ЯҢАЛЫКЛАР

Күптән түгел республика сайтларында Казан федераль университетының IT-лицеенда укучыларга информатика һәм робот техникасы буенча дәресне Ева исемле робот-педагог бирүе хакында яздылар. Ул укучылар белән сөйләшкән, видеокамерасы ярдәмендә аларның тәртибен күзәткән.

Үткән атнада  Буа дәүләт драма театры бинасына республиканың һәм Россиянең кайбер регионнарының театр сәнгате белгечләре, артистлар җыелды.  Биредә “Буа театры Россиянең күпмилләтле театры контекстында: тарих, заман, перспективалар” дигән темага конференция узды.

Район хуҗалыкларында шикәр чөгендерен алу ахырына якынлаша. 25 октябрьгә ул барлык мәйданның 89 процентында җир өстенә чыгарылды.

Бүген иртәнге җидедә дүрт чакырылучы белән микроавтобус район хәрби комиссариаты яныннан Казанга юл алды.

Алар өчен шәһәрнең үзәк стадионында “Хезмәткә һәм оборонага әзер!” (ГТО) Бөтенроссия физкультура-спорт комплексының көзге Фестиваленең муниципаль этабы үткәрелде. Анда район мәктәпләреннән 100дән күбрәк 11 сыйныф укучысы үзләрен йөгерүдә, спорт снарядын ыргытуда сынадылар.

Футбол сезонын ябу кысаларында мини-футбол бәйгесе узды Буада узган шимбәдә. Анда өч команда – шәһәрдән “Олимп”, Ырыңгыдан  – “Авангард” һәм ветехникум командасы катнашты. Беренче урынны “Олимп”, икенчене – ырыңгылылар алды.

Шушы көннәрдә мәдәни үсеш үзә-гендә “Чакырылучылар өчен хокук белеме мәктәбе” дигән чара узды. Аны Татарстан Республикасы Хәрби комиссариаты Татарстан Республикасында кеше хокуклары буенча вәкил белән берлектә  оештырды.

Шушы көннәрдә шәһәрнең аерым фәннәрне тирәнтен өйрәтү буенча 1 номерлы мәктәбенең “Шатлык нуры” командасы “ТНВ” каналы үткәрүче “Тамчы-шоу” интерактив уенында җиңеп кайтты.  Көндәшләре – Кукмара районы укучылары иде.

Хәзер салынган юллар, моннан 20 ел элек төзелгәннәреннән нык аерыла. Составы буенча. Юлчыларның күптән түгел узган һөнәри бәйрәмнәре уңаеннан “асфальт ясау кухнясы” белән якыннан танышып кайттык.

Көз уртасында шәһәр территориясендә  йөк төягән автомашиналар хәрәкәте аеруча тыгыз. Әрҗәсенә өеп салган чөгендерлеләр, аңлашыла, шикәр заводына бара, моннан тыш, шәхси йортларның һәр унынчысы каршында булмаса да, берәр, кайчакта икешәр “КамАЗ” тора. Бу – тормышыбыз муллыгы билгесе, әмма икенче яктан, нәкъ, йөк автомобильләре шәһәрдәге юлларны җимерүгә актив өлеш кертәләр дә. Җитмәсә, аларның капка төбендә басып торуы муниципаль районны төзекләндерү кагыйдәләренә дә каршы килә.