ЯҢАЛЫКЛАР

Җәяүлеләр такыр, тигез юллар эзләп, хәзер күбрәк тротуарлы урамнардан атлый. Ике ел инде  шәһәрдә яшәүчеләр үзара салым средстволарын ничек файдалануны җирле референдумда үзе хәл итә. 

Бүген иртән Буа шәһәрендә яшәүче Сәйфетдинова Фәридә Сафатдин кызын 90 яшьлек юбилее белән котладылар. Юбиляр адресына җылы сүзләрне Буа шәһәре Башкарма комитеты җитәкчесе Олег Панцырев һәм халыкны социаль яклау вәкилләре җиткерде. Фәридә Сафатдин кызына РФ Президенты Владимир Путинның котлау хаты, чәчәкләр һәм бүләкләр тапшырылды.

"Сетевая компания" ААҖ филиалы Буа электр челтәрләре хуҗалыгы электр ччелтәрләре объектларында ремонт һәм профилактик эшләр башкарылуы турында хәбәр итә, шуңа бәйле рәвештә районның кайбер торак пунктларында электр белән тәэмин итүне вакытлыча өзү планлаштырыла.

16 сентябрьдә үз көченә кергән мөһим яңалыклар арасында кадастр инженерларының Бердәм дәүләт күчемсез милек реестрыннан (ЕГРН) мәгълүмат соратып алу хокукын раслау, шул исәптән күчемсез милек хуҗаларының почта һәм электрон адреслары турындагы мәгълүматларны да.

Хөрмәтле салым түләүчеләр! Игътибар итегез!         
Чит илгә ял итәргә җыенганда салым бурычының булмавын тикшерегез.
Бурычлар турында белергә мөмкин:

- үз салым инспекциясендә;

-  салым түләүченең шәхси кабинетында Россия Федераль салым хезмәтенең рәсми сайтында (nalog.ru);

- дәүләт хезмәтләре порталында (gosuslugi.ru)

- КФҮнең теләсә кайсы бүлегендә.

Бурычларны түләп була:

• акчалата исәп-хисап ясау өчен банк яки почта бүлекчәләрендә салым инспекциясендә бирелгән яки Россия Федераль салым хезмәте сайтында электрон сервислар ярдәмендә формалаштырылган квитанцияләр буенча;

• акчасыз исәп-хисап буенча салым түләүченең шәхси кабинетында, Россия Федераль салым хезмәте сайтында яки дәүләт хезмәтләре порталында электрон сервислар ярдәмендә.

Буа муниципаль районы спортчылары «Авыл яшьләре» ХІ җәйге авыл спорт уеннарының Актаныш районында узган Татарстан АССРның 100 еллыгына багышланган финал ярышларында беренче урынны яуладылар. Безгә спорт инвентаре алу өчен 300 мең сумлык сертификат тапшырылды. Җиңү белән котлыйбыз!  

Ярышларда республиканың 43 районыннан 1500 кеше катнашты. Финал ярышлары «Сәламәтлек»авыл Спартакиадасы программасы кысаларында аркан тарту, мас-рестлинг, «көрәш», җиңел атлетика, волейбол, өстәл теннисы, шашка, шахмат, бадминтон һәм мини-лапта буенча узды. Әлбәттә, сыер савучылар һәм механизаторлар ярышлары чараның иң күркәм үзенчәлеге булды. Икенче һәм өченче урыннарны Зәй һәм Азнакай районнары алды

Ел саен сентябрь аенда Ульяновск шәһәрендә гаилә белән аралашу көненә багышланган Гаилә традицияләре фестивале үткәрелә. Быел фестиваль 13-14 сентябрьдә үтте, чарага Буа районының Иске Мәртле авылында яшәүче Матвеевлар гаиләсе чакырылган иде.

16 сентябрьдә «Кадастр эшчәнлеге турында» һәм «Күчемсез милекне дәүләт теркәвенә алу турында» законнарга кертелгән үзгәрешләр үз көченә керә. Татарстан Росреестры һәм Татарстан Республикасы буенча Кадастр палатасы экспертлары аңлатканча, Федераль закон (17.06.2009 елдагы 150-ФЗ номерлы федераль закон) күчемсез милекнең Бердәм дәүләт реестрында (ЕГРН) күрсәтелгән мәйданга туры килмәгән җир кишәрлекләре чикләрен ачыклау тәртибен билгели. Төзәтмәләр Комплекслы кадастр эшләрен (ККР) үткәрү процедурасын гадиләштерәчәк, аларның заказчылары-муниципаль хакимият.

Россия Федерациясе  Авыл  хуҗалыгы  министрлыгы  4  октябрьдән 13 октябрьгә  кадәр  беренче  мәртбә  Агросәнәгать комплексы  атналыгын  үткәрүне  планлаштыра, ул тармак  профессионаллары, башкала  халкы  һәм кунаклары    өчен    эшлекле,  махсус һәм массакүләм-мәдәни чараларны  үз  эченә  ала.    АПК атналыгын   әзерләү мәсьәләләре  буенча  бүген  Авыл  хуҗалыгы министры    Дмитрий Патрушев  Россия  Федерациясе  Хөкүмәте  Рәисе урынбасары    Алексей  Гордеев  белән фикер алыштылар,  Алексей  Гордеев  чараны   хуплады  һәм анда  катнашуга  әзер булуы  турында  ышандырды.

20 сентябрьдә  Татарстанда  Татарстан  Республикасы Авыл хуҗалыгы  һәм азык-төлек  министрлыгы  булышлыгы  белән  “Яңа  эш  башлаучы  фермер мәктәбе” старт ала.    Ике  көн  эчендә  республиканың  авыл  яшьләре  бизнесны  планлаштыру, нәтмиҗәле  бизнес-план төзү нигезләренә өйрәнәчәкләр һәм авылда  яшьләргә   ярдәм  итү  программалары турында  беләчәкләр.

Моннан  тыш,  уку кысаларында   бизнес-тренинглар,  түгәрәк  өстәлләр һәм  Татарстанда  уңышлы  эшләүче  фермерлар хуҗалыкларына  бару планлаштырыла,   бу  хуҗалыкларда  фермерлар  үз  тәҗрибәләре белән  таныштырачаклар  һәм тыңлаучыларның  сорауларына җаваплар  бирәчәкләр.    Мәктәп кысаларында  шулай  ук   бизнес-проектлар  конкурсы  узачак, җиңүче  үз  продукты бренды  өчен  полиграфия  хезмәтләре  күрсәтелүгә 30 000 сум  күләмендә сертификат алачак.