ЯҢАЛЫКЛАР
Кичә, 22 августта Чистайда 2002-2003 елда туган яшүсмерләр командалары арасында футбол буенча Татарстан Республикасы Беренчелеге җиңүчеләре билгеле булды. Чистай шәһәре Үзәк стадионында узган бер округ турнирында республиканың иң көчле командаларын билгеләделәр.
Бүген, 23 август көнне 18:00 сәгатьтә Буа дәүләт драма театрында Иван Вырыпаевның"Иран конференциясе" спектакленең премьерасы була. Барлык теләүчеләрне әлеге көчле, тирән спектакльне карарга чакырабыз!
2019-2020 уку елында Буа муниципаль районының гомуми белем бирү учреждениеләренә 1 сыйныфка 525 укучы керәчәк. Беренче сыйныф укучыларының барысы да үз мәктәпләрендә портфельләр һәм беренче сыйныф укучылары җыелмалары алачак. Портфельләр "Мәктәпкә җыенырга ярдәм ит"акциясендә катнашучылар акчасына алынды. Беренче сыйныф укучыларының җыелмасы-район бюджеты хисабына. Моннан тыш, һәр беренче сыйныф укучысыларына юл хәрәкәте куркынычсызлыгы программасы буенча яктылыкны чагылдыручы элемент биреләчәк.
"Светофорик " балалар бакчасында тәрбияләнүчеләр өчен "Сәламәтлек көне " саф һавада иртәнге гимнастика белән башланды. Тәрбиячеләр "файдалы һәм зарарлы гадәтләр", «Сәламәт булу нәрсә ул?» , «Кем ул микроблар?» , "Витаминнар-организмны саклаучылар". Кызыклы һәм динамик рәвештә "Без Сәламәтлеккә" Әйе " дип әйтик!" дип исемләнгән спорт – күңел ачу чарасы узды.
Буа муниципаль районында шәһәрнең хезмәт коллективлары белән очрашулар дәвам итә. ААнда ТР Дәүләт Советы депутатлары, район һәм шәһәр җитәкчелеге, торак-коммуналь хуҗалык, мәгариф, сәламәтлек саклау һ.б. вәкилләре катнаша. Шушы көннәрдә «Буа машина төзелеше заводы» ҖЧҖ һәм "Буа шикәре"ҖЧҖ хезмәткәрләре белән шундый очрашу булды.
Район хуҗалыкларында урып-җыю эшләре югары темп белән дәвам итә.
Авыл хуҗалыгы һәм азык-төлек идарәсеннән алынган мәгълүматларга караганда, 22 августка бөртекле һәм бөртекле-кузаклы культуралар 24425 гектарда, ягъни барлык мәйданның 47,3 процентында җыеп алынган. Ындыр табакларына барлыгы 76746 тонна ашлык кайтарылган. Һәр гектардан алынган уртача уңыш күләме 31,4 центнерга тиң.
“Авангард” агрофирмасында үстерелгәннең чиреген генә җыясы калды. “АгроНур”да игеннәр барлык мәйданның 64,8, “Ямбулат” та – 61,2, “Заря”да 57 процентында суктырылган. “Экваторны” “Алан”, “Коммуна”, “Дружба” җәмгыятьләре узган. Фермер хуҗалыкларында бу күрсәкеч 32,8 процентка тиң.
Районда урып-җыюның иң кызган чагы бүген – игеннәрнең алтын диңгезе кечерәйгәннән кечерәя. Сарсаздан фермер Илдус Хәйретдинов хуҗалыгында да бөртеклеләрне суктыру ахырына якынлашып килә. Чәршәмбе, 21 август көненә 220 гектарда арпаны, 370 гектарда игелгән язгы бодайның яртысыннан күбрәген җыеп алганнар иде инде. Илмаз Кәлимуллин, Искәндәр Хәсәнов, Фәнил Краснов, Рамил Мифтахов авыл янындагы 60 гектарлы бодай басуында эшлиләр. Башаклар тулы күренә.
Районда быел җәй мәктәп яшендәге балаларга шөгыль үзәге аша шәһәрнең төрле оешма-предприятиеләрендә, мәктәп яны участокларында, авыл хуҗалыгы өлкәсендә эшкә урнашу мөмкинлеге тудырылды. Район башкарма комитеты боерыгы нигезендә мондый мөмкинлектән 180 яшүсмер файдаланды.
Киләсендә дә кайтырга насыйп булсын, дип таралышкан иде карлылар үткән ел авылга нигез салынуга 350 ел тулу уңаеннан оештырылган тантанадан. Теләкләре чынга ашты – шимбә көнне халык төркем-төркем булып мәдәният йорты каршына килде.
Бәйрәмне авыл аксакалы Солтан Усманов Коръән уку белән ачты. Ул авылдашларга, еракларга китүчеләргә туган нигезләрен онытмауларын, еллар узгач та анда кайтып, тәрәзәләрендә утлар кабызуларын теләде. Җирлек башлыгы Данис Абдрахманов карлыларның бәйрәм-не оештыруда бердәм булуларын ассызыклады. Нинди генә чара оештырсалар да, спонсорлар ярдәмнәренә таянуларын әйтеп, акчалата ярдәм күрсәтү-челәргә рәхмәт хатлары тапшырды.
Узган җомгада “Сәламәтлек марафоны” бөтенроссия акциясе кысаларындагы чаралары буалылар өчен чын мәгънәсендә спорт бәйрәменә әверелде. Үзәк стадионга ефәк юлы узган “КамАЗ-Мастер” экипажы килде, Казан “Уникс-2” баскетбол командасы уенчылары буалылар белән очрашты.
Бәйрәм кысаларында Буага Татарстан Республикасы спорт министры урынбасары Айрат Әхмәров та килгән иде. Ул Буаның соңгы елларда күзгә күренеп үсүен, аның һәр почмагында диярлек спорт объектлары, мәйданчыклар калкып чыгуын уңай яктан бәяләде.