ЯҢАЛЫКЛАР

Бүгеннән районда ай азагына кадәр дәвам итәчәк “Чыршы” оператив-профилактика операциясе башланды.

Аның барышында ылыслы яшь агачларны саклауны тәэмин итү максатында урманчылык белгечләренең һәм район эчке эшләр бүлеге хезмәткәрләренең мобиль патруль төркемнәре рейдлар оештырачак. Буа урманчылыгы инженеры Михаил Егоров хәбәр итүенчә, бер нарат яки чыршы агачын законсыз кискән өчен урман хуҗалыгына салынган 4619 сумлык зыян каплатыла, шул ук вакытта административ хокук бозу турындагы беркетмә буенча гражданнарга 3 меңнән 4 мең сумга кадәр, вазифаи затларга – 20 меңнән 40 мең сумга, юридик затларга 200 меңнән  300 мең сумга кадәр штраф салына.

“Буа урман хуҗалыгы” һәр теләгән кешене Яңа ел чыршылары белән тәэмин итә. Аларны сату “Тургай” һәм “Айдар” сәүдә үзәкләре янында оештырылган.

2019 елның 1 гыйнварыннан  2018 елның 27 ноябрендәге 422-ФЗ номерлы  «Федераль әһәмияттәге Мәскәү шәһәрендә, Мәскәү һәм Калуга өлкәләрендә, шулай ук Татарстан Республикасында (Татарстан) «Һөнәри керемгә салым» махсус салым режимын билгеләү буенча эксперимент үткәрү турында» Федераль закон үз көченә керде.

Һөнәри керемгә салым -  яңа махсус салым режимы, ул 2019 елның 1 гыйнварыннан Россия Федерациясенең 4 субъекты территориясендә, шул исәптән Татарстан Республикасы территориясендә дә кулланыла. Махсус салым режимын кертү буенча эксперимент 10 ел дәвам итәчәк.

Әлеге закон нигезендә 2019 елның 1 гыйнварыннан физик затларның, шул исәптән шәхси эшмәкәрләрнең, түбәндәге нигезләмәләрне үтәү шарты белән, «һөнәри керемгә салым» (алга таба – НПД) яңа махсус салым режимын ирекле рәвештә кулланырга хокуклы булуы ачыкланды:

Мәктәптән тыш эшләр үзәгенең "Мозаика" бию коллективы (җитәкчесе Т.С. Убаськина) "Вдохновение" IX Халыкара читтән торып сайлап алу турында катнашты, анда II дәрәҗә лауреат булдылар һәм 30 март - 2 апрельдә Мәскәүдә узачак GRAND FESTIVAL финалына чакыру алдылар.

Шуны билгеләп үтәргә кирәк, читтән торып катнашу этабына барлыгы 2066 гариза бирелгән иде. Конкурста 11 илдән: Россия, Украина, Белоруссия, Казахстан, Кыргызстан, Молдавия, ДНР, ЛНР, Үзбәкстан, Словакия һәм АКШтан коллективлар катнашты.

Безнең катнашучыларны лаеклы нәтиҗә белән котлыйбыз һәм яңа уңышлар телибез!

    "Демография" милли проектының "Өлкән буын" Федераль проекты кысаларында Буа муниципаль районының "Гармония" социаль хезмәт күрсәтү үзәге белгечләре район үзәк хастаханәсе белгечләре белән берлектә агымдагы елның сентябрь аеннан башлап, авыл җирендә яшәүче 65 яшьтән өлкән яшьтәге гражданнарны шәһәрнең медицина оешмаларына медицина күзәтүе үтү өчен алып киләләр.

    Бүгенге көндә медицина оешмаларына 1197 кеше китерелгән. Район үзәк хастаханәсе белгечләре белән берлектә 2020 елның беренче кварталына авыл җирендә яшәүче 456 өлкән кешене медицина учреждениеләренә илтүнең план-графигы төзелде.

Кичә Идел буе дәүләт физик культура, спорт һәм туризм академиясенең «Академия» концертлар залында «Ел спортчысы-2019»тантаналы чарасы узды.

Узган елда спортта зур уңышларга ирешкән спортчыларны  котлауда Татарстан Республикасы премьер-министры урынбасары Ләйлә Фазлыева, статс-секретарь – Россия спорт министры урынбасары Надежда Ерастова, Татарстан Республикасы спорт министры Владимир Леонов, шулай ук Бөтенроссия спорт федерацияләре җитәкчеләре, танылган россия спортчылары һәм Олимпия чемпионнары катнашты.

Тантаналы чарада Буа муниципаль районы делегациясе дә катнашты. Аны район җитәкчесе Ранис Камартдинов җитәкләде.

"ГТО алдынгысы" номинациясендә Буа муниципаль районы 2 нче урынны алды. Төп номинацияләр — Татарстан Республикасының иң яхшы спортчысы — сноубордчы Милена Быковага һәм «Ак Барс» хоккейчысы Данис Зариповка бирелде.

"Светофорик" балалар бакчасында узган семинарда  район Башкарма комитеты җитәкчесенең социаль мәсьәләләр буенча урынбасары Садретдинова Л. Н., мәгариф идарәсе урынбасары Македонская Н. А., мәктәпкәчә белем бирү буенча методисты Хәбибуллина Р. И. Һәм Апас, Чүпрәле, Кайбыч, Кама Тамагы, Тәтеш, Буа муниципаль районнары педагоглары катнашты. Очрашу кысаларында яшь төркемнәре буенча тематик дәресләр үткәрелде,ЮИД агитбригадасы чыгышы, "Куркынычсызлыкның 5 тукталышы" квест-уены, педагогларның эш тәҗрибәсеннән чыгышлар ясалды, дидактик кулланмалар һәм юл хәрәкәте иминлеге буенча авторлык программалары күргәзмәсе оештырылды, ата-аналар белән "Юл дулкынында"интеллектуаль уены үткәрелде.

Бүген, 19 декабрьдә, Татарстан Республикасы Дәүләт Советы каршындагы мәйданда, «Татарстан Республикасы Муниципаль берәмлекләре советы» ассоциациясе тарафыннан оештырылган муниципаль берәмлекләр арасында республика смотр-конкурсында җиңүчеләрне  тантаналы бүләкләү булды.

Тантаналы чарада Буа муниципаль районы башлыгы вазыйфаларын башкаручы Рәнис Камартдинов җитәкчелегендәге делегация катнашты. Безнең районның өч авыл җирлеге башлыклары смотр-конкурста җиңү яулап, республика Президенты Рөстәм Миңнеханов кулыннан Chevrolet «Niva» маркалы яңа автомобиль ачкычларын алдылар. Алар - Янтуган авыл җирлеге башлыгы Рамил Җамалетдинов, Кыят авыл җирлеге башлыгы Елена Корунова һәм Иске Тинчәле авыл җирлеге башлыгы Гөлия Шакирова.

Котлыйбыз һәм аларга эшләрендә яңа уңышлар телибез!

     Яңа ел алдыннан Буа муниципаль районында халыкка социаль хезмәт күрсәтү үзәге «Гармония» психологлары «Преодоление» клубы әгъзалары белән «Тылсымлы бизәкләр» дигән темага төркемле дәрес уздырганнар. Чөнки тиздән  яраткан бәйрәмебез Яңа ел якынлаша һәм Яңа ел атрибутлары турында чын-чынлап бәйрәм хисе тудыра торган чыршы бизәкләре турында да уйларга вакыт.

         Әлеге максат белән белгечләр төрле төстәге кар бөртекләре ясау буенча мастер-класс үткәрделәр. Балалар зур кызыксыну һәм тырышлык белән эшләделәр.

      Мондый иҗади процесс балаларның эчке дөньясын баета һәм фантазиясен үстерә. Иҗади башлангычтан тыш, аларда кәгазь белән эшләү осталыклары да үсә. Шуны да билгеләп үтәргә кирәк, яңа ел кар бөртекләре ясау буенча уртак эш психологларны яшүсмерләр белән якынайтты.

   Мәктәптән тыш эшләр үзәгендә "Мин дөньяны өйрәнәм" дигән тикшеренү эшләре һәм проектлар конкурсы булып узды, анда "Кояшкай" балалар бакчасының мәктәпкә әзерлек төркеме балалары Вәлиев Фаил һәм Фазлыева Әминә үзләренең "Мультипликациядәге беренче адымнар яки үзеңә мультфильм ясау"дигән тикшеренү эшләрен күрсәттеләр.

   Конкуренция җитди булып чыкты, барлык конкурсантлар да җентекләп әзерләнделәр, конкурста тәкъдим ителгән барлык эшләр дә кызыклы һәм искиткеч булды.

  Бәйге  нәтиҗәләре буенча жюри безнең тәрбияләнүчеләрнең эшен югары бәяләде һәм аларга лаеклы икенче урын бирде. Барлык җиңүчеләргә дипломнар һәм истәлекле бүләкләр тапшырылды.

Кичә Казанда Татарстан Республикасы Экология һәм табигый байлыклар министрлыгы тарафыннан үткәрелә торган "ЭКОлидер" еллык республика конкурсында җиңүчеләрне бүләкләделәр.  Ел йомгаклары буенча эколидерларны муниципаль берәмлекләр, предприятиеләр, иҗтимагый оешмалар, журналистлар, гражданнар арасында билгеләделәр. Җиңүчеләр арасында буалылар да бар! ⠀

«Авыл җирлеге территориясендә әйләнә-тирә мохитне саклау өлкәсендәге казаныш өчен» номинациясендә 1 урынга Буа районының Норлат авыл җирлеге, җирлек башлыгы Гөлчәчәк Булатова лаек булды.  "Массакүләм мәгълүмат чаралары» конкурс төркемендә «шәһәр һәм районнарның массакүләм мәгълүмат чаралары» (татар телендә) номинациясендә "Байрак" район газетасы корреспонденты Әлфинур Йосыпова җиңүче булды, ә шәһәр һәм районнарның массакүләм мәгълүмат чаралары төркемендә «иң яхшы телесюжет» номинациясендә өченче урынны "Буа ТВ" корреспонденты Ранис Әхмәтшин яулады.  «Мәктәпкәчә оешмаларда экологик белем бирү» номинациясендә өченче урын Буа муниципаль районы  «Светофорик» балалар бакчасына бирелде,  котлауны мөдир Гөлнара Рәхмәтуллина алды. ⠀

 Барыгызны да лаеклы җиңүләр  белән котлыйбыз!