ЯҢАЛЫКЛАР

Бөек Җиңүнең 75 еллыгын бәйрәм итү алдыннан «Безнең кадерле ветеран» акциясе кысаларында Буа муниципаль районындагы «Гармония» халыкка социаль хезмәт күрсәтү үзәге  белгечләре Буа медицина училищесы волонтерлары белән берлектә Бөек Ватан сугышы ветераны Әхмәтҗанов Нурислам Хаттап улы белән очраштылар.

2020  елгы  язгы  кыр  эшләренә  әзерлек  турында  бүген  Татарстан  Республикасы Хөкүмәте Йортында  узган  республика киңәшмәсендә  Татарстан  Республикасы  Премьер  министры  урынбасары – Татарстан Республикасы  авыл  хуҗалыгы  һәм азык-төлек  министры Марат Җәббаров сөйләде.  

Барлык  муниципаль районнар  белән  видеоконференция режимындагы  киңәшмәне Татарстан  Республикасы  Президенты  Рөстәм  Миңнеханов  үткәрде.    Киңәшмәдә шулай  ук  Татарстан  Республикасы  Премьер-министры  Алексей Песошин да  катнашты.

"Батыр" спорт мәктәбендә көрәшне пропагандалауга зур өлеш керткән Хакимов Зөфәр Туктагул улы истәлегенә 2002 нче елда туган һәм аннан кечерәк спортчылар катнашында турнир узды. Ярышларда Буа, Апас, Чүпрәле районнары көрәшчеләре катнашты. Спортчылар унбер авырлык категориясендә чыгыш ясадылар.

Тантананы чараны  район башкарма комитеты җитәкчесе урынбасары Евгений Илюшин ачып җибәрде. Ул көрәшчеләргә уңышлар теләде. Кече Шыгырдан авылыннан Зөфәр Туктагул улының авылдашы   - Әбрар Миннислам улы,  хезмәттәшләре-спорт ветераны Вячеслав Шурбин, Ленар Гайфуллин истәлекләре белән уртаклаштылар.

Татарстан Республикасы Авыл хуҗалыгы һәм азык-төлек министрлыгында Фермерлар Ассоциациясенең XX съезды кысаларында «Гаилә фермерлык династияләре» республика конкурсында җиңүчеләрне бүләкләү булды.

Конкурска гариза биргән 12 крестьян (фермер) хуҗалыгыннан, 5 КФХ Татарстанның 4 муниципаль районыннан 100 мең сум күләмендә премиягә ия булды. Алар арасында Арча, Буа (2 вәкил), Кама Тамагы һәм Чистай районнарыннан фермер династияләре бар.

"Безнең фермерлар аерым хөрмәткә лаек. Һәр кеше авыл хуҗалыгында үз эшен башларга сәләтле түгел. Авылда хезмәт беркайчан да җиңел булмады, әмма һәрвакыт илнең азык-төлек иминлеген тәэмин итте. Шуңа күрә дәүләт тарафыннан ярдәм күрсәтелә. Шунысы куанычлы, фермерларның тулы бер династияләре барлыкка килә. Бүген без аларга лаеклы бүләкләр тапшырабыз",-дип билгеләп үтте ТР Премьер – министры урынбасары-ТР авыл хуҗалыгы һәм азык-төлек министры Марат Җәббаров.

Буа районының Яңа Тинчәле авылыннан Сибгатулловлар гаиләсе 17 ел инде игенчелек белән шөгыльләнә. 2019 елда алар 2059 тонна ашлык, 115 тонна рапс һәм 8068 тонна шикәр чөгендере үстерделәр.

Буа районының Аксу авылыннан Салаватуллиннар гаиләсе яшелчә һәм терлекчелек белән 18 ел шөгыльләнә. 2019 елда алар 913,9 тонна кишер, 427 тонна чөгендер, 25 тонна суган һәм 478 тонна бәрәңге үстергәннәр, шулай ук 11 баш ат асрыйлар.

Исегезгә төшерәбез, 2019 елның 16 декабреннән 2020 елның 17 гыйнварына кадәр узган республика конкурсында фермер булып торучы бер гаилә әгъзалары һәм аларның фермер булган туганнары, 2 буыннан да ким булмаган һәм гамәлдәге крестьян – фермер хуҗалыгы статусына ия булучылар катнаша алдылар.

Кеше күптән сөтнең дәвалау үзлеген белә иде. И. П.Павлов сүзләренә караганда, сөт-ул табигать тарафыннан әзерләнгән искиткеч ризык.

Кешенең туклануында сөтнең мөһим әһәмияте шунда: анда яшәү өчен кирәкле барлык матдәләр - аксым, май, углевод, минераль матдәләр, витаминнар - организм тарафыннан җиңел үзләштерелә. Организмга азык-төлек белән кергән аксым, май һәм углеводлар  ашкайнату согы ярдәмендә канга сеңдерелә торган гади катнашмаларга таркала.

Сөт шактый калорийлы: 100 граммда - 60 килокалорий бар. Шуңа күрә ярты литр сөт организмның энергиягә тәүлеклек ихтыяҗының өчтән бер өлешен канәгатьләндерү өчен җитәрлек. Ә бер литр сөт калория буенча 370 г. сыер итен яки 700 г. тирәсе бәрәңгене алыштыра.

Заманча базарда  сөт продукциясенең фабрика ысулы белән җитештерелгән зур күләме  тәкъдим ителә,  ассортименты даими рәвештә киңәя һәм яңартыла.

Ырыңгы авылында яшәүче Ксения Данилованы 90 яшьлек юбилее белән котларга район башкарма комитеты җитәкчесенең беренче урынбасары Илдус Гыйззәтов, авыл җирлеге башлыгы Роберт Гордеев, халыкны социаль яклау Идарәсе хезмәткәрләре килгән иде. Илдус Гашыйк улы Россия Президенты һәм район башлыгы исеменнән изге теләкләрен җиткерде.

Юбиляр Ксения Данилованы авылдашлары да хөрмәтләде, алар аны җыр-моң белән  котладылар.

Буа районы «Гармония» халыкка социаль хезмәт күрсәтү комплекслы үзәге һәм Ырынгы авылы мәдәният йорты хезмәткәрләре тарафыннан өйгә барып социаль хезмәт алучылар белән очрашу оештырылды. Җирлекара үзәк китапханәдә «Китап сөючеләр»  клубы әгъзалары очрашты. Очрашуда Татарстан тарихы турында сөйләштеләр һәм ТАССРның 100 еллыгына багышланган күргәзмә белән дә таныштылар.

Бүген Буа шәһәренең үзәк китапханәсендә мәдәният хезмәткәрләре профсоюзының Татарстан Республика комитеты рәисе-Альбина Фәрит кызы Сабитова катнашында Буа район иҗтимагый оешмасы – Россия мәдәният хезмәткәрләре һөнәр берлегенең Татар республика оешмасы - Буа шәһәр оешмасының хисап-сайлау конференциясе булып узды. Профсоюз оешмасы рәисе Дилбәр Ситдыйкова  2015-2019 елларда профсоюз комитеты эше турында хисап доклады белән чыгыш ясады. Шулай ук конференциядә башлангыч профсоюз оешмалары рәисләре һәм мәдәният учреждениеләре җитәкчеләре дә бүләкләнде. Социаль партнерлыкны үстерү һәм профсоюз белән хезмәттәшлек өчен Мәдәният хезмәткәрләре Россия профсоюзы рәисенең Рәхмәт хаты белән Буа муниципаль районының  «Мәдәният идарәсе»  МКУ начальнигы Ринат Гыймранов бүләкләнде. Шулай ук мәдәният хезмәткәрләренең Россия профсоюзы рәисе рәхмәте  Буа шәһәр иҗтимагый оешмасы – Россия мәдәният хезмәткәрләре һөнәр берлегенең Татар республика оешмасы рәисе Дилбәр Ситдыйковага да  тапшырылды.

2020 елның 21 гыйнварыннан Роспотребнадзорның сөт продукциясенең сыйфаты һәм куркынычсызлыгы һәм яраклылык вакыты мәсьәләләре буенча «кайнар линия»се эшли башлады.

Роспотребнадзорның Татарстан Республикасы буенча идарәсенең Буа, Чүпрәле, Тәтеш, Апас районнарында территориаль бүлеге белгечләре 2020 елның 21 гыйнварыннан алып 04 февраленә кадәр халыкка сөт продукциясенең сыйфаты һәм куркынычсызлыгы мәсьәләләре һәм яраклылык вакыты буенча консультация бирәләр. Мөрәҗәгатьләр кайнар линия телефоннары һәм кулланучылар өчен консультация пунктларында кабул ителә.

2020 елның 20 гыйнварыннан 3 февраленә кадәр Кулланучылар хокукларын яклау һәм кеше иминлеге өлкәсендә күзәтчелек буенча Федераль хезмәт тарафыннан Бөтенроссия кайнар линиясе ачылды һәм Татарстан Республикасы буенча Роспотребнадзор идарәсенең Буа, Чүпрәле, Тәтеш, Апас районнарында тәмәке тартмый торган никотинсыз продукция сатыла торган сәүдә объекты турында хәбәр итәргә мөмкин булган кайнар линиясе эшен дәвам итә.