ЯҢАЛЫКЛАР
Ел саен Россия юристлары Ассоциациясе оештыручылар һәм партнерлар белән берлектә Бөтенроссия хокукый (юридик) диктант үткәрә. Диктант 14 яшьтән өлкәнрәк гражданнарга исәпләнгән. Сорауларның төп темасы: Россия Федерациясе Конституциясе, хезмәт, гражданлык, гаилә хокуклары, ватандашлар хокуклары. Тестта юрдиктант.рф. сайтында теләгән һәркем катнаша ала. Ул 40 сораудан тора, җаваплар өчен 60 минут вакыт бирелә. Тест тәмамлангач, һәр катнашучы шәхси нәтиҗә белән диктант узу турында сертификат ала, шулай ук хаталар буенча мәгълүмат материалларына керә ала. Исегезгә төшерәбез, беренче диктант 2017 елда узды һәм 55 меңнән артык катнашучы җәлеп ителде, 2018 елда теркәлгән катнашучылар саны 165 мең кеше тәшкил итте.
Инвалидлар ункөнлеге кысаларында Буа районы «Гармония» халыкны социаль тәэмин итү комплекслы үзәгенең өйгә килеп социаль хезмәтләр алучылар белән «Даруларсыз сәламәтлек» дигән темага әңгәмәләр уздыру оештырылган. Бу эшкә Буа медицина училищесы студентлары-волонтерлары җәлеп ителде.
Буа шәһәр прокуратурасы 20 яшьлек җирле кешегә карата җинаять эше буенча дәүләт гаепләвен хуплады. Суд егетне РФ Җинаять кодексының 112нче статьясының 1нче бүлегендә каралган җинаять кылуда гаепле дип тапкан (сәламәтлеккә белә торып уртача авырлыктагы зыян китерү).
Район башлыгының коррупциягә каршы көрәш мәсьәләләре буенча ярдәмчесе Зөлфия Шәйхәттарова һәм мәгариф идарәсе методисты Рәисә Ярхунова 2022 елның 6 декабрендә " Син законны беләсеңме. Коррупция нәрсә белән куркыныч? " дигән уен программасын М. М. Вахитов исемендәге гимназиядә уздырды.
2022 елның 3 декабреннән Татарстан Республикасы территориясендә тәүлеклек уртача температура нормадан 9 һәм аннан да күбрәк булган аномаль-салкын һава торышы (-16..-26°) саклана . Республикада аномаль-салкын һава торышы 2022 елның 9 декабренә кадәр булачак.
2022 елның 9 декабрендә инвалидлар ункөнлеге кысаларында Татарстан Республикасында Кеше хокуклары буенча вәкаләтле вәкил инвалидлар һәм мөмкинлекләре чикләнгән кешеләр хокукларын үтәү мәсьәләләре буенча «кайнар линия» үткәрә.
Буа районы делегациясе Казанда җыелу пунктында мобилизацияләнгән ир-атлар белән янә очрашты. Сугышчыларга ике квадрокоптер, коткару юрганнары һәм жгут-турникетлар тапшырдылар. Шулай ук медикаментлар партиясен һәм гуманитар ярдәм алу пунктында җыелган әйберләрне китерделәр, дип хәбәр итә район администрациясе. Буа районы башлыгы үз телеграм-каналында хәрби хезмәткәрләрдән рәхмәт сүзләре белән видео урнаштырды.
Буа районында район башлыгы һәм аның урынбасарлары тарафыннан мобилизацияләнгән кешеләр гаиләләрен карау дәвам итә. Чираттагы визит нәтиҗәләре буенча тагын ике гаиләгә индивидуаль ярдәм чаралары күрсәтеләчәк.
Айгөл Афанасьева тормыш иптәше Айратны октябрь азагында Казандагы җыю пунктына озата. Хәзер ул үзе бөтен өй эшләрен алып бара, кызын һәм улын тәрбияли, дип уртаклашты Ранис Камартдинов үз Телеграм-каналында:
2022 елның 8 декабрендә 12.00 сәгатьтән 14.00 сәгатькә кадәр хатын-кыз эшкуарлары өчен бизнес алып бару һәм башка сораулар буенча кайнар линия булачак. Кайнар линия эшендә Татарстан Республикасының профильле ведомстволары вәкилләре, шулай ук хатын - кызлар-Татарстан Республикасы Дәүләт Советы депутатлары катнаша. Татарстан Республикасында яшәүчеләр 8(843)238-10-00 телефоны буенча мөрәҗәгать итә алачаклар.
Буа ветеринария техникумының 403 нче төркеме студенты Айзилә Фәйзрахманова Вконтакте социаль челтәрендә хәбәр итүләренчә, "Икътисад һәм бухгалтер исәбе" компетенциясе буенча 8нче илкүләм Абилимпикс чемпионатында җиңү яулаган.