ЯҢАЛЫКЛАР

Быел кыш көттереп кенә килсә дә,  бар дөньяны бик тиз ап-ак итте. Соңгы көннәрдә дә тоташ кар яуды, буранлады да.  Кичә бозлавык иде. Табигатьнең бу бүләкләре белән көрәшми мөмкин түгел – юлларны кардан, боздан арындырырга кирәк. “Буа МППЖКХсы (инженерлык челтәре)” җәмгыяте хезмәткәрләренең моңа ничек өлгерүен урынга чыгып өйрәндек.

Чәй турында сәгатьләр буе сөйли ала Карлы авылында яшәүче Зәкия Мигранова. Ул аларның исен дә, төсен дә, сортын да әллә кайдан аера. Ун ел буенча чәй традициясен өйрәнүче ханым янында без дә кунакта булып кайттык.

Шушы көннәрдә районның САПСАН көрәш сәнгате клубы спортчылары Минск шәһәрендә узган җиденче Халыкара көрәш сәнгате уеннарыннан җиңү белән кайттылар.

М.Вахитов исемендәге гимназиядә татар КВН командасы да оешкан быел. 9-10 сыйныфлар укучылары Айзилә Әхмәдуллова, Сиринә Гыйззәтуллина, Рената Шәрипова, Зилә Садыйкова, Алмаз Мәхмүтов, Камил Галиев һәм капитан Аяз Нәфиев Казанда Татар КВН лигасында чыгыш ясап кайтырга өлгергәннәр инде. республиканың төрле уку йортларыннан,  хәтта Россия регионнарыннан студентлар, хезмәткәрләр командалар белән бер сәхнәдә чыгыш ясаганнар.

Шушы көннәрдә Казахстанның Станиславский исемендәге Караганда рус дәүләт драма театры коллективы Буа сәхнәсендә чыгыш ясады.  Аның директоры Дунай Еспаев Буада икенче тапкыр, март аендагы халыкара фестивальгә ул казах драма театры сәнгать җитәкчесе сыйфатында килгән иде. Тамашачы аны ул уйнаган Гамлет роле аша хәтергә төшерә ала. Дунай әфәнде белән ике коллектив арасында театраль дуслык, Казахстанда театрларның хәле турында сөйләштек.

“Яшьлек” спорт мәктәбендә шушы көннәрдә  JuniorSkills регламенты буенча мобиль  робототехника компетенциясенең  челтәр ярышлары үтте. Алар Казан зонасында февральдә узачак республика этабына  үтү өчен көрәште.

45 ел бер  мәктәп диварларында укучыларга физик тәрбия дәресләре бирде Вячеслав Шурбин. Аның хезмәт кенәгәсендә ике язу – шәһәрнең интернат-мәктәбенә эшкә алынуы һәм аннан лаеклы ялга китүе турында. Шушы көннәрдә 70 яшен тутырган педагогик хезмәт ветераны бүген районда өченче яшь  спорт ветераннары командасын җитәкли.

Буа  театры бинасында  Әниләр көненә багышланган тантана үтте.

Аны район башкарма комитеты җитәкчесе Ранис Камәртдинов ачты.

– Тормыш ул әнидән башлана. Ул баласын яратучы,  аны тормышка өйрәтүче, яклаучы, ярдәм кулы сузучы, аңлаучы илаһи зат. Кадерле балаларыгыз сезнең таянычыгыз булсыннар, ышанычыгызны акласыннар, кадерле әниләр, – дип мөрәҗәгать итте ул залдагы аналарга.

Ә “Ана Даны” медаленә лаек булган, хезмәт бурычын үтәгәндә һәлак булучыларның әниләренә  чәчәк бәйләмнәре һәм бүләкләр тапшырды.

25 ноябрь көнне сәгать 10:00 да - 9 илдә һәм 20 төбәктә “Татарча диктант” акциясе узачак.

26 ноябрь көнне 9 сәгатьтә “Юность” спорт мәктәбендә Татарстанның атказанган  физкультура һәм спорт хезмәткәре Ленар Вәлиуллин истәлегенә ир-егетләр арасында волейбол буенча районара турнир уздырыла.