ЯҢАЛЫКЛАР

Бүген, 8 август-физкультурачылар көне. Шул уңайдан район җитәкчесе Ранис Камартдинов спорт тармагы хезмәткәрләрен, тренерларны, спортчыларны һәм барлык спорт сөючеләрне һөнәри бәйрәмнәре белән котлады.

Район яшьләре «Татарстан — Мөмкинлекләр территориясе» мәгариф маркетында катнаштылар. Оештыручылар республикада яшьләргә ярдәм итү проектлары һәм чаралары турында сөйләделәр һәм грантларга заявкалар рәсмиләштерү буенча киңәшләр бирделәр. «Безнең район — Безнең киләчәк» стратегик сессиясе кысаларында яшь буалылар үз идеяләрен һәм эшләнмәләрен тәкъдим итә алдылар. Яшь активистлар төрле юнәлешләрдә 11 проект тәкъдим иттеләр, аларның һәркайсы, авторлар фикеренчә, район халкының тормыш-көнкүрешен һәм районның тышкы кыяфәтен яхшыртырга сәләтле. "Гаилә һәм мин" проекты оештыручылар тарафыннан билгеләп үтелде.

Шәһәрнең Яшьләр паркында урам киносы фестивале узды. Буалылар, фонарьлар алып, үз фикерләренчә, иң яхшы, кыска метражлы фильм өчен тавыш бирә алдылар. Экраннарда ил кинематографының 10 картинасы күрсәтелде.

Исегезгә төшерәбез, «Яшьләр вакыты» автобусы бөтен Татарстан буйлап сәяхәткә китте. Автобуста 25 көн дәвамында иллеләп кешедән торган команда республиканың 45 районы булачак.

Яшьләр берләшмәләре лидерлары, шулай ук ТР Яшьләр эшләре һәм спорт министрлыгы вәкилләре һәр шәһәрдә «Татарстан – Мөмкинлекләр территориясе» дигән белем бирү маркетын оештыралар. Бүген дә спикерлар Буа яшьләре белән очраштылар. «Яшьләр вакыты» кысаларында узган чара бу минутларда Яшьләр паркында уза, анда яшь буалылар үз бизнесларын башлау өчен уңышлы проектлар һәм Татарстанга кайткан кешеләр турында беләчәкләр. Шулай ук грантлар алу өчен гаризалар алу, үз проектларын тәкъдим итү һәм «Безнең район – киләчәк образы» проектында ТР Яшьләр эшләре, спорт һәм туризм министрлыгыннан һәм район җитәкчелегеннән ярдәм алу мөмкинлеге дә бар.

2020 елның 12 августыннан 13 августына кадәр Татарстан Республикасы Биектау районының Урманче бистәсе территориясендә « Авыл - кешеләр өчен. Яшьләрне  җирле бергәлекне үстерүгә нәтиҗәле җәлеп итү» темасына палаткалы лагерь форматында белем бирү программасы уздырыла. Ул яшьләрнең гражданлык активлыгын арттыруга юнәлдерелгән.

Татарстан Росреестры хокук ияләрен элек исәпкә алынган җир кишәрлекләренең чикләрен төгәлләштерергә һәм кирәк булган очракта, «магистраль инфраструктураны модернизацияләү һәм киңәйтү максатларында аерым мөнәсәбәтләрне җайга салу үзенчәлекләре турында һәм Россия Федерациясенең аерым закон актларына үзгәрешләр кертү хакында» 254-ФЗ номерлы Федераль закон үз көченә кергәнгә бәйле рәвештә, аларга хокукларны теркәргә чакыра.

Закон федераль, региональ яки җирле әһәмияттәге объектлар төзелешенә, инженерлык яки транспорт инфраструктурасына караган җир кишәрлекләренә хокукларны рәсмиләштермичә, мондый кишәрлекләр дәүләт яки муниципаль милектә булган һәм өченче затларның хокуклары белән чикләнмәгән очракта, рөхсәт бирү мөмкинлеген күздә тота.

1.  Картаның номерын һәм Пин-кодын башкалардан яшереп сакларга. Исегездә тотыгыз, бер генә зат та (шул исәптән, банк хезмәткәрләре,карта биргән белгеч) һәм бернинди очракта да мобиль яисә стационар телефон аша Пин-кодны  яки карты чынлыгын аныклаучы кодны (CVV2 яки CVC2) соратып алырга хокуклы түгел.

2.   Беркемгә дә нинди генә шартларда да ( банк вәкиленә дә) Интернет аша үз хисап номерына керү хокукын бирмәгез!

 3.  Картагызны югалткан яисә урлаткан очракта, кичекмәстән банкка шалтыратып картагызны блоклауны сорагыз. Моны никадәр тизрәк эшләсәгез, мошенникларның аннан файдаланырга өлгерә алмаячагы да шулкадәр күбрәк.

4. Һәрвакыт үзең белән (язу кенәгәсендә яки кәрәзле телефонда) банкның контакт телефоннары һәм банк картасы номеры булырга тиеш.

5. SMS-хәбәр   картада үткәрелгән операцияләр турында тизрәк белергә мөмкинлек бирә. Клиент банкка акчаларны санкцияләнмәгән рәвештә исәптән төшерү турында хәбәр иткән саен, аның үз акчаларын кире алу мөмкинлеге дә зуррак.

Баланы дөньяга чыгару, очрыйсы кыенлыкларга өлешчә әзерләү - ул өлкәннәрнең бурычы. Шундый мөһим моментларның берсе-урамнарда һәм юлларда дөрес тәртип урнаштыру. Балалар, беренчедән, теге яки бу шартларда аңлап эшли алмыйлар, икенчедән, урамда, транспортта һәм, өченчедән, кече яшьтәге мәктәп укучыларының үз гамәлләре өчен мөстәкыйльлек һәм җаваплылык үсеш алмаган. Бу проблемаларны хәл итү өчен, «Гармония» халыкка социаль хезмәт күрсәтү комплекслы үзәге Буа муниципаль районындагы гаиләгә һәм балаларга социаль ярдәм күрсәтү бүлекчәсе белгечләре Вольнистан авыл җирлегенең социаль участогында социаль хезмәт алучылар белән «Светофор көненә» багышланган  балалар һәм аларның ата-аналары өчен «Юл хәрәкәте кагыйдәләре» дигән темага дәрес үткәрделәр. Аның максаты - юлда балалар травматизмын профилактикалаудан гыйбарәт.

Агымдагы елның җиде аенда Татарстан Росреестры тарафыннан күчемсез милек объектларына 168 314 арест/тыю теркәлгән. Татарстан Республикасы буенча Росреестр идарәсенең арестларны дәүләт теркәве бүлеге башлыгы Лилия Фәхретдинова аңлатканча, кулга алу яки тыю турындагы язма суд приставлары, суд һәм салым органнарыннан ведомствога кергән документлар нигезендә күчемсез милекнең Бердәм дәүләт реестрына кертелә. Шул ук вакытта арест/тыю барлык күчемсез милек объектларына да, конкрет объектларга да салынырга мөмкин.

Мондый катгый чараны куллануның сәбәпләре төрле булырга мөмкин: суд дәгъвалары, милек бәхәсләре, бу ЮХИДИнең түләнмәгән штрафлары, торак-коммуналь хезмәтләр өчен бурыч, салым һәм алимент түләмәү һ.б. булырга мөмкин. Димәк, арест / тыю - ул милек хуҗасына аның белән эш итәргә яки кулланырга мөмкинлек бирми торган тәэмин итү чаралары: кулга алынган күчемсез милекне сатарга, залогка сатарга, арендага тапшырырга яки арест алынганчы башка гамәлләр кылырга ярамый. Шул рәвешле, кулга алыну, килешүләрне теркәүгә һәм күчемсез милек объектларына хокукларның күчүенә комачаулый.

Буа районы кырларында бөртекле культураларны урып-җыю тулы куәтенә бара. Иртә таңнан төнгә кадәр 150дән артык комбайн урып-җыю кампаниясендә мәшгуль. Алар арасында ярыш киң җәелдерелде.

Әйтергә кирәк, районның барлык игенчеләре дә тиз һәм көйле эшлиләр. Буа районы авыл хуҗалыгы һәм азык-төлек идарәсенең оператив мәгълүматларыннан күренгәнчә, бүгенге көнгә 17895 гектар басу суктырылган, бу 31% тәшкил итә . Узган атна йомгаклары буенча бөртекле һәм кузаклы культуралар суктыру буенча иң яхшы комбайнчылар да билгеләнде. Алар – «Авангард» ҖЧҖнән Дмитрий Сидоров, Илгиз Сөнгатов һәм Николай Николаев, «Дружба» ҖЧҖнән Александр Масленцев, «Заря»ҖЧҖнән Айрат Мөхәммәтшин.

Бүген район җитәкчесе Ранис Камартдинов һәм район авыл хуҗалыгы идарәсе җитәкчесе Ранис Габитов аларга рәхмәт хатлары һәм акчалата премияләр тапшырдылар. Ә юбилей флагы эстафетасында катнашу кыр хезмәтчәннәре өчен бик истәлекле булды. Аларның һәркайсы ТАССРның 100 еллыгы флагын кулына алу, беренчеләрдән булып аны район басуларында җәелдерү һәм истәлеккә фото ясау хокукына лаек булды.