм хәрәкәтле уеннар уйнадылар.

Гаилә, мәхәббәт, наз һәм тугрылык кебек гомумкешелек кыйммәтләре безнең тормышыбызда бик мөһим. Гаилә кешегә мәхәббәт, ярдәм, тотрыклылык һәм шатлык бирә,һәм бәхетле балаларны тәрбияләү өчен бик кирәк.

Татарстан Республикасы Буа муниципаль районы башкарма комитеты районда гамәлдә булган торак программалары турында хәбәр итә.

Тулырак мәгълүмат алу өчен, Буа муниципаль районы Башкарма комитетының торак сәясәте бүлегенә түбәндәге адрес буенча мөрәҗәгать итә аласыз:

Буа ш., Жорес ур., 110а йорт, 19 каб.

Тел: (84374) 3-48-82

8 яшьтән 16 яшькәчә һәм йөклелекнең иртә срогында исәпкә баскан хатын-кызларга бирелә торган яңа төр түләүләрне билгеләргә 11 меңгә якын гариза кабул ителде. Бу хакта  Россия Пенсия фондының Татарстан Республикасы бүлекчәсе хәбәр итә.

Исегезгә төшерәбез, әлеге төр түләүләр ялгызы бала үстерүче әти-әниләргә, яисә суд алимент түләргә дигән карар чыгарса да, алимент ала алмаучы яки алимент алганнан соң да  мохтаҗ булып калган гаиләләргә һәм йөклелекнең иртә срогында медицина учреждениесендә исәпкә баскан аз керемле булачак  әниләргә бирелә.

Быел бәйрәмгә инде 50 ел тату гомер кичерүче Марс һәм Илүзә Фәтхуллиннар гаиләсе, Геннадий һәм Людмила Николаевлар чакырылган иде. Аларны Буа районы башлыгы Ранис Камартдинов сәламләде

Буа районы «Гармония» халыкка социаль хезмәт күрсәтү комплекслы үзәге «ФОРПОСТ» җәмәгать тәртибен саклау буенча яшьләр берләшмәләре үзәге белән берлектә ялгыз яшәүче өлкән яшьтәге гражданнарга һәм инвалидларга волонтерлык ярдәме күрсәтү буенча эш алып бара. Волонтерлар тарафыннан уку елы дәвамында да, җәйге чорда да ярдәм күрсәтелә. Шушы көннәрдә балалар өйдә социаль хезмәт  алучы  ялгыз яшәүче, 1 нче төркем инвалид  Л.Г.Васильевага адреслы ярдәм күрсәттеләр. Бу юлы йорт яны участогын ботаклардан чистарттылар, түтәлләрне утадылар, йорт янындагы территорияне тәртипкә китерделәр, шулай ук кура җиләге җыярга булыштылар.

Бүген Буа районында "Ува-Молоко" ҖЧҖ генераль директоры Александр Емшанов булып китте. Аны район башлыгы Рәнисә Камартдинова каршы алды. Җитәкчеләр алга таба нәтиҗәле хезмәттәшлек итү өчен берничә мәсьәлә турында фикер алыштылар.