ЯҢАЛЫКЛАР

Кулланучылар хокукларын яклау һәм кеше иминлеге өлкәсендә күзәтчелек федераль хезмәте җиләк-җимеш, яшелчә һәм сөт продуктларында да шикәр бар, шул ук вакытта алар, сәламәтлеккә зыян салмый. Татлы җиләк-җимешләр  фруктоза һәм глюкоза клетчаткасын, витаминнар һәм минераллар күплеген компенсацияли, шуңа күрә түбән энергетик тыгызлыкка ия. Лактоза (сөт шикәре) аллергиклар өчен генә зыянлы.

Россиядә шикәр куллану АКШ белән чагыштырганда бер ярым тапкырга кимрәк, Германия белән чагыштырганда 11% ка артыграк һәм Япония белән чагыштырганда ике тапкыр күбрәк. Уртача бер россияле тәүлегенә 107 г яки елына 39 кг ашый. Бүгенге көндә кулланыла торган шикәрләрнең шактый өлеше эшкәртелгән  татлы ризык булып саналмаган азык-төлек продуктларында бар. Мәсәлән,1 аш кашыгы кетчупта якынча 4 г (1 чәй кашыгы диярлек)  шикәр була. Шикәр белән баетылган газлы эчемлекнең бер банкысында 40 граммга кадәр (10 чәй кашыгы) шикәр.

Курчак театры-балаларның иң яраткан тамашаларының берсе. Ул балаларны үзенең матурлыгы белән җәлеп итә. Уен барышында балалар эмоциональ яктан сюңетка тартылалар, ә бу аларның иҗади сәләтләрен ачырга мөмкинлек бирә, үз-үзлшрен күрсәтүдә оялчанлыкны бетерә. Персонажлар аша борчулыкка, ышанычсызлык, оялчанлыкка җавап кайта. Балалар - шатлык, моңсулык, курку кебек  төп эмоцияләр белән генә түгел, ә яхшылык, явызлык, үзара ярдәмләшү кебек төшенчәләр белән дә танышалар.

Курчаклар кулланып чираттагы дәресне Буа муниципаль районының дәүләт автоном социаль хезмәт күрсәтү учреждениесе «Гармония» психологы Светлана Шакирова үткәрде. Балалар гадәти булмаган курчак дөньясына эләгү мөмкинлегенә ия булдылар, анда төп герой Буратино. Персонажлар образына кереп, балалар курчаклар биргән сорауларга актив җавап эзләделәр, аларның йөкләмәләрен бик теләп үтәделәр, киңәшләр бирделәр, куркынычлылык турында кисәттеләр.

Яңа уку елы алдыннан Татарстан Росреестры һәм Татарстан Республикасы буенча Кадастр палатасы авыр тормыш хәлендә калган күп балалы гаиләләрдә тәрбияләнүче балаларга мәктәпкә җыенырга ярдәм итте.

Ел саен үткәрелә торган "Мәктәпкә җыенырга ярдәм ит" хәйрия акциясе кысаларында ике ведомство Яшьләр советы вәкилләре булачак мәктәп укучылары өчен мәктәп портфельләре, канцтоварлар, тәм-томнар сатып алды һәм аларга кунакка киттеләр. Бүләкләргә шатланып һәм хис-кичерешләрен тыеп тора алмыйча, аларны булачак беренче сыйныф укучылары бик теләп каршы алды.

Әлеге акция кысаларында барлыгы  4 гаиләдә тәрбияләүче 21 балага матди ярдәм күрсәтелде, аларның күбесе мәктәп укучылары. Араларында беренче сыйныфка баручылар да бар.  Андыйларга өстәмә рәвештә кием-салым һәм спорт аяк киеме бүләк ителде.

Татарстан Республикасы Буа шәһәрендә Россия Пенсия фонды идарәсе 16 яшькә кадәрге балалары булган һәм коронавирус инфекциясенә  бәйле рәвештә түләүгә элегрәк гариза бирмәгән татарстанлыларга моны 30 сентябрьгә кадәр эшләргә кирәклекне искәртә.

Исегезгә төшерәбез, өч яшькә кадәрге балаларга ай саен 5 мең сум түләү буенча Пенсия фонды апрельдән башлап, июньнән 3-16 яшьлек балаларга 10 мең сум күләмендә бер тапкыр бирелә торган түләүләр башкара башлады.

Моннан тыш, Президентның 23 июнь указына туры китереп, июльдә өстәмә бер тапкыр түләнә торган  10 меңлек өстәмә түләүгә хокук 16 яшькә кадәрге балаларның ата-аналары, уллыкка алучылары, опекуннары һәм попечительләргә бирелде. Әлеге түләүнең үзенчәлеге мөрәҗәгать итмичә - аны бирү автомат рәвештә, айлык һәм/яки бер тапкыр түләнә торган гаризалар нигезендә башкарыла.

Мәктәп сезонына әзерлек буенча ата-аналарга киңәшләр

Уку елы башланырга бер атна калды. Ата-аналар балаларны мәктәпкә әзерләү белән шөгыльләнә, мәктәп формасы, ранецлар, мәктәп кирәк-яраклары, канцелярия товарлары һәм башка аксессуарлар сатып ала.

Балалары урта һәм өлкән звено укучылары булган күпьеллык тәҗрибәгә ия ата-аналар мәктәп формасын сайлау белән җитди проблемалар кичермәсә, беренче сыйныф укучыларының ата-аналарына баш ватарга туры килә.

Бүген Буа районына эш визиты белән Татарстан халыклары Ассамблеясе Башкарма комитеты җитәкчесе Константин Яковлев килде. Визит кысаларында Буа муниципаль районының җирле милли-мәдәни автономияләре җитәкчеләре белән очрашу оештырылды. Районыбызның милли, үзенчәлекле мәдәниятләрен үстерү һәм саклап калу программасында өстенлекле юнәлешләр турында район Башкарма комитеты җитәкчесенең социаль мәсьәләләр буенча урынбасары Лилия Садретдинова сөйләде. Ул ассызыклаганча, быел республика ТАССРның 100 еллыгын, Буа районының - 90, ә Буа шәһәренең 240 еллыгын билгеләп үтә. Шунысы куанычлы, район- күп кенә халыклар һәм конфессияләр дус һәм тату яшәгән территория булып тора. Милли берләшмәләр белән берлектә социаль-мәдәни проектларны гамәлгә ашыру буенча "Буа муниципаль районы мәдәният идарәсе" МКУ башлыгыРинат Гыймранов чыгыш ясады. "Буа шәһәренең Мәдәни үсеш үзәге" МБУ директоры Мөдәрис Гайфуллин Татарстан халыклары Ассамблеясына Буа районына игътибар күрсәткәннәре өчен рәхмәт белдерде һәм этникара багланышлар өлкәсендәге төп эшләнмәләрне атады. Киңәшмә кысаларында Татарстан Республикасында милли һәм этникара мөнәсәбәтләрне гармонияләштерүгә юнәлдерелгән мөһим мәсьәләләр турында фикер алышынды. Очрашу фикерләр һәм теләкләр алмашу белән тәмамланды

Бүген Казан Кремлендә Татарстан Республикасы Президенты Рөстәм Миңнеханов  һәм хатыны Гөлсинә Миңнеханова  тантаналы рәвештә 48 гаиләне хөрмәтләделәр.

Чакырылган гаиләләрнең яртысыннан артыгы – күп балалы гаиләләр. Алар барысы да яраткан ата-аналар һәм ир белән хатын- кыздан тыш, үз һөнәри тармакларында танылган профессионаллар да әле.

Исегезгә төшерәбез, конкурс башлану турында 1 августта ТР Хөкүмәте Йортында узган киңәшмәдә ТР Премьер-министры урынбасары – авыл хуҗалыгы һәм азык-төлек министры Марат Җәббаров хәбәр итте.

Конкурс 2020 елда урып-җыю кампаниясендә югары күрсәткечләргә ирешкән игенчеләрне бүләкләү, һөнәрнең абруен күтәрү һәм популярлаштыру, шулай ук уңышны оператив һәм сыйфатлы итеп җыеп алу, ТР агросәнәгать комплексында урып-җыю техникасы паркын нәтиҗәле куллану максатларында үткәрелә.

Быел Министрлыкның конкурс комиссиясе республика һәм район дәрәҗәсендә иң күп ашлык суктыру күрсәткечләре буенча 200 җиңүчене һәм Татарстан Республикасында иң күп чаптыру мәйданын билгеләячәк. Агымдагы елда, узган еллардагы кебек үк, Татарстан Республикасы Президенты грантына комбайнчыларның республика конкурсы узачак, 100әр мең сум күләмендә 200 премия булдырылган.

Татарстанның күп кенә бакчачылары соңгы елларда виноград  үстерүне яратты. Әмма күпчелек очракта безнең шартларда ул өлгереп җитә алмый яки җимешләре ачы  тәмгә ия. Татарстанда татлы виноград үстерү - тулы бер фән. Татарстан Республикасы Авыл хуҗалыгы һәм азык-төлек министрлыгы, тәҗрибәле виноград үстерүчеләр белән берлектә, киңәш бирү белән язмалар сериясен дәвам итә, аларны үтәп , чын-чынлап татлы виноград уңышы алырга мөмкин.

Җәй ахырына виноград үстерүченең эше арта. Август ахыры - җиләкнең  сусыллыгы арткан чагы, ә бакчачылар үсемлекләргә моның өчен бөтен көчен бирергә ярдәм итә. Август ахырында - сентябрь башында эксперт Рөстәм Гомәров виноград белән нинди эш үткәрергә кирәклеге турында сөйләячәк.

«Россия Федерациясенең цифрлы икътисады» милли программасының «Цифрлы технологияләр» федераль проекты кысаларында Россия Федерациясе Хөкүмәте «үтәли» цифрлы технологияләр (https://e-digital.tatar) базасында булдырылган үзебезнең ил продуктларын, сервисларын һәм платформа чишелешләрен кертү нигезендә проектларга ярдәм итү чараларын карады.  Татарстан Республикасында алты субсидия гамәлгә ашырыла:

1) Кече предприятиеләргә ярдәм (Инновацияләргә ярдәм фонды - грантлар рәвеше) - Россия Федерациясе Хөкүмәтенең 554 номерлы карары;