ЯҢАЛЫКЛАР
Районда эшлекле визит белән Молдавиянең Окница районының район рәисе, Молдова Республикасының социалистлар партиясе рәисе Василий Романюк җитәкчелегендәге делегациясе булып китте. Килүләренең максаты Буа муниципаль районы һәм Окница районы арасында дустанә элемтәләр булдыру турында ике яклы Килешү төзүдән гыйбарәт иде.
Кунакчыл Буа җиренә күпләп кайткан якташ-ларыбызны, кунакларны – Татарстан Дәүләт Советы депутаты Ринат Гайзатуллинны, Татарстанның халык шагыйре Ренат Харисны, Казанда “Буа як-ташлыгы” җәмгыяте президенты Ирек За-кировны, Татарстан Дәүләт Советының законлылык һәм хокук тәртибе буенча комитеты рәисе Шакир Яһүдинны, Татарстанның Икътисад министры урынбасары Олег Пелевинны, Молдова Республикасы делегациясен һәм башкаларны район җитәкчелеге Сабан туе капкасы янында каршы алды. Аларны милли киемле кызлар ипи-тоз, чәк-чәк белән сыйладылар. Мәй-данга бару юлында һөнәрчеләребез эшләре белән таныштылар, татар йорты, район агрофирмалары ишегалларын, Әдәби йортта Г. Тукайның тууына 130 ел тулу уңаеннан оештырылган күргәзмәне карадылар, бию, фольклор төркемнәре, балалар чыгышларын кызыксынып күзәттеләр, кушылып биеделәр. Авыл җирлекләре, мәктәпләр коллективлары аларга үз сыйларын тәкъдим иттеләр.
Кичә Россиядә рус теле һәм Пушкин көне билгеләп үтелде. Моңа багышланган флешмоб Буаның үзәк паркында узды.
Әлеге визитның максаты – Окницк район Советы һәм Буа районы җитәкчелеге арасында ике яклы килешү төзү һәм регионара мөнәсәбәтләрне көйләү.
Хөрмәтле буалылар!
Буалылар, “Күңел” радиосы каналында 102,3 ешлыгында “Буа FM” радиосы сөйли башлады.
Гореф-гадәтләребезне саклау, йолаларыбызны яңарту максатында быел 28 майда Буа районы Волгоград өлкәсенең Яктыяр районы Олы Чапурники авылында Сабантуй уздырды.
Авыл хуҗалыгы һәм азык-төлек идарәсеннән алынган мәгълүматларга караганда, 2 июньгә район хуҗалыкларында күпьеллык үлән 2765 гектарда урдырылган.
Бүген Татарстан Дәүләт Советы рәисе урынбасары Татьяна Ларионова, Хезмәт, шөгыль һәм социаль яклау министры Эльмира Зарипова Буага килделәр.
25 май көнне Буада Россия Тикшерү комитетының Татарстан буенча җитәкчесе урынбасары Айрат Әхмәтшин һәм Татарстан буенча баш федераль инспектор Ренат Тимерҗанов, Татарстан прокуроры урынбасары Газинур Галимов гражданнарны кабул итү үткәрделәр.
Кабул итүгә кергән Тутай авылыннан күп балалы әни Лира Кошелева алардан гаиләгә кабул ителгән 6 яшьлек авыру баласына дәвалаучы тренажер сораган иде. Республика тикшерүчеләре вәгъдә иткән бүләк озак көттермәде – 1 июньдә, Халыкара балаларны яклау көнендә, Лира Кошелевага Буа районара тикшерү бүлеге җитәкчесе Рөстәм Мөгыйнов, аның өлкән ярдәмчесе Рияз Камалиев тренажерны өенә барып тапшырдылар.
Әни дә, балалар да бик шатланды.