ЯҢАЛЫКЛАР
Юрий Николаевичның әтисе - Николай Андреевич Муравьев исеме-Курени авылы урынында Истәлек билгесенең гранит тактасында язылды. Ул елмаю һәм күз яшьләре белән исемлекне барлый һәм әтисен искә ала.
9 май көнне юкка чыккан Курени һәм Чабры авыллары урынында истәлекле билгеләр ачу тантанасы булды.
2022 елның 11 маенда Буа район Башкарма комитетының утырышлар залында 2021 ел өчен Буа муниципаль районы бюджеты үтәлеше турындагы хисап проекты буенча гавами ( ачык) тыңлаулар булды. Анда район Советы депутатлары, учреждение, оешма һәм предприятие вәкилләре, кызыксынган гражданнар катнашты.
Гавами ( ачык) тыңлауларны Буа муниципаль районы башлыгы урынбасары И. Ф. Еремеев алып барды.
Бөек Ватан сугышында Җиңүнең 77 еллыгы уңаеннан буалылар шулай ук "Үлемсез полк" акциясенә кушылды.
Мәйдан буенча укучылар, район халкы сугыш афәтен күргән туганнарының һәм якыннарының фотопортретлары белән үтте.
1438 көн һәм төн канлы сугыш барды... Атасыз үскән балалар, тол калган хатыннар, ирләре-хатыннары, улларын югалткан аналары... 9 май - җиңү яулаган ветераннарыбызга рәхмәт белдереп, алар алдында баш ия торган көн. Без сугыш чоры балалары алдында да бурычлы.
Вакыт аяусыз, һәм ветераннар сафлары елдан-ел сирәгәя бара. Буа шәһәрендә Җиңү көненә багышланган тантанага бары тик санаулы ветеран гына килә алды. Районда Бөек Җиңүнең 77 еллыгын 12 ветеран-фронтовик каршы ала.
Бөек Ватан сугышы кырларында һәлак булган, госпитальләрдә үлгән һәм тыныч вакытта безнең арадан киткән сугышчылар, сугыш һәм хезмәт фронтларында катнашучылар, сугыш балаларын хөрмәтләү тантанасында бер минут тынлык игълан ителде. Мәңгелек утка чәчәкләр салдылар.
Кадерле ветераннар! Хөрмәтле буалылар! Сезне Бөек Ватан сугышында Җиңүнең 77 еллыгы белән котлыйм!
9 Май - Россия һәм аның һәр гаиләсе өчен изге көн, бу буыннарны берләштерүче бәйрәм. Җиңү көнендә без Ватаныбызны яклаган, тылда авыр хезмәтне башкарган кешеләрнең барысын да искә төшерәбез.
Хөрмәтле татарстанлылар!
Кадерле фронтовиклар һәм тыл хезмәтчәннәре!
Сезне бөтен халык бәйрәме – Җиңү Көне уңаеннан чын йөрәктән тәбрик итәм!
9 майда, Бөек Ватан сугышында Җиңүнең 77 еллыгын бәйрәм итү кысаларында, Буа шәһәрендә «Үлемсез полк» акциясе узачак, ул ел саен бөтен дөнья буйлап миллионлаган кешене берләштерә.
Буа урамнарыннан туганнары һәм якыннарының портретлары белән йөзләгән буалы юл үтәчәк.
Исегезгә төшерәбез, йөрештә катнашырга һәм «Үлемсез полк» сафларында узарга, һәлак булучылар истәлегенә чәчәкләр куярга ата-бабаларының батырлыгын хәтерләүче барлык кешеләрне дә чакырабыз.
Сезонлы җылы башлану белән, гадәттәгечә, шәхси хуҗалыклар янәшәсендәге бакча кишәрлекләрен һәм территорияләрне җыештыру чаралары уздырыла.
Коры үсемлекләрдән һәм чүп-чардан җыештыру - бу яхшы гына түгел, ә халыкның үзләре иминлеге өчен кирәк булган традиция дә, чөнки коры чирәм, камыш яки чүп-чар янгын чыганагы булырга мөмкин.
Җир кишәрлекләре милекчеләре, йорт булуга яисә булмавына карамастан, чүп-чарны даими җыештырырга һәм үләнне чабарга тиеш. Нәкъ менә шул чорда коры-сары һәм чүп-чар яну аркасында янгыннар сизелерлек арта. Җил исеп чыккан бер чаткы, күз ачып йомганчы, коры үләнне яндырырга мөмкин, аннан ут торак һәм хуҗалык корылмаларына күчәргә сәләтле, ә иң начар очракта, янгын бөтен бер урамны томалап китәргә дә мөмкин.
Бөек Ватан сугышы геройларының батырлыгы турындагы хәтер буыннан-буынга тапшырылырга тиеш. Буа районы халкы, яшьләре патриотик бәйгеләрдә һәм акцияләрдә катнашалар.
Буа муниципаль районының мәдәният идарәсе җитәкчесе Ринат Гыймранов җитәкчелегендә ел саен «Җиңү тәрәзәләре» Бөтенроссия патриотик акциясендә мәдәният хезмәткәрләре активлык күрсәтә.
Кичә мәдәният хезмәткәрләре коллективы Бөек Ватан сугышы ветераннары Нури Садри улы Гомәров, Рәүф Ибраһим улы Төхфәтуллин белән очрашты. Шулай ук «Буа өлкәннәр һәм инвалидлар өчен интернат-йортында» булдылар.
«Катюша» һәм сугыш елларының башка композицияләренең яңгыравыклы көйләрен тыңларга ветераннар үзләре генә түгел, ә күршеләре дә чыкты. Якынлашып килүче бәйрәм белән котлау сүзләре, кыюлык һәм ныклык күрсәткән өчен рәхмәт сүзләре һәркайда яңгырады…
Буа районының 14 яшь педагогына тантаналы шартларда яңа ноутбуклар тапшырылды. Чарада муниципаль район башлыгы Ранис Камартдинов һәм Ак Барс банкның Буа офисы җитәкчесе Татьяна Васильева катнашты.