ЯҢАЛЫКЛАР
Бүген, 14 октябрьдә чәкчәк көне билгеләп үтелә, бу уңайдан татар халкының милли тәм-томы, татар кунакчыллыгы символы турындаТатарстан Республикасы Авыл хуҗалыгы һәм азык-төлек министрлыгы сөйләргә булды.
Элек бу ашамлык бары тик бәйрәм өчен генә әзерләнгән, аны туйга бүләк итү йоласы булган. Хәзер исә чәк-чәк көндәлеккә әверелде диярлек, аны теләсә кайсы супермаркетта сатып алырга мөмкин.
Шулай итеп, чәкчәк җитештерү күләме буенча рейтингта беренче урынны Казанның 3 нче икмәк заводы алып тора. Бу ризык 2019 елда биредә 1003 тонна җитештерелгән. Иң борынгы җитештерүчеләрнең берсе булган, Казан шәһәрендәге икмәк-күмәч һәм кондитер әйберләрен җитештерүчесендә бу тәм-томның 44 төре сатып алучыга тәкъдим ителә. Мәсәлән, бер тартмада чәк-чәкнең 8 төре: классик, мәк, кунжут, кокос, әстерхан чикләвекле, күрәгә белән һәм матур дизайнда эшләнгән төргәктә, шоколадлы «Любимый город» чәк-чәге дә.
2020 елда Татарстан Республикасында Кеше хокуклары буенча вәкаләтле вәкил дәүләт органнары җитәкчеләре белән гражданнарны бердәм кабул итү практикасы дәвам итә.
2020 елның 20 октябрендә 14.00 сәгатьтән 16.00 сәгатькә кадәр Татарстан Республикасында Кеше хокуклары буенча вәкаләтле вәкил Аппаратында (Казан шәһәре, Карл Маркс ур., 61 нче йорт) Татарстан Республикасында Кеше хокуклары буенча вәкаләтле вәкил һәм Татарстан Республикасы Хезмәт, мәшгульлек һәм социаль яклау министры тарафыннан гражданнарны бергәләп кабул итү оештырыла. Шулай ук республиканың муниципаль районнарында яшәүчеләрнең «Skype» программасына турыдан-туры тоташу юлы белән Татарстан Республикасы Хезмәт, мәшгульлек һәм социаль яклау министрына һәм Татарстан Республикасында Кеше хокуклары буенча вәкаләтле вәкилгә үз сорауларын бирү мөмкинлеге булачак.
Сәрия Сабурская һәм Эльмира Зариповага мөрәҗәгать итәргә теләүчеләргә алдан (843) 236-41-80 телефоны буенча язылырга кирәк.
Татарстан Республикасы Дәүләт Советының «Мәрхәмәт-Милосердие» хатын-кыз депутатлар берләшмәсе Татарстан Республикасында Кеше хокуклары буенча вәкаләтле вәкил һәм Татарстан Республикасы Профсоюзлар федерациясе белән берлектә агымдагы елның 20 октябрендә 10.00 сәгатьтән 15.00 сәгатькә кадәр «Хатын-кызларның хезмәтен саклау: хокуклар һәм гарантияләр» темасына телефон кайнар линиясен оештыра: Казан шәһәре, К.Маркс ур., 31/7 йорт, 8(800) 201-16-00.
Татарстан Республикасы буенча Россия кулланучылар күзәтчелеге идарәсе территориаль бүлегендә (Татарстан) Буа, Чүпрәле, Тәтеш, Апас районнарында түбәндәге адрес буенча: Буа ш., Ефремов ур., 135 «В» йорт, 2020елның 21 октябрендә 14.00 сәгатьтән 16.00 сәгатькә кадәр эшкуарлар өчен Бердәм «ачык ишекләр» көне узачак.
Татарстан Республикасында яңа коронавирус инфекциясе таралуны булдырмау максатларында (Covid-19) “ачык ишекләр” Бердәм көнендә эшмәкәрләрне кабул итү 8(84374)3-52-89, 3-17-04 номерлары буенча алдан язылу буенча гамәлгә ашырылачак.
14 октябрьдә 19:00 сәгатьтә узачак бушлай семинар агросәнәгать комплексын цифрлаштыруга багышлана. Танып-белү семинарында җитештерүне тулысынча роботлаштыру һәм авыл хуҗалыгы тармагының барлык процессларын цифрлаштыру буенча тулы инструкция белән танышу булачак. Вебинар барышында Республика мәгълүмати-исәпләү үзәге АҖенең цифрлаштыру һәм проект идарәсе бүлеге җитәкчесе Дамир Фатыйхов "Евротехнологияләр" ДКнең терлекчелек юнәлеше буенча проектлар җитәкчесе Марат Гатиятуллин белән бергә терлекләрне тукландыруны ничек автоматлаштыру:савымны тотрыкландыру һәм арттыру турында, шулай ук исәпкә алуны ничек алып барырга һәм терлекләр белән ничек эш итәргә кирәклеге турында сөйлиячәкләр. Белем бирү семинарына теркәлү «Агрополия» порталында башкарыла.
Хөрмәтле гражданнар!
Хәзерге вакытта Татарстан Республикасының дәүләт һәм муниципаль хезмәтләре порталында uslugi.tatarstan.ru электрон рәвештә гариза тапшырырга мөмкин:
- беренче бала тууга (уллыкка алынуга) бәйле рәвештә айлык түләүгә;
- торак һәм коммуналь хезмәтләр өчен түләүгә субсидияләргә.
Санитар-эпидемиологик шартларны һәм яңа коронавирус инфекциясе таралу үзенчәлекләрен исәпкә алып, сезгә электрон рәвештә гариза бирергә киңәш итәбез.
Үзегезне һәм якыннарыгызны саклагыз!
Россия Федерациясе Баш дәүләт санитария табибының 2020 елның 18 сентябрендәге "COVID-2019 таралуын булдырмау максатларында изоляция режимын тәэмин итү турында" Россия Федерациясе Баш дәүләт санитария табибының "COVID-2019" 7 номерлы карарына үзгәрешләр кертү хакында" карарының үз көченә керүенә бәйле рәвештә Роспотребнадзор Россия Федерациясенә Россия Федерациясе гражданнары өчен һава транспорты белән килү тәртибен аңлата.
Күрсәтелгән кагыйдәләр Россия Федерациясе территориясенә һава транспорты белән килгән гражданнарга кагыла.
2020 елда Татарстан Республикасында Кеше хокуклары буенча вәкаләтле вәкил, "Үз мәнфәгатьләре вәкиллегенә мохтаҗ булган 18 яшьтән өлкәнрәк инвалид һәм инвалид балаларның ата-аналары Бөтенроссия оешмасы" ҖЧҖ ярдәме белән, инвалид балаларның ата-аналары (законлы вәкилләре) булган гражданнарга түләүсез юридик ярдәм күрсәтүгә һәм аларны хокукый мәгърифәткә юнәлдерелгән социаль проект гамәлгә ашырыла.
2020 елның 16 октябрендә 15.00 сәгатьтән 16.00 сәгатькә кадәр Татарстан Республикасында Кеше хокуклары буенча вәкаләтле вәкил каршындагы Хокукый белемнәр мәктәбендә инвалид балаларның ата-аналары (законлы вәкилләре) өчен видеоэлемтә режимында дәрес уза: «Торак-коммуналь хуҗалыкның актуаль мәсьәләләре: торак законнарындагы үзгәрешләр» семинары.
Хөрмәтле әти-әниләр!
«Балалары булган гаиләләргә айлык түләүләр турында» Федераль закон нигезендә 2018 елдан социаль яклау органнары тарафыннан беренче бала туу (уллыкка алу) белән бәйле рәвештә айлык түләү (алга таба - айлык түләү) бирелә.
Айлык түләүгә 2018 елның 1 гыйнварыннан соң бала тапкан (уллыкка алган) хатын-кызлар хокуклы. Түбәндәге шартларда:
Россия Федерациясе гражданлыгы булу;
Россия Федерациясе территориясендә даими яшәү;
гаиләнең җан башына уртача кереме 20 170 сумнан артмый (2019 елның икенче кварталында Татарстан Республикасында билгеләнгән эшкә яраклы халыкның яшәү минимумының 2 тапкыр күләме).
2020 елда айлык түләү күләме-9 373 сум (2019 елның 2 кварталы өчен Татарстан Республикасында билгеләнгән балалар өчен яшәү минимумы күләме).
Буа муниципаль районының Буа шәһәре башкарма комитеты җитәкчесе вазыйфасын биләүгә конкурс үткәрү буенча конкурс комиссиясе Буа муниципаль районының Буа шәһәре башкарма комитеты вазыйфасын биләүгә конкурс үткәрү турында хәбәр итә.